Filipi 4:19 - Testamenta Áre 1983 (Toaripi PNG)

¹⁹ Arave Ualare sa eve haikaeaita etau foromai la toari, areve sosorusosoru ve pisoso etau Keriso Iesu voa ero lōfeare miarai roi.

Filipi 4:19 Iomraidhean Croise

Mataio 6:32

Ipi lea etau toruipi hariaharia karu sa eli vovea; ipi e haikaeaita lea etau foromai eve kauri Oa sa ore leititore.

Ioane 20:17

Iesu arero mō ōpe, Arave maea mai levi paeaia, ipi ara arave Oa tai pataia kao. A—, arave maraiosu tai isei erero o mō aria, Ara arave Oa aeata eve Oa, arave Ualare aeata eve Ualare ita tai patai vei la roi.

Ioane 20:27

Aite are Tomasi la mō ōpe, Ave mai lakoka sosoropaia, aea mea arave mai posa oraka la ofae eavaia, aea ave mai opa ta sosoropi arave koesa voa miavaia; mapai vei haiarara levi leitia, a—, sukaerereaia.

Roma 1:8

Omopa o meha: Ara Iesu Keriso voa arave Ualare la maeati vovea, ipi eve sukaerereaita mai ve fari mearovaeka foromai voa la fafarapaipea.

Roma 11:33

Ualare sa ovi meita etau, haiovoro ita haiore ita ve toru ve karera leafeare ei! Are seseōvi kekese leita haiiri leisa ore? Are sa leita lea mai ve eite ta leisa seseōvaita ore ei?

Roma 2:4

A Ualare la tore auke leita varo, ipi areve maeaforoe rovaea, areve morarita mai aea areve haimafu ita vei. A ore kao ei? Ualare ve maeaforoe ve eite aro kurea haiiri kerorita otiharo voa aro lariōvai vei.

Roma 8:18

Arave seseōvaita haiiri meha, mea faitora soa ve haisora aea Ualare sa ereitaro muiai vei leita lea sosorusosoru ita farehoria topiari seseōvaita usoso kakaeite.

Roma 9:23

Are ta areve sosorusosoru voa siseita etau lareva rauapo, are maeaforoe lei lea sosorusosoru la ovai vei everori kekese leipe lea etau la pisiri muiai haikaeōpe.

2 Korinito 12:21

Ara tore la leipea ero tai foreraita lea mea, arave Ualare sa araro eve soso voa lei maeamariti leitita varo, aea ara evera kaiae ita pepeita lea karu vei fi arita varo, ipi ere sa leita sirisiri mai, aea herei, aeata ua ita vita ita ve safu miroapaita mai vei haiiri kerori auke eavia.

2 Korinito 4:17

Ipi elave utohoa kaleipeta haisora seika sa elaro lei kekese la leipea, seseōvi ore auke lei peita sosorusosoru ve rovaeka kofa la aite soa voa ovai vei.

Efeso 1:18

Arave loki o ta meha, eve haiiri ve ofae ovava lei, are ero haikaea lei forerai vei isaita lea soa la taita ore lei, aea are areve karu la otoare arita lea pisoso ve sosorusosoru leafeare, lea ta ore leiti vei.

Efeso 1:7

Ipi Keriso ve sisapōpe ovo sa ereitaro paraea, ereitave kaiae la felaukea mutapaita reha, Ualare ve maeaforoe ve meru rovaeka kofa vei.

Efeso 2:7

Aeata aite foreraita soa voa are areve maeaforoe ve meru rovaeka aea areve haimafu ita la ereita vei pisirikao muiai roi Keriso Iesu voa.

Efeso 3:16

arero loki lei, areve sosorusosoru ve pisoso etau rauapo fefeare, are areve Arahoha sa siahu ero miarai vei, eve iri karu la lei rofo rovaea leiti vei,

Efeso 3:8

Ara Ualare ve karu foromai voa eite auke kofa lei meiape. A—, Ualare maeaforoe lei meru araro miarōpe, ara toruipi hariaharia karu ve omopa voa karu sa muti ore auke lei, Keriso ve lea pisoso etau rauapo la itoro ari vei,

Filipi 4:7

Soka Ualare ve tairu, karu sa seseōvi ore auke leita lea tairu, eve haiiri aea eve haikaeaita la Keriso Iesu voa kiva lei meava roi.

Kolose 1:27

Ipi Ualare sa haikaeaita haiiri meha, toruipi hariaharia voa areve karu la mea sosorusosoru rovaea ve hohore etau la muia lei ore leiti vei. Lea ve eite mōfeare, Keriso eve iri voa laipea, aea e lōfeare vei Ualare ve sosorusosoru voa soa ovai roi.

Kolose 3:16

Keriso ve ovoro eve haiiri voa areve etau lareva‐eiteapo ita peava. E salamo o, fara o, aeata ove ve aua ita elore elore haiovoro foromai ita kurea satiriōri fara feraia, Ualare la maeatita fara eve haiiri voa feraia.

1 Tesalonika 2:12

e Ualare sa haikaeaita mai feare lei vovo roroai vei, areve sosorusosoru leita basileia voa forerai vei ero isaita lea Ualare.

1 Timoteo 6:17

Soka mea mearovaeka ve pisoso karu la o kere ita moia ere maeamarōva levi leiti vei, ere taita haiiri la soa savori sisei auke leitita pisoso etau voa levi sesearaia, a—, Ualare voa are sa etau foromai la ereitaro lei hailareva leiti vei miara vovea.

Filemona 1:4

Ara arave Ualare la maso toaia soasoa voa ara aro haikaeaita lea meamea, ara Ualare la maeati vovea;

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.