Filipi 2:12 - Testamenta Áre 1983 (Toaripi PNG)

¹² Soka haikakare leita paumarehari e, e soa foromai arave soso voa araro kakeva leiape; faitora ara maria voa peipeta soa voa, e kakeva kofa leitia. Ero lei makuri leita soa la lei kekese leiti vei, tore ita maea oriri‐oriri ita heafo lei vovo roroava.

Filipi 2:12 Iomraidhean Croise

Mataio 11:12

Ioane Bapatiso Vita ve soa itiiti faitora kauri ve basileia irori mai vei heafo lei, irori karu ta arero ovi aierai vei seseōvai vovea.

Mataio 11:29

Eve avea‐ipi voa arave tola la miavai haikaeaia aea arave mai la satiriōri ore leitia, ipi ara haimafu aea haiiri‐ipi, aea e eve ove vei haiorai soa la ovai roi.

Aposetolo 16:29

Dibura kiva vita sasae‐a vei isa, iri voa forea, Paulo auka Silasi ita ve mora ipi voa maea totororo rovaea ita sosorapi putoipe.

Aposetolo 9:6

Soka a itei, karikara voa kei oropaia; a sa leiti etau aro lōvoa omoi roi.

Roma 2:7

Karu hea haiiri lula auke ita mai lareva lei lei, Ualare voa sosorusosoru aea marase o aea peita makuri la eli vovea; lōfefeare karu la Ualare sa peita makuri miarai roi.

1 Korinito 15:58

Lea vei, arave haikakare paumarehari e, haitarōva lei, haiiri lula auke ita roroava; Papuvita ve tivi voa rofo rovaea lei pepeava, ipi e ore eve heafo Papuvita ve tivi voa merava leiti sore.

1 Korinito 2:3

Ara rofo auke ita, tore ita, maea oriri rovaea ita eve aru voa peiape.

1 Korinito 4:14

Ara mea o ero lei maeamariti leiti vei ukai kao, a—, ipi arave haikakare leita atutemori feare lei, ero kureai vei ukai.

2 Korinito 7:15

E arero kakeva leitita aea e arero tore ita hai‐uti oriri ita maeafukapaia lea la are haikaeaita soa, areve foroe leita haiiri rovaea kofa la leipea.

Efeso 6:5

Fasaita sarufa karu e, eve mearovaeka papukaru ve o tore ita maea oriri ita aea haiiri farakeka ita, kakeva lei lei vovo roroava, e sa Keriso vei tivi la leitita feare.

Filipi 1:27

Soka etau rovaea meha, e makuri lei pepeita lea mai la lei usoso Keriso ve Ovoro Lareva ve mai feare leitia; lea vei ara ero ofae eavai vei foreraita varo, a—, ára‐ita peita varo, ara mea fari e vei mapai roi, e arahoha farakeka ita kere soi laepepea, aea haiiri farakeka ita Ovoro Lareva la sukaerereaita mai vei farehoria ivara lei,

Filipi 1:29

Ero miaraita maeaforoe ve meru meha, Keriso la sukaerereaita lea sa haria kasirau, a—, are vei hehea ta lei vovo roroai vei.

Filipi 1:5

ipi omopa kofa soa itiiti faitora, e sa Ovoro Lareva ve tivi voa araro toaraita lea mai veia.

Filipi 1:6

Ara ore kofa loita meha, tivi lareva e voa fapōpe lea Ualare sa lea la ata lei lei, tetete are lea tivi la lei roroka leiti roi Keriso Iesu ve sare voa.

Filipi 2:19

Ara Papuvita Iesu voa hai mō kaeaipea Timoteo ero tai soa haekao itapai vei la roi, ara eve fari la mapi ore lei, haiiri rofo lōfeare leiti vei.

Filipi 4:1

Lea vei arave paumarehari e, haikakare lei liri oita karu e, araro lei hailareva leita karu aeata ara sa hiva arita kekeva; haikakare e, Papuvita voa kere ita soi pepeava.

Filipi 4:15

E Filipi karu ore, Ovoro Lareva la oarehōva soa voa itoro a’ ara Makedonia kiripōpe soa ve aite voa, ekalesia firu farakeka aea ara ita fareho etau miōri aeata ovaita mai la leiti sore, e sa haria reha.

1 Tesalonika 1:3

Ela eve sukaerereaita haiiri sa leita mai, aea haikakare sa leita tivi, aea ereitave Papuvita Iesu Keriso voa eve lula auke taita haiiri ita la ereitave Oa Ualare ve omopa voa haikaeai vovea.

2 Timoteo 2:10

Lea vei Ualare sa haikaea maravaita lea karu vei ara hehea foromai la morari vovea, erero fareōvi makuri lei, ere Keriso Iesu voa peita sosorusosoru ta ovai vei.

Heberu 12:1

Soka ereitaro ore lei fofoisaita karu sitavu mea‐e rovaeka feare, ereitaro eakoa toepi lei vovo roroaita lea vei, ereita ereitaro pasou leita lea etau foromai la, aea ereitaro pasaea fasaita lea iri kaiae la felaukea mutapi, aea ereitave omopa voa vipi muiaita lea loreape soa voa haiiri kere ita oroaia.

Heberu 4:1

Soka areve haioraita oti voa oropai vei arita lea otoare Ualare sa ereitaro ta ō vovea. A—, ereitave tore meha, e karu hea lōvoa forerai auke leiti ave.

Heberu 4:11

Lea vei ereita lea haioraita oti voa oropai vei rofo ita seseōvaia, karu aea lea ōvafae kere mai sa lei oai ave.

Heberu 5:9

Meme arero lareva ita lei kekese leipe lea mea, are peita makuri ve ipi Vita leipe arero mapi kakeva leitita lea karu foromai vei.

1 Petero 2:11

Arave haikakare leita karu e, ara ero loki e elore mea auke lei maea merava ita roroaita lea vei, e maeasarōva sa haikakare leita etau maealolo, eve ove ita marehaukaita lea etau la haiarara lei kiripaia.

2 Petero 3:18

A—, e ereitave Papuvita, ereitaro fareōvi makuri leita Vita, Iesu Keriso ve haiforoe leita meru aea haiore voa asi roroava. Are voa sosorusosoru leitia, faitora soa voa aeata lōri lei pepe peava. Amene.