Filipi 2:8 - Testamenta Áre 1983 (Toaripi PNG)

⁸ are karu ve soso la ovi meiape. Are elore maea la ipikao lei, soa tetete opai voa ta kakeva leipe, eite lea opai satauro voa.

Filipi 2:8 Iomraidhean Croise

Mataio 17:2

Patei areve maea ereve omopa voa toarōrisa maea haria leipe; areve soso sare feare sosorusosoru lei, areve puta usoso ovava feare haea seasea‐eite leipe.

Mataio 26:39

Lō mei are taheka omopa voa te, mea voa sosorakapi iavi, Ualare la loki mō leipe, Arave Oa e, usoso oria, mea kōkuveisa la ara voa fareovaia; a—, ara sa haikaeaipeta lōfeare levi leitia, a—, a sa haikaeaipeta lōfeare leitia.

Mataio 26:42

Lō mei are erero ata kiripi, te orakoria soa Ualare la loki mō leipe, Arave Oa e, ara mea kōkuveisa la lari auke lei arero fareovaita ore auke leiti oria, a—, a sa haikaeaipeta haiiri la lōfeare leitia.

Luka 9:29

Patei are Ualare la loki leiape soa, areve soso toarōrisa maea haria lei, areve puta kevarokevaro fei, seaseakao leipe.

Ioane 10:18

Arave makuri la karu aea sa ara voa fareovai kasirau, a—, ara haria sa arero la miaraipea. Ara siahu ia arave makuri la miarai vei, aeata ara siahu ia arero ata ovai vei. Lea o ara Oa voa ovi mea.

Ioane 14:31

a—, mōfeare mai ve ipi mearovaeka la lei ore leiti vei, ara Oa la haikakare lei vovo meitore, aea Oa sa moita o feare, ara lōri lei vovo mea vovea. Itotea ereita maea leiti vei.

Ioane 15:10

E arave safu o la mapi kakeva lei vovo roroaita, a—, e arave haikakare voa pavai roi, ara ta Oa ve safu o la mapi kakeva lei vovo meita, aea areve haikakare voa pavaita lōfeare.

Ioane 4:34

Iesu erero mō ōpe, Araro itapōpe Ualare ve haikaeaita mai la kakeva lei, areve tivi ta lei roroka leiti vei, arave larietau reha.

Aposetolo 8:33

Are haiiri ipi lei, karu arero haura ta seseōvai kao. Areve heatao ve fari leisa moi roi? Ipi areve makuri mearovaeka voa soa sarapi fareōvi kaloi.

Roma 5:19

Ipi usoso karu farakeka ve kaeava sa karu rauapo la lei iri kaiae karu leipe, lōfeare lea karu farakeka ve kakeva sa karu rauapo la lei Ualare ita haura leititore.

2 Korinito 8:9

Ipi e Papuvita Iesu Keriso ve maeaforoe ore, are pisoso ita meita vita leipe lea mea, are e vei merava leipe, e areve lea merava voa pisoso la maravaita karu leiti vei.

Galatia 3:13

Safu O ve hasiavaita siahu voa Keriso sa ereitaro fareōvi lei makuri leipe, arero lei ereita vei maealolo o oita vita leipe lea mea; ipi Safu Buka ve o meha, Paea opi tola voa lōfeare vitaita karu Ualare sa o maealolo aritore.

Tito 2:14

Are areve maea la ereita vei miarōpe, kaiae foromai voa ereitaro fari maravi, lei ovava lei, ereitaro lei areve elore karu kofa lei roroai vei, ereita haihahari ita mai lareva la leiti vei.

Heberu 12:2

Iesu la fofoisa oroaia; are ereitave sukaerereaita haiiri ve Ipivita aeata lei kekese leitita Vita. Are ta areve omopa voa leipe hailareva la ovai vei satauro ve hehea la haiiri rofo ita au moraripe, lea maeamariti la are eite auke ita seseōvi, faitora are Ualare ve mai toare voa avi laisesea.

Heberu 12:4

E iri kaiae la sukavuteaita lea meamea, e rofo miarai sore soa tete ovo sisapaita soa voa.

1 Petero 2:24

Are areve elore maea sa paeaita tola voa ereitave iri kaiae la taiavōpe; ereita mai kaiae voa opi, mai haura voa makuri leiti vei; eve eka la areve murisi sa lei lareva leipe.

1 Petero 3:18

Ipi Keriso soa farakeka haria iri kaiae foromai la fari mutatapai vei opōpe; mai haura Vita haura auke karu vei, ipi ero Ualare tai lariōvai vei. Areve sarōva voa arero paeōpe, a—, arahoha voa are makuri lei meiape.