Filipi 3:19 - Testamenta Áre 1983 (Toaripi PNG)

¹⁹ Ereve sisa soa saroroapaita oti voa, ipi ereve ére ereve ualare reha. Ere ereve maeamariti leita mai vei hiva ō vovea, aea ere mearovaeka etau vei haria haikaea vovo roroa vovea.

Filipi 3:19 Iomraidhean Croise

Roma 16:18

Lōfeare karu ere ereitave Papuvita Keriso ve toaraita karu kao, ere ereve ére vei haria haikakare lei vovea. Ere o mafu, aea o lareva hahau‐hahau ita la maravi mei haiivavu karu la vuteaitore.

2 Petero 2:3

Ere sa etau rauapo maravai vei haikakare araita voa, ere o apeva sa ero kurea eve haiiri la lari roi; a—, erero seseōvi ere vei everori ōpe kaiae tava lekaleka levi leiti roi, aea erero saroroapaita soa ivutu auke ita la eaea.

Kolose 3:2

Arori voa siseita lea etau la maravai vei haikaeaia, mearovaeka voa siseita lea etau kao.

2 Petero 2:1

Apeva peroveta karu ere Israela karu ve aru voa foreraiape, aea lōfeare mai ita satiriaraita apeva papukaru e voa ta forerai roi. Ere saroapaita ovoro apeva murufakao satiriōri, aea erero itaea lei maravaita lea Papuvita la avoa a’, aea lōfeare saroroapaita soa elore maea voa utohoari lei forerai roi.

2 Korinito 11:15

Lōfeare mai ita areve sarufa karu ta soso toarōrisa mai haura karu feare lei roroaitore. A—, ereve aite sisa soa ta usoso ere sa leita mai feare ta leiti roi.

2 Korinito 11:12

Ara leipeta mea mai la ara lei peava roi; lōfeare vei ereve tivi aea elave tivi ita usoso leipeta hiva o lōri arita lea karu ve o la ara toa sasaukai roi.

2 Petero 2:13

aea ereve leita mai kaiae vei erero kaiae tava la miarai roi. Ere sare soa havohu maeakakare la leiti vei ereve hailareva reha. Ere usoso maea kaka kaka aeata siaviri fefeare, ere e ita fareho kokoruka larietau larita soasoa voa, aea ere ero apeva sa vuteaita voa hailareva lōri leititore.

Galatia 6:13

Eite peritome lei roroaita lea karu Safu O la kakeva kofa leiti sore. A—, ere ero peritome leiti vei haikaeaita ipi ere eve sarōva voa leita lea etau vei hiva ari vei.

Apokalupo 21:8

A—, tore lei roroaita, aea sukaerereai auke leita lea karu, aea karu maealolo, aea karu la paeaita karu, aea herei karu, aea maeasiri karu, aea apeva ualare ve ove la maso toaita karu, aea apeva karu foromai, ereve soa sarita a aea solifara sitoi voa leiti roi; orakori opaita soa reha.

1 Korinito 3:3

ipi e faitora maeasarōva ita karu. Ipi e voa kitou aeata sosori eve aru voa siseita, a—, e maeasarōva ita karu fefeare kao ei? aea mearovaeka karu sa leita mai fefeare roroaia kao ei?

Apokalupo 22:15

A—, ave fefeare karu, aea maeasiri karu, aea herei karu, aea karu la paeaita karu, aea apeva ualare ve ove la maso toaita karu, aea apeva la haikakare lei arita lea karu foromai ere koravasa voa.

Iuda 1:16

Ere o vituvitu oita karu, ere o poporu ō vovea; ere areve haiiri maealolo la haihahari ita lei vovea. Ere ereve elore maea o hiva rovaea a’ aea karu haria la lohalai lei maeatitore, ere haikaeaita etau etau la ere voa maravai vei.

2 Timoteo 3:4

kivaia lei, ovoro mapai auke, haiiri maeamarōva sa fefesi, mearovaeka ve hailareva leita etau la haikakare, a—, Ualare la haikakare arai auke lei vovo roroava roi.

1 Timoteo 6:5

aea maealolo seseōvaita haiiri, aea ere okofa la kiripaita lea vei, ereve o serea elore elore eite kasirau. Ere hai mō kaeaitore Ualare sa haikaeaita lea mai etau rauapo la maravaita mai reha.

2 Tesalonika 2:12

Lōfeare vei okofa la sukaerereai auke leitita, a—, kaiae mai voa hailareva leitita lea karu foromai la seseōvi kaiae tava miarai roi.

Filipi 2:21

Ipi ere foromai ve haiiri rovaea ereve elore elore etau vei, a—, Iesu Keriso ve tivi vei ere haiiri kasirau.

1 Korinito 5:6

Eve lea haiarori mai lareva kasirau. E mea la ore kao ei, fefesita etau sisikaheka sa faloa koru maeamakora la lei fefesitore?

1 Korinito 5:2

A—, e lea vei haiarori la leipea. Eite e haiiri eae leitita, aea lea mai la leita karu la e voa fareōvi sukavuteaita, a—, mai kofa reha.

Apokalupo 19:20

Hauka lea animala ivara eokere la ovi aieri sukaforōpe, aea are ita farehoria meiape lea apeva peroveta vita ta reha, haihava leita peise areve soso voa leiape lea vita, aea are lōfeare lea animala ve foa ita, aea areve ove etau la maso toaiape lea karu la apeva sa vuteaiape. Ereukaro makuri fari, a solifara ita sasape sitoi voa toapōpe.

Iakobo 4:16

A—, faitora e maeamarōva lei, hiva la aipea, aea lea hiva arita mai maealolo.

2 Tesalonika 2:8

Lea soa voa safu meovaita vita pisirikao forerai roi; a—, Papuvita Iesu sa kotita lea mea are areve ape maruru sa arero fōfōa opi, areve soso sosorusosoru sa muia, arero lōri lei kaleiti roi.

Luka 18:4

Soka sare hea are mapai haikaeai kao; a—, aite voa are areve haiiri voa o mō ōpe, Ara Ualare tore leiti sore, karu ta taivotai sore,

Luka 16:19

Soka pisoso vita farakeka sa peiape; are puta mohari mafu lareva ita mopi, aea sare foromai larietau tapare hailareva ita lape.

Luka 12:19

Aite ara arave ove la o mō ari roi, Ove e, a etau rauapo la sisoro rauapo vei toea miavaita meha; haioraia, larietau ita ma ita hailareva ita laria.

Mataio 25:41

Soka are areve mai ava voa pepeita lea karu la mō ari roi, Kaiae rare arita karu e, araro kiripi, Diabolo aea areve aneru ita vei kekese lei sasoita a voa teraia.

Mataio 16:23

A—, are kerori Petero la mō ōpe, Arave aite voa pavaia, Satani e; araro feravi putoita etau a reha, ipi ave seseōvaipeta haiiri Ualare ve haiiri kao, a—, karu vei.

Apokalupo 18:7

Are elore maea la lei sosorusosoru lei aea haiarori pisoso leipe lōfeare, hehea lei haieae leita soa ta arero miaraia. Ipi are areve elore haiiri voa o mō moitore, Ara papuōvu rovaea feare lei laisesea; ara ua vitōva kasirau, ara maea tu ta levi leiti roi.

Iuda 1:4

Ipi karu hea, erero seseōvi kaiae o evera ōpe, ere ereitave aru voa kekevari forera la roroa. Ere ereitave Ualare ve maeaforoe vei ōpe lea ovoro la toarōrisa, ere herei mai leiti vei, aea ere ereitave Harofave Vita farakeka, Papuvita Iesu Keriso la sukavutea avoa aritore.

Roma 6:21

E lea soa voa etau lareva lekōru la ovōpe? E sa faitora maeamariti leipeta lea etau, aea lea etau voa foreraita sisa etau opai reha.

2 Tesalonika 1:9

Lea kaiae ve tava meha: erero Papuvita ve soso voa aea areve siahu ve sosorusosoru voa fari, erero lōri saroroapai kaleiti roi,

Iuda 1:10

A—, mea karu ere ore auke leita lea etau la o maealolo la ō vovea, aea usoso fara animala sa ore leita mai feare, ere sa ore leita lea etau voa erero elore maea lei saroroapaitore.