Filipi 1:16 - Testamenta Áre 1983 (Toaripi PNG)

¹⁶ Lōfeare karu ere araro haiforoe lei itoro aritore; ere ore araro mōvoa itapi laipea ara Ovoro Lareva ve okofa la muiai vei.

Filipi 1:16 Iomraidhean Croise

1 Korinito 9:17

Ara arave elore haiiri sa lea tivi la leitita, a—, ara tava ovai lare. Eite ara arave elore haiiri sa lea tivi la leiti sore, a—, ipi Ualare sa araro haisa moipe eavia.

2 Korinito 2:17

Ipi ela karu rauapo fefeare kao, Ualare ve o la ovi o haria ita kapekapeaita lea karu; a—, ipi Ualare sa elaro itapaita lea vei ela okofa ita areve omopa voa laua Keriso voa sukōvō vovea.

Filipi 1:10

Lōfeare voa e leita mai lareva kofa la seseōvi muia ore leiti roi, aea e maea vevete‐pota, maita maealolo auke leiti roi Keriso ve sare vei;

Filipi 1:12

Paumarehari e, ara haikaeai e ore leiti vei; ara voa lei foreraia mea etau voa Ovoro Lareva la lei la fafarapaipea.

Filipi 1:5

ipi omopa kofa soa itiiti faitora, e sa Ovoro Lareva ve tivi voa araro toaraita lea mai veia.

Filipi 1:7

Ara e foromai vei hai lōri seseōvaita lea haura, ipi arave haiiri sa ero kaea vovea. Ara dibura voa peipeta soa aea ara kōto soa voa Ovoro Lareva vei o maealolo la sukavutea, arero okofa lei moita soa voa, e ara ita farehoria haiforoe ta la leipea.

Filipi 2:22

Timoteo ve leita mai leafeare e lea la ore; etau meha, are oa la toaraita atute feare, Ovoro Lareva la fafarapi ara ita fareho tivi lei vovea.

Filipi 4:15

E Filipi karu ore, Ovoro Lareva la oarehōva soa voa itoro a’ ara Makedonia kiripōpe soa ve aite voa, ekalesia firu farakeka aea ara ita fareho etau miōri aeata ovaita mai la leiti sore, e sa haria reha.

Filipi 4:3

Aeata ao, ara ita tivi fareho leita vita kofa e, ara aro loki lea uamori oraka la toaraia, ipi ereuka ara ita Ovoro Lareva la fafarapi tivi fareho leiape, Kelementa ita aea ara ita tivi fareho leiape karu firu ta reha, ereve rare makuri buka voa uka siseita lea karu.