Filipi 3:8 - Testamenta Áre 1983 (Toaripi PNG)

⁸ Okofa, ara etau foromai la eite auke etau feare seseōvai, ipi etau larevaeiteapo meha, Keriso Iesu, arave Papuvita la ore leiti vei. Ipi are vei ara arave etau foromai la lei veverapi kalei la mea, ara lea etau la usoso roro feare seseōvi, ara Keriso la ovi

Filipi 3:8 Iomraidhean Croise

Luka 1:43

Ara mea maeati leafeare sukaeai arave Papuvita ve lou sa araro tai foreri meipeta lea vei ei?

Luka 11:20

A—, ara Ualare ve mai lakoka ve siahu ita harisu la larivataita, a—, Ualare ve basileia ero tai lōfeare vei foreri laepea.

Ioane 14:20

Lea sare voa e ore leiti roi ara Oa ve iri voa, aea e arave iri voa, aea ara ta eve iri voa.

Ioane 14:7

E araro ore leitita, a—, e arave Oa ta ore loita reha. Soa faitora e arero ore, aea arero ta eovi roroka.

Ioane 16:3

Ere lea etau ero leiti roi, ipi ere elaka Oa ita la ore leiti sore.

Ioane 17:3

Peita makuri meha: ere a Ualare kofa farakeka lea la ore leiti vei, aeata Iesu Keriso, a sa itapōpe lea vita ta reha.

Ioane 17:8

Ipi a araro miarōpe lea o foromai la ara ta erero miarōpe; aea ere erero ovi, aea ara a voa pea forerōpe, ere lea ta ore kofa, aea a araro itapōpe lea ta ere sukaererea vovo la roroa.

Ioane 20:13

Eovi, ereuka arero mō ōpe, Ua e, a fi ipi levea aipea? Are ereukaro mō ōpe, Ipi ere arave Papuvita la fareōvi, aea ere arero leavoa miavaita ara ore kao.

Ioane 20:28

Tomasi tava o arero mō ōpe, A arave Papuvita aeata arave Ualare.

Aposetolo 20:24

A—, ara arave makuri tava rovaea etau feare levi seseōvai roi, arave haikaeai farakeka meha, arave loreape arita soa la kekese lei aea ara Papuvita voa ovōpe tivi, Ualare ve haiforoe ve Ovoro Lareva la okofa lei moita, lea tivi ta lei roroka leiti vei.

Roma 8:18

Arave seseōvaita haiiri meha, mea faitora soa ve haisora aea Ualare sa ereitaro muiai vei leita lea sosorusosoru ita farehoria topiari seseōvaita usoso kakaeite.

Roma 8:39

koa ve siahu ei, a—, toru ve siahu ei, a—, pisosiape etau hariaharia foromai ei, a—, lea etau foromai sa ereitaro Ualare ve haikakare voa pepeita, tofaea fareovai vei ore kakaeite, ereitave Papuvita Keriso Iesu voa.

1 Korinito 2:2

Ara haiiri voa mōfeare seseōvi roroka leipe, etau e voa ore levi leiti vei, a—, Iesu are Keriso lea o, aeata arero satauro voa paea opōpe lea o haria.

1 Korinito 9:10

Ō lea o ve eite kofa ereita vei ei? Lea o ereita vei ukōpe, ipi siva sukaita lea vita are fare taita haiiri ita siva sukai vei, aeata uiti fare ruru la toa sisapaita lea vita, fare la lari vei au taita haiiri ita leiti vei.

2 Korinito 4:4

Mea mearovaeka ve ualare sa lei sukaerereai auke leita karu ve ofae la lei kuku lei roroa, ere Ualare kofa ve soso lei meita lea Keriso ve Ovoro Lareva ve sosorusosoru ve ovava la ofae levi eavai vei.

2 Korinito 4:6

Ipi mea o, Ovava murumuru voa forera haeai vei omoipe Vita Ualare reha, are elave haiiri voa haeōpe, ela Keriso ve soso voa eavaita lea sosorusosoru ve haiore, karu la satiriōri lei ovava leiti veia.

Galatia 1:16

Are areve Atute la arave haiiri voa muiōpe, toru hariaharia karu ve aru voa areve Ovoro Lareva la itoro ari vei; lea mea ara karu farakeka aea ita laua sukōvi lōri terai kao;

Efeso 4:13

tetete ereita foromai totoea sukaerereaita mai farakeka la ovi roroka lei, aea Ualare ve Atute la ore kofa leita soa ta foreri, karu sora lei, Keriso ve rovaea kofa soa feare lōri leiti roi.

Filipi 1:1

Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 3:10

Arave haikaeaita haiiri meha, Keriso la malasa lei, are opi ata itoipe siahu ta ore lei, areve hehea are ita fareho leiti vei, aea are opōpe lea mai feare voa ta opai vei.

Filipi 3:12

Ara faitora lea etau la ovi roroka varo, araro lei ovava lei kekese loita varo, arave o lōfeare kao; a—, ara loreape serea ita ō vovea, lea etau la aite soa voa ovi arave elore vei, usoso Keriso Iesu sa araro ovi ara areve tivi karu lei mea vovea.

Filipi 3:7

A—, araro everori lōfeare lei lareva leiape lea etau foromai la ara faitora Keriso vei eite auke etau feare seseōvaitore.

2 Timoteo 4:6

Ipi arave ovo faitora usoso maso etau feare, sisapi omopa posaseai vei la leipea; arave maea leiti soa foreraita meha.

Heberu 3:14

Ipi ereita ve sukaerereai, soa oarehōva soa tetete aite kofa voa rofo kofa ita popōvait’ oria, ereita Iesu ita fareho leitita karu lei roroava roi.

1 Petero 2:7

Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

2 Petero 1:2

E Ualare aea ereitave Papuvita Iesu la ore lei, aea lōfeare voa haiforoe leita meru aea tairu ita e voa rovaea kofa leitia.

2 Petero 1:3

Ualare ve siahu sa ereitaro etau foromai la miōri la roroa, ereita Ualare sa haikaeaita haiiri feare makuri lei roroai vei, areve elore sosorusosoru aea lareva‐eiteapo voa ereitaro isōpe lea Vita vei.

2 Petero 1:8

Ipi e lōfefeare etau etau sa eve haiiri voa siseita aea ere rovaea foromai leitita, a—, e eite auke maeapatoita karu levi leiti roi, e sa Papuvita Iesu Keriso la ore lei roroaita lea vei.

2 Petero 3:18

A—, e ereitave Papuvita, ereitaro fareōvi makuri leita Vita, Iesu Keriso ve haiforoe leita meru aea haiore voa asi roroava. Are voa sosorusosoru leitia, faitora soa voa aeata lōri lei pepe peava. Amene.

1 Ioane 1:3

Ela ofae eovi mapaiape lea O vei ela ero ta mei, e ta ela ita maeapavora lei, Oa ita aea areve Atute Iesu Keriso ita farehoria lei vovo roroai vei.

1 Ioane 2:19

Ere ereitaro kiripi maria voa la roroa, a—, ere ereitave maeapavora karu kasirau; ipi ere ereitave maeapavora karu leitit’ oria, ere ereita ita farehoria pepei lare. A—, ere maria voa terōpe, aea lōfeare vei ere ereitave maeapavora karu kasirau lea la pisirikao muia la roroa reha.

1 Ioane 5:20

Ereita mea ta ore, Ualare ve Atute foreri laipea, aea ereitave haiiri la lei ovava lei, okofa ve Ualare la ore leiti vei. Ereita okofa ve Ualare voa laepepea, aea areve Atute Iesu Keriso voa ta reha. Okofa ve Ualare reha, peita makuri ta reha.