Filipi 2:21 - Testamenta Áre 1983 (Toaripi PNG)

²¹ Ipi ere foromai ve haiiri rovaea ereve elore elore etau vei, a—, Iesu Keriso ve tivi vei ere haiiri kasirau.

Filipi 2:21 Iomraidhean Croise

Mataio 16:24

Aite Iesu areve satiriaraita karu la mō ōpe, Karu aea araro aitetai haikaeai oria, are areve elore maea la haiarara lei, areve satauro la taiovi, araro lōri aitetaia.

Luka 14:26

Karu aea araro tai koti, a—, are areve elore oa ita lou ita, aea areve ua aea atutemori ita, aea maraiosu aea uarosu ita, aeata areve elore makuri ta haiarara auke leitita, a—, are arave satiriaraita karu leiti vei usoso kasirau.

Aposetolo 13:13

Soka Paulo areve maeapavora karu ita vavaea voa forea Pafosi kiripi, Perega karikara Pamefulia voa fosi pavōpe. Lōvoa Ioane ereukaro kiripi Ierusalema voa ata keroripe.

Aposetolo 15:38

A—, Paulo ve haiiri arero ata ovaita lareva kao, ipi are Pamefulia voa ereukaro kiripi soea, ereuka ita fareho tivi vei kavai auke leipe eavia.

1 Korinito 10:24

Karu areve haria maea ve lareva la levi elia, a—, areve haekao peita karu ve lareva ta reha.

1 Korinito 10:33

Ara ta lōfeare, ara leita etau foromai voa ara karu foromai la lei hailareva leiti vei haikaeai eli vovea, arave elore maea ve lareva la eli sore, a—, karu rauapo ve lareva la eli vovea, erero fareōvi makuri leiti vei.

1 Korinito 13:5

maeamariti mai leiti sore, elore etau la eli sore, kitou utohoa leiti sore; kaiae leitita lea la haikaea vovo mei sore;

2 Korinito 1:5

Ipi ela Keriso ve hehea are ita fareho topiari rovaea leita lōfeare, ela ta rofo leiti vei kureaita siahu Keriso voa rovaea topiari lōri ovai.

Filipi 2:4

E karu farafarapo eve elore elore lareva la haria levi elia, a—, eve maeapavora karu ve lareva ta reha.

2 Timoteo 1:15

A fari ore Asia voa pepeita karu foromai araro kōutoa la roroa, Fugelusu auke Heremogene ita ta ereve karu oraka reha.

2 Timoteo 3:2

Ipi karu ereve elore elore maea la haikakare arai roi; ere moni la haikakare; ere maeamarōva, maea ruapōpe, ape laua maeamariti, oalou‐ita la kaeava, maeatita haveva, safu miroapai,

2 Timoteo 4:10

Ipi Demasi mea faitora soa ve mearovaeka la haikakare lei, araro kiripi Tesalonika voa kavaita; Keresene ta Galatia voa kavaita, Tito ta Dalamatia voa.

2 Timoteo 4:16

Arave omopa kōto soa voa karu aea arave laua la toarai kao; ere foromai araro kiripaita. Maeaforoe! Ualare erero rapi lea mai vei kaiae o levi moia.