Filipi 3:10 - Testamenta Áre 1983 (Toaripi PNG)

¹⁰ Arave haikaeaita haiiri meha, Keriso la malasa lei, are opi ata itoipe siahu ta ore lei, areve hehea are ita fareho leiti vei, aea are opōpe lea mai feare voa ta opai vei.

Filipi 3:10 Iomraidhean Croise

Mataio 20:23

Ereuka arero mō ōpe, Elaka larita ore. Are ereukaro mō ōpe, Okofa euka arave kōkuveisa la lari roi, a—, arave mai toare voa aea arave mai ava voa avai vei miaraita lea arave kao, a—, lea itai itai oti arave Oa sa ereuka vei lei kekese leita lea karu oraka ve oti reha.

Ioane 10:18

Arave makuri la karu aea sa ara voa fareovai kasirau, a—, ara haria sa arero la miaraipea. Ara siahu ia arave makuri la miarai vei, aeata ara siahu ia arero ata ovai vei. Lea o ara Oa voa ovi mea.

Ioane 17:3

Peita makuri meha: ere a Ualare kofa farakeka lea la ore leiti vei, aeata Iesu Keriso, a sa itapōpe lea vita ta reha.

Roma 8:17

Ereita areve atutemori leitita, a—, ereita ta hasu, Ualare ve hasu Keriso ita farehoria maravaita karu; ipi ereita are ita fareho hehea leitita, a—, ereita are ita fareho sosorusosoru lōri leiti roi.

Roma 8:29

Are omopa soa voa ore leipe lea karu la are haikaea maravōpe, ere areve Atute ve soso feare leiti vei, are mariosu rauapo voa ereve paua leiti veia.

Roma 8:36

Usoso mō uka siseita o fefeare, Elaro a vei sare ve soa foromai voa paea vovea; usoso savaita mamoe fefeare elaro ta lōri la leipea.

2 Korinito 1:10

Are tore rovaea leita opai voa elaro fareōvi roroka lei, aeata elaro fareōvi lei makuri ta la leipea; elave sukaerereai meha, are aite soa ta elaro ata fareōvi lei makuri leiti roi,

2 Korinito 1:5

Ipi ela Keriso ve hehea are ita fareho topiari rovaea leita lōfeare, ela ta rofo leiti vei kureaita siahu Keriso voa rovaea topiari lōri ovai.

2 Korinito 13:4

Ipi are maeapatoita lei, arero satauro voa paeōpe; a—, eite are Ualare ve siahu ita makuri lei vovo mea vovea. Ela ta are ita maeapatoita lei la roroa, a—, ero leita lea etau voa ela Ualare ve siahu voa are ita makuri leiti roi.

Galatia 2:20

Araro Keriso ita satauro sa paeōpe, aea makuri ata leita lea karu ara kao, a—, Keriso reha, arave iri voa makuri lei vovo meita lea Vita, aea ara maeasarōva voa leita lea makuri, ara Ualare ve Atute la sukaerereaita haiiri voa makuri lei vovo mea vovea, araro haikakare lei, areve maea la ara vei au miarōpe lea Vita voa.

Galatia 6:17

Mea soa ve aite voa karu araro ata lei haisora levi leitia, ipi arave maea voa serare serare ia, ara Iesu ve sarufa karu lea sa muiai vei.

Efeso 4:13

tetete ereita foromai totoea sukaerereaita mai farakeka la ovi roroka lei, aea Ualare ve Atute la ore kofa leita soa ta foreri, karu sora lei, Keriso ve rovaea kofa soa feare lōri leiti roi.

Filipi 3:8

Okofa, ara etau foromai la eite auke etau feare seseōvai, ipi etau larevaeiteapo meha, Keriso Iesu, arave Papuvita la ore leiti vei. Ipi are vei ara arave etau foromai la lei veverapi kalei la mea, ara lea etau la usoso roro feare seseōvi, ara Keriso la ovi

Kolose 1:24

Ara faitora e vei leitita mea hehea voa hailareva la leipea, ipi arave maeasarōva voa leipeta mea hehea voa ara Keriso sa leipe hehea hohoi la lei kekese leiti vei la toaraipea, areve maea vei, eite ekalesia reha.

Kolose 2:13

E maeasarōva voa peritome auke lei, eve mai kaiae voa opai feare lei siseiape; a—, Ualare sa Keriso ita fareho ero lei makuri lei, ereitave kaiae foromai la sasuka kaleipe.

Kolose 3:1

Soka e Keriso ita makuri voa moravi pepeita lea vei, e kauri voa siseita etau etau la elia, Keriso sa Ualare ve mai toare itai voa aiseseita lea oti voa.

1 Petero 1:3

Ereita ereitave Papuvita Iesu Keriso ve Oa Ualare la maeatia. Areve maeaforoe rovaea eavia, are ereitaro lei ata mi áre ari vei, are sa Iesu Keriso la opai voa ata moravōpe lea vei. Lōfeare voa ereita makuri áre ita au tai vovo la roroa,

2 Petero 1:13

A—, arave haiiri mai haura meha, ara makuri lei meita soa savori voa lea etau la ero lei ata haikaeakaea a’ ero sukitapai vei.

1 Ioane 2:3

Ereita Ualare sa moita o la kakeva leitit’ oria, ereita arero etakofa ore loita reha.

1 Ioane 2:5

A—, Ualare ve o la kakeva leitita lea karu, are voa Ualare la haikakare leita mai kekese‐kekeseka. Lōfeare ereita are voa lei roroaita lea la etakofa ore leititore.

Apokalupo 1:18

aea makuri lei vovo meita lea Vita; ara opōpe, a—, ara makuri lei, soa sarapai auke lei pepe peava roi. Ara ta arave mai voa opai aea opai karu ve oti ita ve ki ia.