Filipi 3:9 - Testamenta Áre 1983 (Toaripi PNG)

⁹ are ita topiari totoeai vei. Ara faitora arave elore leitita haura, Safu Mai la kakeva leitita lea mai haura kasirau; a—, Keriso la sukaerereai voa foreraita lea mai sa haura, Ualare sa ereita sukaerereaita lea vei ereitaro miaraita lea mai haura.

Filipi 3:9 Iomraidhean Croise

Mataio 9:13

Teraia, mea o ve eite seseōvi ore leitia, Ara sa maeaforoe leiti vei haikaeaipea, maso etau la savi omopa posaseai vei kasirau. Ara mai haura leita karu la isai vei koti kao, a—, kaiae leita karu vei.

Roma 1:17

Ipi lea Ovoro Lareva voa Ualare sa karu la lei haura leita mai la pisiri muia vovea, lea mai ve oarehōva aeata sisa etau sukaerereaita haiiri reha; usoso Safu Buka voa mōri uka siseita o feare, Sukaerereaita haiiri sa Ualare ita lei haura leita lea karu ere makuri leiti roi.

Roma 10:10

Ipi karu areve haiiri sa sukaerereaita, a—, are Ualare ita haura lei, aea are ape sa vavavaita, a—, arero fareōvi makuri loita reha.

Roma 16:7

Anederonika auke Iunia ita, arave Iuda opamōla oraka, ara ita farehoria dibura voa fasōpe lea karu oraka la maeaforoe o omoia; ereuka fari koa karu oraka aposetolo karu voa, aea ereuka Keriso ve karu firu voa evera oropōpe, ara aite.

Roma 5:21

Usoso iri kaiae sa opai voa harofave vita leiape, lōfeare Ualare ve maeaforoe sa ereitaro lei are ita haura lei, harofave siahu ovi ereitaro peita makuri soa voa lariōvaitore Iesu Keriso ereitave Papuvita vei.

Roma 8:1

Faitora Keriso Iesu voa roroaita lea karu vei kaiae tava erero miarai kasirau.

Roma 8:3

Sarōva sa tivutivu leitita lea vei, ukōpe Safu Mai etau leiti vei rofo usoso kasirau; a—, lea etau Ualare sa leipe. Are areve elore Atute la itapi, lea Atute sa kaiae leita sarōva foromai ve ove feare lei, are kaiae ve tava lei, are sarōva ve iri voa eaeita kaiae la seseōvi kaiae o ōpe.

1 Korinito 1:30

Ualare sa ero Iesu Keriso voa lei makuri ero lei roroa, aea Keriso Iesu voa haiore aea haura aea taivotaita mai aea makuri leita siahu ita la ereitaro miōri la roroa.

2 Korinito 5:17

Lea vei karu aea Keriso voa peita, a—, arero lei áre lei meita vita are reha; lea evera etau veverapi kalei, etau foromai áre lei foreraita reha.

2 Korinito 5:21

Are iri kaiae ore auke lei meiape, a—, ipi Ualare sa arero lei ereita vei iri kaiae karu leipe, lōfeare vei ereita are voa Ualare ita haura leiti veia.

Galatia 2:16

A—, ela ore, karu Ualare ita haura leita mai farakeka meha, Iesu Keriso la sukaerereai vei, Mose ve Safu Mai la leita lōvoa kao. Lea vei ereita Keriso Iesu la sukaererea, aea ereita sa Keriso la sukaerereaita lōfeare voa ereita Ualare ita haura loita reha, Safu Mai la leitita lea vei kao; ipi karu farakeka aea Safu Mai la haria leitita, a—, are Ualare ita haura levi leiti roi.

Filipi 3:6

Ara arave haihahari lea mai voa mōfeare muiaiape, ara ekalesia la hasiavaiape. Mose ve Safu la kakeva lei, Ualare ita haura lōri leiti vei, ara lea mai voa kaiae kakaeite.

2 Timoteo 1:9

Are ereitaro fareōvi makuri lei, aea safu mai ita lei vovo roroai vei ereitaro isōpe, usoso ereita sa leita lea mai feare kao, a—, are sa haikaeaita lea haiiri vei, aea areve haiforoe leita meru feare. Mearovaeka forerai auke soa voa lea haiforoe leita meru are sa Keriso Iesu voa ereitaro everori miōri kekese leipe,

Tito 3:5

are ereitaro fareōvi makuri leipe, ipi ereita sa haura leiape lea etau vei kasirau, a—, ipi are sa ereitaro maeaforoe leipe lea vei, mi áre arita soa ve sukoita ma voa aea Safu Arahoha sa lei áre leitita lea mai voa.

Heberu 6:18

Soka lea toarōrisaita ore auke leita etau oraka meha, Ualare ve o aea apeva arita ore auke Ualare ve otoare ita. Lea vei ereita makuri vei safauka arero tai oroaita karu, haiiri rofo ita la leipea ereitave omopa voa miavi eaeipeta lea haikaeaita makuri la mai sa totoreai vei.

Iakobo 3:2

Ereita karu foromai soa rauapo mai eae la leititore. A—, are sa omoita lea o foromai voa eae auke ita leitita lea vita, are haura ita lei kekese leita vita kofa, aea areve maea foromai voa ta papuvita leitita ore.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

1 Ioane 3:4

Kaiae la leita lea karu foromai ere Ualare ve safu mai la miroapaitore, ipi iri kaiae ve eite safu mai la miroapaita mai reha.