Filipi 3:12 - Testamenta Áre 1983 (Toaripi PNG)

¹² Ara faitora lea etau la ovi roroka varo, araro lei ovava lei kekese loita varo, arave o lōfeare kao; a—, ara loreape serea ita ō vovea, lea etau la aite soa voa ovi arave elore vei, usoso Keriso Iesu sa araro ovi ara areve tivi karu lei mea vovea.

Filipi 3:12 Iomraidhean Croise

Mataio 5:48

Soka eo, e mai lareva lareva‐eite kofa la lei vovo roroava, eve kauri Oa sa mai lareva lareva‐eite kofa la lei vovo meita lōfeare.

Aposetolo 9:15

A—, Papuvita arero mō ōpe, Teraia, ipi ara sa arero haikaea ovai arave tivi leiti vei, torutoru hariaharia karu ita king karu ita aea Israela ve susumori ita ve omopa voa arave rare la lei fafarapai vei.

Roma 8:39

koa ve siahu ei, a—, toru ve siahu ei, a—, pisosiape etau hariaharia foromai ei, a—, lea etau foromai sa ereitaro Ualare ve haikakare voa pepeita, tofaea fareovai vei ore kakaeite, ereitave Papuvita Keriso Iesu voa.

1 Korinito 13:10

A—, kekese leitita soa foreraita lea mea, itua la ovi aierai roi.

1 Korinito 13:12

Ipi faitora soa ereita ma‐ove ōpo‐ōpo voa ofae eavaitore; a—, lea soa voa ereita soso tataea eite kofa ofae eavai roi; faitora ara itua la haria ore; a—, lea soa voa Ualare sa araro ore leita lōfeare, ara ta ore leiti roi.

1 Korinito 9:24

E mea la ore kao ei? Loreape ve iri voa oroaita karu rauapo ia, a—, farakeka sa haria sapataita tava ovai vei. E ta lōfeare oroaia, e sapataita tava ovai vei.

2 Korinito 13:9

Ipi elave maeapatoita voa, e rofo ita roroaita, ela hai itatapa vovea; elave loki farakeka meha, e lareva voa kekese kofa leiti vei.

2 Korinito 7:1

Arave haikakare e, ereita lea otoare la ovi roroaita lea vei, ereita maeasarōva aea arahoha ita sirisiri leita etau foromai la elore elore voa fareōvi mutapi, Ualare la taivotei, safu mai lareva la kekese ita lei vovo roroava.

Galatia 5:17

Ipi sarōva sa haikaeaita mai Ualare ve Arahoha sa haikaeaita mai la sukavutea vovea, aea Arahoha sa haikaeaita mai sarōva sa haikaeaita mai la sukavutea vovea; ipi lea mai oraka ote leititore, e sa haikaeaita lea mai la elapi e leitita ore levi leiti vei.

Efeso 1:4

Mearovaeka la pisosi auke leipe soa ve omopa voa, Ualare sa Keriso voa ereitaro haikaea maravōpe, ereita areve soso voa safu karu aeata kaiae auke karu lei roroai vei. Areve haikakare vei,

Efeso 4:12

Are mai lōfeare leipe ipi Ualare ve karu foromai la satiriōri satiriōri kekese leiti vei, ere sa toaraita tivi lei lei, Keriso ve maea la turi moravai vei;

Filipi 1:1

Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 3:16

Etau farakeka ereita ore lei roroka leitita lea okofa feare la ovi lōri roroava.

Filipi 3:3

Ara erero rare lōri aravaipeta ipi peritome karu kofa ereita meha. Ipi ereita Ualare la areve Arahoha ita maso toaita karu, aea Keriso Iesu voa hiva ō vovea. Ereita maeasarōva voa leitita peise la sesearai sore.

Filipi 3:8

Okofa, ara etau foromai la eite auke etau feare seseōvai, ipi etau larevaeiteapo meha, Keriso Iesu, arave Papuvita la ore leiti vei. Ipi are vei ara arave etau foromai la lei veverapi kalei la mea, ara lea etau la usoso roro feare seseōvi, ara Keriso la ovi

1 Tesalonika 5:15

E kiva leitia, mai maealolo vei tava maealolo la karu farakeka aea sa levi miaraia, a—, mai lareva la leiti vei haikaeaia, eve elore elore karu vei aeata karu foromai vei.

2 Tesalonika 2:13

Soka paumarehari e, Papuvita sa haikakare leita karu e, ela soa foromai Ualare la e vei maeati vovea. Ipi Ualare omopa kofa soa voa ero haikaea maravōpe, ero fareōvi lei makuri leiti vei, areve Arahoha ve siahu sa ero lei areve safu karu leiti vei, e okofa la sukaerereaita eavia.

1 Timoteo 5:10

fari lareva ua ipi areve leita mai lareva eavia, areve atutemori la kiva lei savuaita ua, sariva karu ve opa la sasauka maeafukapaita ua, ekalesia karu ve mora la maukaita ua, haisora ita roroaita karu la toaraita ua, aea leita mai lareva voa haihahari leita ua; lōfefeare vei areve rare la ukaia.

1 Timoteo 6:19

Lōfeare voa ere ereve pisoso etau fefeare everori kokoruka kekese lei, forerai vei leita soa voa maravi, ere makuri kofa la lōri ovai roi, makuri ve eite kofa reha.

Heberu 12:14

Karu foromai ita totoeai vei haihahari ita lei vovo roroava, aeata safu mai lareva ta reha, ipi lea mai la leiti auke leitita, a—, karu Papuvita la ofae levi eavai roi.

Heberu 12:23

aea Ualare ve toare atutemori, ereve rare kauri voa uka siseipeta lea atutemori ve hailareva leita kokorukai rovaea voa. E karu foromai la seseōvi tava miaraita Ualare tai foreri laepepea, aeata leita mai haura voa ovava ita kekese leita lea karu ve arahoha ta reha.

Heberu 13:21

etau lareva foromai la ero miaraia e are sa haikaeaita mai la leiti vei, aeata Iesu Keriso ve siahu voa arero lei hailareva leita lea etau e voa lei peava. Soa sarapai auke leita sosorusosoru are voa lei peava. Amene.

Iakobo 3:2

Ereita karu foromai soa rauapo mai eae la leititore. A—, are sa omoita lea o foromai voa eae auke ita leitita lea vita, are haura ita lei kekese leita vita kofa, aea areve maea foromai voa ta papuvita leitita ore.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.

2 Petero 3:18

A—, e ereitave Papuvita, ereitaro fareōvi makuri leita Vita, Iesu Keriso ve haiforoe leita meru aea haiore voa asi roroava. Are voa sosorusosoru leitia, faitora soa voa aeata lōri lei pepe peava. Amene.