Filipi 3:3 - Testamenta Áre 1983 (Toaripi PNG)

³ Ara erero rare lōri aravaipeta ipi peritome karu kofa ereita meha. Ipi ereita Ualare la areve Arahoha ita maso toaita karu, aea Keriso Iesu voa hiva ō vovea. Ereita maeasarōva voa leitita peise la sesearai sore.

Filipi 3:3 Iomraidhean Croise

Roma 1:9

Araro ore lei okofa moita Ualare, areve Atute ve Ovoro Lareva voa ara arave haiiri foromai ita areve tivi lei vovo meita lea Ualare, are ore ara arero veveu toaita soasoa voa ara loki o e vei poitapai sore,

Roma 15:17

Lea vei ara Keriso Iesu voa arave tivi Ualare vei hiva arita ore.

Roma 7:6

A—, ipi evera soa voa ereitaro fasōpe etau voa ereita opai feare leipe, faitora ereitaro Safu voa paraea foreri la roroa; lea vei ereita mai áre Arahoha voa Ualare ve sarufa leititore, ukōpe Safu ve evera mai voa kasirau.

Roma 8:15

Ipi Ualare sa ero miaraita lea Arahoha sa ero lei fasaita sarufa leiti kasirau, ero lei tore ata leiti vei; a—, areve Arahoha sa lei ero atute rare a’, ereita mō isa vovea, Aba e, Oa e.

Roma 8:39

koa ve siahu ei, a—, toru ve siahu ei, a—, pisosiape etau hariaharia foromai ei, a—, lea etau foromai sa ereitaro Ualare ve haikakare voa pepeita, tofaea fareovai vei ore kakaeite, ereitave Papuvita Keriso Iesu voa.

Roma 9:6

Arave o mōfeare kao, Ualare ve otoare are merava; ipi Iakobo voa forerōpe lea karu foromai voa, karu hea ere Israela karu kofa kasirau.

2 Korinito 11:18

Karu rauapo maeasarōva etau vei hiva ō vovea, ara ta lōri leiti roi.

Galatia 5:25

Ereitaro Arahoha sa lei makuri leitita lea vei, ereitaro Arahoha sa lariōvi roroava.

Galatia 6:16

Lōfeare mai la lei vovo roroaita karu foromai, Ualare ve Israela karu voa, tairu, maeaforoe ita lei peava.

Efeso 6:18

Soa foromai voa Arahoha ita veveu lei loki taupi lei vovo roroava. Ovoako lei haiiri rofo ita Ualare ve karu vei loki poetapai auke ita lei vovo roroava.

Filipi 1:1

Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 3:12

Ara faitora lea etau la ovi roroka varo, araro lei ovava lei kekese loita varo, arave o lōfeare kao; a—, ara loreape serea ita ō vovea, lea etau la aite soa voa ovi arave elore vei, usoso Keriso Iesu sa araro ovi ara areve tivi karu lei mea vovea.

Filipi 3:14

ara soa itua‐tao kofa vei loreape ō vovea sapatai tava ovai vei, Ualare sa Keriso Iesu voa ereitaro isa papatavi maravai ve tava reha.

Kolose 2:11

Are voa ero ta peritome leipe; karu ve mai sa sarapaita lea peritome kao, a—, e voa maeasarōva ve kaiae la fōovōpe lea vei, e peritome Keriso voa lōri ovōpe.

Iuda 1:20

A—, eo, haikakare paumarehari e, eve makuri la eve sukaererea safu leita haiiri ve arori voa vipi, Arahoha lareva la ovi Ualare la loki lei,