Filipi 1:6 - Testamenta Áre 1983 (Toaripi PNG)

⁶ Ara ore kofa loita meha, tivi lareva e voa fapōpe lea Ualare sa lea la ata lei lei, tetete are lea tivi la lei roroka leiti roi Keriso Iesu ve sare voa.

Filipi 1:6 Iomraidhean Croise

Ioane 6:29

Iesu tava o erero mō ōpe, Ualare sa haikaeaita tivi meha: are sa itapi meita mea vita la sukaerereai vei.

Aposetolo 11:18

Ere lea o la mapi, o ata omoi kao. Ere Ualare la maeati mō ōpe, Soka Ualare toruipi haria ta loita meha, ere haiiri kerori makuri lōri ovai vei.

Aposetolo 16:14

Sukōvi sukōvi, elaro mapaiape ua aea rare Ludia, puta mohari la itaea lei miaraita ua, areve karikara Tuatira reha; are Ualare la maso toaita ua. Papuvita areve haiiri la fapi, Paulo sa moiape lea o la haisukafori kaeai vei.

1 Korinito 1:8

Are ero lei kere popōvi pepe soa sarapaita soa voa, ereitave Papuvita Iesu Keriso ve sare voa kaiae o ero levi ari vei.

2 Korinito 1:15

Ara lea o la sukaereraia lea vei, arave haiiri ara omopa ufi ero tai forerai vei, ara ero sukaea lei hailareva soa orakoria ero leiti vei.

2 Korinito 2:3

Ara ukaia lea karoro ve ipi meha, ara sa foreraita lea mea, araro lei hailareva leiti vei haikaeaita lea karu sa araro lei haieae leiti ave; ipi arave sukaerereai meha, arave hailareva voa e foromai ta hailareva leiti roi.

2 Korinito 7:16

Ara ta hailareva rovaea ipi ara ero sukaerereai kofa leita ore.

2 Korinito 9:4

Makedonia karu hea ara ita farehori isei foreri, aea ero kekese auke la eavaita, a—, elave marase o merava leita lea vei ela ta maeamariti, e ta maeamariti leiti roi.

Galatia 5:10

A—, ara ereita farehoria Papuvita voa roroaita lea vei, arave sukaerereaita haiiri e vei mōfeare, e haiiri haria levi leiti roi; a—, eve haiiri la lei lavukakaeaita lea karu areve kaiae tava ovai roi, are leisa varo.

Efeso 4:12

Are mai lōfeare leipe ipi Ualare ve karu foromai la satiriōri satiriōri kekese leiti vei, ere sa toaraita tivi lei lei, Keriso ve maea la turi moravai vei;

Filipi 1:10

Lōfeare voa e leita mai lareva kofa la seseōvi muia ore leiti roi, aea e maea vevete‐pota, maita maealolo auke leiti roi Keriso ve sare vei;

Filipi 1:29

Ero miaraita maeaforoe ve meru meha, Keriso la sukaerereaita lea sa haria kasirau, a—, are vei hehea ta lei vovo roroai vei.

Filipi 2:12

Soka haikakare leita paumarehari e, e soa foromai arave soso voa araro kakeva leiape; faitora ara maria voa peipeta soa voa, e kakeva kofa leitia. Ero lei makuri leita soa la lei kekese leiti vei, tore ita maea oriri‐oriri ita heafo lei vovo roroava.

Filipi 2:13

Ipi Ualare sa haikaeaita lea lareva la leiti vei are e voa tivi lei vovea, ero lei haikaeai vei aeata siahu ta ero miarai vei.

Filipi 2:16

ipi e makuri ve o la eve mai sa ovi muiaita lea vei. E lōfeare leitit’ oria, ara e vei hiva arita ore Keriso ve sare voa, ipi ara auraka auea loreape ari kao, a—, arave tivi heafo eite ia.

Kolose 2:12

Ipi e bapatiso leipe lea mea, ero Keriso feare lei, are ita viopi, aea are ita farehoria ta moravōpe, ipi eve sukaerereaita haiiri meha, Ualare sa lei, are Keriso la opai voa moravōpe lea vei.

1 Tesalonika 1:3

Ela eve sukaerereaita haiiri sa leita mai, aea haikakare sa leita tivi, aea ereitave Papuvita Iesu Keriso voa eve lula auke taita haiiri ita la ereitave Oa Ualare ve omopa voa haikaeai vovea.

2 Tesalonika 1:11

Lea vei ela soa foromai e vei loki lei vovea, ereitave Ualare sa ero isa e sa roroaita mai lareva voa ero lei lareva usoso leiti vei. Are ta areve siahu sa lei, eve haikaeaita haiiri lareva foromai aea eve sukaerereaita haiiri sa leitita lea etau foromai ita la lei kekese leiti vei.

2 Tesalonika 3:4

Ela Papuvita voa e vei mōfeare sukaerereai vovea, ela ero omoita lea etau la e la leipea, aeata erero lōri lei peava roi.

Filemona 1:21

Arave sukaerereaita haiiri meha, a arave o la kakeva leiti roi, lea vei ara a voa o la ukaipea; ara ore ara aro loki lei moipeta lea etau voa, a sa maea aeata topiari lei arori voa leiti roi.

Heberu 10:35

Lea vei eve haiiri ve rofo levi sisapaia, lea rofo voa foreraita tava rovaea kofa.

Heberu 12:2

Iesu la fofoisa oroaia; are ereitave sukaerereaita haiiri ve Ipivita aeata lei kekese leitita Vita. Are ta areve omopa voa leipe hailareva la ovai vei satauro ve hehea la haiiri rofo ita au moraripe, lea maeamariti la are eite auke ita seseōvi, faitora are Ualare ve mai toare voa avi laisesea.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.

2 Petero 3:10

A—, Papuvita ve Sare torea leita karu sa foreraita feare koti roi. Lea sare voa kauri poporora rovaea ita kaleiti roi, etau foromai hehea rovaea sa toa horeai roi, mearovaeka ta areve arori voa roroaita etau foromai ita la a sa sa’ kaleiti roi.