Filipi 2:16 - Testamenta Áre 1983 (Toaripi PNG)

¹⁶ ipi e makuri ve o la eve mai sa ovi muiaita lea vei. E lōfeare leitit’ oria, ara e vei hiva arita ore Keriso ve sare voa, ipi ara auraka auea loreape ari kao, a—, arave tivi heafo eite ia.

Filipi 2:16 Iomraidhean Croise

Mataio 10:27

Ara murumuru voa ero moita lea o, ovava voa omoia; aea e ōvauta voa kefa uri mapaita lea o la uvi kōu voa itoro aria.

Luka 12:8

Ara ero o mō la auai, Araro karu ve soso voa vavavaita lea karu foromai la Karu ve Atute ta Ualare ve aneru ve soso voa erero vavavai roi.

Ioane 6:63

Lei makuri leita siahu Ualare ve Arahoha voa, sarōva are eite kasirau. Ara ero laua sukavaita mea o ere Arahoha ita makuri ita reha;

Ioane 6:68

Simona Petero tava o arero mō ōpe, Papuvita e, ela leiro tai terai roi? Peita makuri ve o a voa reha.

Aposetolo 13:26

Paumarehari e, Abrahama ve meavumōla ve atutemori, aea eve aru voa Ualare la tore leita karu e, mea makuri leita o ereitaro tai itapi foreri la eaea.

1 Korinito 1:8

Are ero lei kere popōvi pepe soa sarapaita soa voa, ereitave Papuvita Iesu Keriso ve sare voa kaiae o ero levi ari vei.

1 Korinito 9:26

Soka arao, ara horahora auke ita loroape aritore; ara mai kupa sa toaitore, miruru la toaita feare kao;

2 Korinito 1:14

Lea vei e sa ela vei hiva arita ore leiti roi, usoso ela sa e vei hiva ari roi Papuvita ve sare voa.

Galatia 2:2

Ara pataipe ipi Ualare sa araro muiōpe lea o vei. Ara fari metameta karu ita hariakao kokoruka, ara toru hariaharia karu voa itoro oita lea Ovoro Lareva la erero muia satiriarōpe, ara leiape lea tivi aea ara lei vovo meita mea tivi eite auke leiti ave.

Galatia 4:11

Ara e vei haikavora ita la mea, ara e vei leiape lea tivi auraka auea leiape varo.

Filipi 1:10

Lōfeare voa e leita mai lareva kofa la seseōvi muia ore leiti roi, aea e maea vevete‐pota, maita maealolo auke leiti roi Keriso ve sare vei;

Filipi 1:6

Ara ore kofa loita meha, tivi lareva e voa fapōpe lea Ualare sa lea la ata lei lei, tetete are lea tivi la lei roroka leiti roi Keriso Iesu ve sare voa.

1 Tesalonika 2:19

Ipi Papuvita Iesu ve omopa voa are kotita lea mea elave taita peise, elave hailareva aea elave hiva arita kekeva larelekōru? Eite e reha!

1 Tesalonika 3:5

Ipi lea etau vei, ara haikavora foromai leitia lea soa, ara Timoteo la itapaia reha, eve sukaererea vo roroaita haiiri la ore leiti vei, diabolo sa ero vuteaita varo aea elave tivi ve eite lōfeare sa lei veverapai ave.

Heberu 4:12

Ipi Ualare ve o are makuri aea tivi ta lei vovea; are mare kofa, tao itai itai marehaukaita soi ve mare la sapatai. Are soa ove itai aea arahoha itai tofei, hau aea uti ve oro la sukafaropaitore. Are karu ve haiiri aea haikaeaita mai ita la seseōvi ore lei vovea.

1 Petero 1:23

Ipi Ualare ve makuri lei peita o sa ero lei mi ata ōvovo la roroa, aea eve lea Oa are karu feare kao, a—, peita Ualare.

1 Ioane 1:1

Elave karoro ve eite makuri ve O vei, oarehōva kofa soa voa peiape aeata itiiti faitora soa voa peipeta lea O. Ela sa arero mapaiape, aea elave ofae sa arero eovi aeata fofoisaiape, aeata elave mai oraka sa arero mopaiape.

Apokalupo 22:17

Arahoha aea Vita laeai vei leipeta lea ua are o mō auai, Kotia. Mea o la mapaita lea karu ta o mō aria, Kotia. Kōvōre‐tola leita karu ta kotia; ma haikaeaita lea karu makuri ve ma la tava auke ita ovi laria.