Filipi 2:15 - Testamenta Áre 1983 (Toaripi PNG)

¹⁵ Lōfeare voa e Ualare ve atutemori, kaiae auke aeata maea vevete‐pota, aeata maita maealolo auke ita lei roroai vei, kaiae lei aeata ōvafae kere leita taotao ve aru voa; aea e ovava ta lei haeai vei usoso mearovaeka voa ovava haeaita koru fefeare,

Filipi 2:15 Iomraidhean Croise

Mataio 10:16

Mapaia, ara ero mamoe la furuka ave merava ve aru voa itapaipeta fefeare; e ikaroa fefeare haiore leitia, aea sua fefeare haimafu leitia.

Mataio 17:17

Iesu tava o mei mō ōpe, E sukaerereai auke lei aea ōvafae kere leita taotao e, ara e ita fareho soa savori leafeare meava roi? Ara soa savori leafeare ero morari vovo meava roi? Arero araro tai mōvoa lariōvi kotia.

Mataio 5:45

E eve kauri voa peita Oa ve atutemori lōri leiti vei. Ipi are areve sare la maealolo karu voa, aeata lareva karu voa lei patai vovea; aea areve lai la haura karu voa aeata kaiae karu voa lei ō vovea.

Mataio 5:48

Soka eo, e mai lareva lareva‐eite kofa la lei vovo roroava, eve kauri Oa sa mai lareva lareva‐eite kofa la lei vovo meita lōfeare.

Luka 1:6

Ereuka auka mai haura leiape Ualare ve omopa voa, Papuvita sa moipe safu o la miroapai auke ita kiva lei vovo roroaiape.

Luka 6:35

A—, eve ote karu la haikakare lei mai lareva leitia, aea etau ata ovai haikaeai auke ita abitorea vei miaraia; aea eve tava rovaea kofa leiti roi; aea e ta Koakoa‐eiteapo Ualare ve atutemori leiti roi. Ipi are arero maeati auke leita karu aeata mai kaiae leita karu ita la maeaforoe lei vovea.

Ioane 5:35

Ioane are usoso a mopi ovava haeaita lamepa feare lei, aea e soa harua voa areve ovava voa hailareva leiape.

Aposetolo 2:40

Lōfeare o haria rauapo ita are erero vovoro mei mei kurea mō ōpe, Mea taotao ve kaiae kiripi, makuri ovaia.

Aposetolo 20:30

Aea eve elore aru voa ta karu hea apeva vuteaita o a’ satiriaraita karu la erero aitetai vei kureai roi.

Roma 16:19

Ipi eve haiiri sa kakeva leita mai ve fari karu foromai sa mapi fafarapaiape. Lea vei ara e vei hailareva lei vovea, aea ara mea la haikaeai, e haiore karu etau lareva voa leiti vei, a—, etau maealolo voa e haiivavu karu leiti vei.

1 Korinito 1:8

Are ero lei kere popōvi pepe soa sarapaita soa voa, ereitave Papuvita Iesu Keriso ve sare voa kaiae o ero levi ari vei.

2 Korinito 6:17

Lea vei Papuvita o mō la auai, E ereve aru voa kiripi pisiri foreri, mai haria firu karu leitia. Sisiri etau farakeka la mai opa sa levi mopaia, aea ara ero maeafukapi,

Efeso 5:27

ekalesia sosorusosoru ita, maea horarave aea kikiteōva kikiteōva aeata maita maealolo auke aea lōfeare etau auke ita, arero areve elore vei omopa posasea ovai veia.

Filipi 1:10

Lōfeare voa e leita mai lareva kofa la seseōvi muia ore leiti roi, aea e maea vevete‐pota, maita maealolo auke leiti roi Keriso ve sare vei;

Filipi 3:6

Ara arave haihahari lea mai voa mōfeare muiaiape, ara ekalesia la hasiavaiape. Mose ve Safu la kakeva lei, Ualare ita haura lōri leiti vei, ara lea mai voa kaiae kakaeite.

1 Tesalonika 5:23

Tairu ve Ualare, are kofa sa ero lei areve karu leiti vei, aea eve arahoha ove ita maea ita maeamakora la kiva lei, e kaiae auke leiti roi, ereitave Papuvita Iesu Keriso sa kotita soa voa.

1 Timoteo 3:10

Soka lōfeare karu la seseōva vovo roroai ao; ere kaiae auke ita roroaita, a—, ere diakono tivi lōri leiti roi.

1 Timoteo 3:2

Soka ekalesia la lariōvaita vita, are kaiae auke ita meita lareva reha; are ta ua farakeka ve vita, aeata haisukafori meita karu, haiore karu mai kofa la lei meita karu, karu la sasauka maeafukapaita karu, karu la satiriarai ore kofa leita karu.

1 Timoteo 5:14

Lea vei ara haikaeai ua áre ua lelesi lelesi ere vita laea, atutemori epi ereve lea uvi karu la kiva leiti vei; lōfeare vei ereitave ote karu havara paraeai vei uta levi sukaeai roi.

1 Timoteo 5:20

Kaiae lei malasa leitita karu la karu foromai ve soso voa o erere aria, ereve firu karu la lōri lei tore leiti vei.

1 Timoteo 5:7

Lea o erero haisa kurea moia, ere kaiae auke lei vovo roroai vei.

Tito 1:6

Kaiae auke roroaita karu, ere farafarapo ua farafarapo ve vita heaea, ereve atutemori Keriso la sukaererea, a—, maeakakare mai lei aeata kaeava fari foreraita atutemori kao, lōfeare karu la vipaia.

Tito 2:10

etau la lō ova lō ova lei torea levi leiti vei; a—, sukaerereaita mai lareva la muia vovo roroai vei; ere etau foromai voa ereitaro fareōvi makuri leita Ualare ve satiriaraita o la moupa lareva feare arai vei.

Tito 2:15

Lea etau foromai la omoia; siahu ita karu la kurea, o erere ita erero aria. Karu farakeka aea aro haiarara lei levi kōutoaia.

Heberu 7:26

Lōfeare maso harofave vita rovaea are usoso kofa ereita vei; are safu vita, kaiae ore auke, sirisiri auke haiiri vita, arero kaiae karu voa fareōvi, kauri ve arori koa kofa voa moravi laipea.

1 Petero 2:12

Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

1 Petero 2:9

A—, e Ualare sa haikaea ovōpe toruipi karu, king voa forerōpe maso tivi karu, safu toruipi karu, Ualare ve karu kofa; ero haikaea ovōpe e murumuru kiripi, areve haihava leita ovava voa lei foreraia lea Ualare, are sa soa haria leita lea mai la e itoro ari vei.

2 Petero 3:14

Lea vei, haikakare paumarehari e, e lea Sare la tai vovo roroaita soa voa, e haihahari kofa lei Ualare ita tairu lei, maita maealolo auke ita aeata kaiae auke ita roroai vei areve soso voa.

Apokalupo 2:5

A lōvoa putei faitora meipeta mai la haikaeaia, aea haiiri kerori, a omopa kofa soa voa leiape lea mai la ata leitia. Leiti auke leitita, a—, ara aro tai foreri, ave a‐mopi sasoita lea etau la areve oti kofa voa fareovai roi, a sa haiiri kerori auke leitit’ oria.

Apokalupo 3:9

Mapaia, ara Satani ve firu karu, ereve elore maea ere Iuda karu rare apeva ita aravaita lea karu la haisa mei ere koti ave mora voa sukakoka hiopi, ara sa aro haikakare araitore lea la ere ore leiti roi.