Filipi 2:6 - Testamenta Áre 1983 (Toaripi PNG)

⁶ Mōfeare, are Ualare ve opape lei, lei vovo meiape, a—, are Ualare ita usoso meita mai la mai kere paeai haikaeai auke lei,

Filipi 2:6 Iomraidhean Croise

Mataio 1:23

Ofae eavaia, morihōva ére ovi, atute la epai roi; aea areve rare Emanuele la aravai roi. Lea rare ve eite, Ualare ereita ita fareho pea.

Ioane 1:18

Evera soa itiiti faitora karu aea Ualare la ofae eavai kasirau, a—, Ualare ve Atute farakeka, Oa ve maea maria voa peita lea Vita sa arero mei fafarapi pisiri leipe.

Ioane 10:30

Elaka Oa ita farakeka reha.

Ioane 10:33

Iuda karu tava o arero mō ōpe, Ela etau lareva vei aro fave sa toai kao; a—, kaiae o vei, ipi a karu, eite a ave maea usoso Ualare ve maea feare lei mea.

Ioane 10:38

A—, ara lea tivi la leitit’ oria, e araro sukaerereai haikaeai auke leitita, a—, lea tivi vei sukaerereaia. Lōfeare voa e haiiri fapi ore leiti roi Oa are arave iri voa, aea ara ta Oa ve iri voa.

Ioane 14:28

Ara terai roi aea ara ero tai ata koti roi, arave lea o la e mapi roroka. E araro haikakare araita, a—, ara Oa tai terai vei leita lea vei e hailareva leiti lare; ipi Oa sa arave rovaea la sapatai.

Ioane 14:9

Iesu arero mō ōpe, Filipi e, ara e ita mea savori mea vovea, aea a araro ore kao ei? Araro ofae eavaita lea karu, Oa ta ofae eavaita reha. A o levei mō aipea, Oa elaro muiaia?

Ioane 17:5

Lea vei, Oa e, mearovaeka la pisosi auke leipe lea oarehōva soa voa ara a voa ovōpe lea sosorusosoru la ovi, araro faitora lei sosorusosoru leitia ave omopa voa.

Ioane 20:28

Tomasi tava o arero mō ōpe, A arave Papuvita aeata arave Ualare.

Ioane 5:18

Lofeare vei Iuda karu ere haikaeai rovaea arero paeai vei, ipi are Sabati sare la hasiavaita lea haria kao, a—, ipi aeata meha, are Ualare la areve elore Oa rare la aravōpe, lōfeare are areve elore maea la lei Ualare ita usoso leipe reha.

Ioane 5:23

karu foromai Atute la taivotai vei, ere sa Oa la taivotaita lōfeare. Atute la taivotai auke leitita lea karu, Atute la itapōpe lea Oa ta taivotai sore.

Roma 9:5

Papa metameta rauapo ta ereve; Keriso ta maeasarōva lei ereve toruipi voa forerōpe. Etau foromai ve arori voa peita Ualare la maeati peava! Amene.

2 Korinito 4:4

Mea mearovaeka ve ualare sa lei sukaerereai auke leita karu ve ofae la lei kuku lei roroa, ere Ualare kofa ve soso lei meita lea Keriso ve Ovoro Lareva ve sosorusosoru ve ovava la ofae levi eavai vei.

2 Korinito 8:9

Ipi e Papuvita Iesu Keriso ve maeaforoe ore, are pisoso ita meita vita leipe lea mea, are e vei merava leipe, e areve lea merava voa pisoso la maravaita karu leiti vei.

1 Timoteo 1:17

Soasoa foromai voa peita King, opai auke ita, karu sa eavai auke lei, peita lea Ualare farakeka la maeati sosorusosoru ita lei peava. Amene.

1 Timoteo 3:16

Okofa‐kofa‐eite, ereitave Ualare la taivotaita ovoro are hohore o rovaea kofa: Are maeasarōva lei pisiri voa muia, Arahoha sa are vei haura o a’, aneru sa arero ofae eavōpe. Torutoru karu ve aru voa o are vei itoro a’, mearovaeka voa mapi sukaererea, sosorusosoru voa arero fareōvi pataipe.

Tito 2:13

Ereita lea Sare lareva la la taipea, lea mea ereitave Ualare rovaekapo aea ereitaro fareōvi makuri leita Vita, Iesu Keriso ita ve sosorusosoru pisiri lei forerai roi.

Heberu 1:3

Are Ualare ve sosorusosoru la lei haeaita Vita, aea Ualare ve opape ve ove kofa lei, are areve siahu ve o sa etau etau foromai la lei pepeitore. Are karu ve kaiae la fareōvi lei ovava lei roroka lei, are kauri arori ve Rofo Rovaekapo Ualare ve mai toare voa patei avōpe.

Heberu 1:6

A—, Ualare are areve Atute toare la mearovaeka voa itapai vei leipe soa, are mō ōpe, Ualare ve aneru foromai areve omopa voa hiopaia.

Heberu 1:8

A—, Atute vei are o mōfeare moipe, Ualare e, ave terona soa sarapai auke lei peava roi; ave basileia ve kaika karu la lei haura leita kaika reha.

Heberu 13:8

Iesu Keriso area sare voa, iso sare voa, aea sare foromai voa, soa sarapai auke ita, mai farakeka usoso lei vovo mea vovea.

Apokalupo 21:6

Are araro ta mō ōpe, Roroka loita meha. Ara Alefa aeata Omega, omopa kofa meiape Vita aeata aite kofa mei Vita. Kōvōre‐tolo leita karu la ara makuri ve ma popotoaita oti voa ma tava auke ita arero miarai roi.