Filipi 3:11 - Testamenta Áre 1983 (Toaripi PNG)

¹¹ Lōfeare voa ara ta opi ata itoita soa voa foreraita ore.

Filipi 3:11 Iomraidhean Croise

Luka 14:14

Lōfeare leitita, a—, a lareva leiti roi, ipi ere tava etau aro miaraita ore kasirau. Haura karu opi ata itoita soa voa a tava lōri ovai roi.

Ioane 11:24

Mareta arero mō ōpe, Ara ore soa sarapaita sare opi itoita soa voa, are ata itoi roi.

Aposetolo 23:6

Soka lea karu itai Sadukea karu, itai aea ta Farisea karu, Paulo lea la ofae eovi ore lei, are lea kokorukai voa i mō isa moipe, Paumarehari e, ara Farisea karu aeata Farisea karu ve atute; ipi karu opi ata itoita lea o vei aeata lea la taipeta lea vei, araro mōvoa la seseōvaipea meha.

Aposetolo 26:7

Ereitave toruipi‐ipi firu twelve Ualare la sare ita faita ita maso tivi lei lei, lea otoare la ovai vei tai vovo roroa vovea. King e, lea au tai vovo meita haiiri vei, Iuda karu sa havara araro lea vei paraeai vovea.

Aposetolo 27:12

Aea ipi lea avavu mea rovaea soa avaita oti lareva kofa auke eavia, ereve karu rauapo haikaeōpe lōvoa kiripi isei, ere Foenika voa foreraita varo, mea maealolo ve papare hea la lōvoa avi tai vei. Lea Foenika are Kerete ve vavaea avaita avavu reha, areve ape ve soso itai diho itai voa muiōpe, ape aea avora ve itai voa.

Roma 11:14

Ara arave toruipi karu la lei hilisi leita varo, aea erero hea la lei makuri lōri leiti vei.

1 Korinito 15:23

A—, karu farafarapo ereve elore elore soasoa voa makuri voa moravai roi; Keriso, fare toare vita omopa, Keriso ve karu ere aite, are sa kotita lea soa voa.

1 Korinito 9:22

Haiiri maeapatoita karu vei, ara ta haiiri maeapatoita leititore, ara lea haiiri maeapatoita karu la kurea lei sukaerereai vei. Ara eite karu foromai vei ereve leita mai hariaharia foromai voa mea vovea; lōfeare sa lei, ara karu hea la lō leiti lō leiti lei fareōvi makuri lōri leiti vei.

1 Korinito 9:27

a—, ara arave maea la toa safora safora a’ arero foromai lei orali leiti vei, ara karu haria la itoro a’ roroka lei, araro kofa la sukavuteai ave.

2 Korinito 11:3

A—, ara tore la leipea, usoso ikaroa sa Eve la mai hahauhahau sa vuteōpe lōfeare, eve seseōvaita haiiri hariaharia sa ero apeva vutea, eve okofa ita ovava ita ve haihahari la hasiōvi, e Keriso la kiripaita varo.

1 Tesalonika 3:5

Ipi lea etau vei, ara haikavora foromai leitia lea soa, ara Timoteo la itapaia reha, eve sukaererea vo roroaita haiiri la ore leiti vei, diabolo sa ero vuteaita varo aea elave tivi ve eite lōfeare sa lei veverapai ave.

2 Tesalonika 2:3

Karu lōfeare o hahauhahau sa ero levi vuteaia. Ipi lea sare levi forerai roi tetete karu foromai rauapo kofa sa Ualare la sukavutea kōutoai ao, aea safu la meovaita vita, Ualare sa saroroapai vei leitita lea vita pisirikao forerai ao.

2 Timoteo 4:8

Faitora haura leita mai vei topaita lea kekeva la ara vei kekese lei la eaea; Papuvita, seseōvaita Vita haura sa lea kekeva lea Sare kofa voa araro miōri topai roi; aea araro haria kasirau, a—, are sa foreraita soa la haikakare lei tai vovo roroaita lea karu foromai vei ta reha.

Heberu 11:35

Uamori ereve opōpe karu makuri ita ata ovaiape, hea ve maea la karu sa hasiōvi, a—, erero paraea makuri leiti vei haiarara leiape, ere opi ata itoita soa voa lareva kofa la sukaeai vei.

Apokalupo 20:5

A—, opai voa touteōpe karu hohoi ere makuri leiti kao tetete lea sisoro 1,000 kaleipe soa. Omopa kofa opi ata itoita soa reha.