Filipi 2:9 - Testamenta Áre 1983 (Toaripi PNG)

⁹ Lea vei Ualare arero arori kofa voa moravi, aea rare ta arero miōri la eaea, rare foromai ve arori kofa voa eaeita lea rare farakeka reha;

Filipi 2:9 Iomraidhean Croise

Mataio 11:27

Etau foromai la arave Oa sa araro miōri laisisea. Karu farakeka aea Atute ve eite kofa la ore kasirau, a—, Oa sa haria; aea karu farakeka aea Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Mataio 28:18

Iesu erero tai koti erero o mei mō ōpe, Siahu foromai kauri voa aea mearovaeka ita voa araro miōri mea.

Luka 10:22

Etau foromai la arave Oa sa araro miōri laisisea. Karu farakeka aeata Atute ve eite kofa la ore kasirau, a—, Oa sa haria; aea karu farakeka aeata Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Ioane 13:3

Iesu ta ore Oa etau foromai areve mai voa miōri, aeata are Ualare voa pea kotipe aea are Ualare tai terai vei leipe.

Ioane 17:11

Faitora ara aro tai koti vei la leipea; ara mearovaeka voa ata levi meava roi; a—, mea karu mearovaeka voa seseravi roroava roi. Taivotaita Oa e, ave rare ve siahu sa erero kiva leitia, a araro miarōpe lea rare voa ere farakeka leiti vei, usoso elaka ta farakeka leita lōfeare.

Ioane 17:12

Ara ere ita farehoria peita soa, a araro miarōpe lea rare ve siahu sa erero kiva lei vovo meitore. Ara erero kiva lei, ereve karu farakeka aea veverapai kasirau, a—, farakeka sa haria, saroroapaita soa ve atute reha. Safu Buka ve o la lei okofa leiti vei.

Ioane 17:5

Lea vei, Oa e, mearovaeka la pisosi auke leipe lea oarehōva soa voa ara a voa ovōpe lea sosorusosoru la ovi, araro faitora lei sosorusosoru leitia ave omopa voa.

Aposetolo 5:31

arero areve mai toare voa moravi, arero lei Harofave Vita aea lei makuri leita Vita leiti vei vipōpe, ipi Israela karu la lei haiiri kerori aea ereve iri kaiae la felaukea mutapai vei.

Efeso 1:10

Lea haiiri meha, soa kofa foreraita lea mea etau foromai, kauri etau aea mearovaeka etau ita la Keriso harofave Vita farakeka ve ora voa kokoruka aiperovai veia.

Kolose 1:18

Ekalesia areve maea, aea harofave areo. Are areve ipi Vita, opai voa ea itei forera epōpe toare Atute, lea vei are haria sa etau foromai voa toare oti la ovai vei.

2 Tesalonika 1:12

Lōfeare voa ereitave Papuvita Iesu ve rare e vei sosorusosoru leiti roi, aea e ta are vei sosorusosoru leiti roi, ereitave Ualare, aea Papuvita Iesu Keriso sa haiforoe leita meru ero miaraita lea vei.

Heberu 1:4

Ualare arero Atute rare aravōpe, aea arero lei aneru ve arori kofa voa leipe, ipi areve rare sa rovaekapo, aneru ve rare ve rovaea lōfeare kao.

Heberu 1:9

A haura leita mai haikakare lei, mai maealolo la kaifa leititore. Lea vei Ualare, ave lea Ualare sa aro haikaea ovi, hailareva ve teoro sa veveti, ave maeapavora karu ve arori voa aro lei rovaea kofa lei la mea.

Heberu 12:2

Iesu la fofoisa oroaia; are ereitave sukaerereaita haiiri ve Ipivita aeata lei kekese leitita Vita. Are ta areve omopa voa leipe hailareva la ovai vei satauro ve hehea la haiiri rofo ita au moraripe, lea maeamariti la are eite auke ita seseōvi, faitora are Ualare ve mai toare voa avi laisesea.

Heberu 2:9

A—, soa taheka voa aneru ve ipi voa lei meiape lea Vita, Iesu la ereita faitora ofae la eavaipea, are opai ve hehea la leipe lea vei, are sosorusosoru aea rare rovaea ita kekeva feare topi laipea. Ualare maeaforoe sa leipe lea vei, Iesu karu foromai vei opōpe.

1 Petero 3:22

Aneru aea harofave arahoha aea siahu karu ita la areve ipi voa erero lei ere arero kakeva lei, are kauri voa patei Ualare ve mai toare voa avi laisesea.

2 Petero 1:17

Ipi Oa Ualare sa marase o a’ aea sosorusosoru ita la arero miarōpe soa, o‐ape Sosorusosoru‐eiteapo voa fauka foreri mō ōpe, Arave haikakare araita Atute meha; ara are vei hailareva leititore.

3 Ioane 1:7

Ipi ere elore elore oti la kiripi Iesu Keriso ve rare la itoro ari vei sariva lei vovo la roroa, aea arero sukaerereai auke leitita lea karu voa etau aea ovai sore.

Apokalupo 1:5

aea Iesu Keriso, etau la ore lei okofa o moita Vita, opai voa epi meita Atute toare, mearovaeka ve king foromai ve lea harofave Vita ita sa miaraita haiforoe leita meru tairu ita la ovaia. Are ereitaro haikakare ari, aea areve ovo sa ereitave iri kaiae voa ereitaro felaukea paparaea,

Apokalupo 11:15

Soka seven aneru areve u la fōfōōpe lea mea, i‐ape metameta kauri voa forera mō ape, Mearovaeka ve basileia ereitave Papuvita aea areve Keriso ve basileia loita meha, aea are basileia harofave Vita lei pepe peava roi.

Apokalupo 19:16

Areve arori puta voa aea areve mauti voa mea rare mō uka laisisea, King foromai ve King aea papukaru foromai ve Papuvita.

Apokalupo 3:21

Sapataita lea vita are arave terona voa ara ita fareho avai vei siahu arero miarai roi, usoso ara ta sapataipe, aea arave Oa ita fáreho areve terona voa avi aiseseita lōfeare.

Apokalupo 5:12

Ere i‐ape rovaea ita isa mō moipe, Mamoe Mere arero paea opōpe, a—, eite are faitora usoso siahu aea pisoso aea haiovoro aea rofo aea marase o aea sosorusosoru aea maeatita o ita la maravai vei.