Filipi 1:10 - Testamenta Áre 1983 (Toaripi PNG)

¹⁰ Lōfeare voa e leita mai lareva kofa la seseōvi muia ore leiti roi, aea e maea vevete‐pota, maita maealolo auke leiti roi Keriso ve sare vei;

Filipi 1:10 Iomraidhean Croise

Mataio 16:23

A—, are kerori Petero la mō ōpe, Arave aite voa pavaia, Satani e; araro feravi putoita etau a reha, ipi ave seseōvaipeta haiiri Ualare ve haiiri kao, a—, karu vei.

Mataio 26:33

Petero tava o arero mō ōpe, Karu foromai aro kiripait’ oria, ara lōfeare levi leiti roi.

Ioane 1:47

Iesu are Natanaele arero tai forerōpe la ofae eovi are vei mō ōpe, Israela karu kofa reha; maeahahauhahau aea are voa kasirau.

Ioane 3:20

Ipi kaiae leita karu ovava la kaifa lei vovea, aea ovava voa forerai sore, ereve leita mai kaiae la pisiri muiai ave.

Aposetolo 24:16

Lea vei, Ualare ve soso voa aeata karu ve omopa voa, ara kaiae ore auke haiiri la ovai vei, ara arave maea la kiva rofo ita lei vovea.

Roma 12:2

E usoso mea mearovaeka sa leita mai feare levi leitia; a—, e haiiri toarōrisa mai áre leitia. Lōfeare e Ualare sa haikaeaita mai la seseōvi ore leiti vei, lareva kofa, aea maeatita, aea haura kofa ita mai.

Roma 12:9

Eve haikakare okofa ita leitia. Maealolo la kaifa leitia, lareva la mai kere paeaia.

Roma 16:17

Arave paumarehari e, ara ero loki serea ita la leipea, eve haiiri la faeafaea oita karu, aea ero lei safosafoa putoita lea karu la kiva leitia. Ero satiriōri malasa leita lea o la ere sa sukavutea vovea; erero kiripi mai haria leitia.

Roma 2:18

a areve haikaeaita haiiri la ore, Safu O sa aro satiriaraita lea vei, a haura ita kaiae ita ve aru voa seseōvaita ore.

Roma 7:16

Soka ara leiti haikaeai auke leita lea etau la leitita, a—, ara Safu O are haura lōfeare la muiaita reha.

Roma 7:22

Arave haiiri kofa voa ara Ualare ve safu mai voa hailareva leititore.

Roma 8:7

Ipi sarōva sa haikaeaita lea haiiri ita karu are Ualare sa haiarara lei sukavuteaitore; are Ualare ve safu mai la kakeva leiti sore; okofa, are kakeva leitita ore kasirau.

1 Korinito 1:8

Are ero lei kere popōvi pepe soa sarapaita soa voa, ereitave Papuvita Iesu Keriso ve sare voa kaiae o ero levi ari vei.

1 Korinito 10:32

E etau aea la levi leitia, Iuda karu aea Helene karu, aea Ualare ve ekalesia karu ita la lei safosafoa putoi ave.

1 Korinito 8:13

Soka lea larietau sa arave marehari la lei safosafoa putoita, a—, ara lea sarōva la ata levi lari roi, ara arave marehari la lei kaiae leiti ave.

2 Korinito 1:12

Elave hiva ve ipi meha, aea leita mai la elave lea seseōvaita haiiri sa elaro lei okofa o ō vovea, ela mearovaeka voa aeata eve soso voa safu mai lareva ita aea Ualare sa miaraita haiiri ovava ita roroa vovea, maeasarōva ve haiore ita kao, a—, Ualare sa miaraita haiforoe ita voa.

2 Korinito 2:17

Ipi ela karu rauapo fefeare kao, Ualare ve o la ovi o haria ita kapekapeaita lea karu; a—, ipi Ualare sa elaro itapaita lea vei ela okofa ita areve omopa voa laua Keriso voa sukōvō vovea.

2 Korinito 6:3

Ela karu la lei safosafoa putoita etau karu ve omopa voa vipai sore, elave ovoro fafarapaita tivi la lei kaiae leiti ave.

2 Korinito 8:8

E mea tivi leiti vei ara ero haisa moia kao; a—, karu haria ve haihahari la ovi eve haikakare la seseōvi okofa la ore leiti vei.

Galatia 5:11

Arave paumarehari e, ara karu la haisa peritome leita mai vei itoro ōvovo meit’ oria, karu ivara eokere ita araro hasiavaia ipi levea? Lōfeare itoro arita, a—, arave o satauro vei heafo levi leiti lare.

Efeso 4:15

A—, ereita okofa la haikakare ita moita, etau foromai voa are voa topiari, asi asi rovaea lei, ereita Keriso tai forerai roi; ereitave harofave Vita are reha.

Efeso 5:10

Papuvita sa maeatita lea etau hariaharia la malasa leiti vei seseōvaia.

Efeso 5:27

ekalesia sosorusosoru ita, maea horarave aea kikiteōva kikiteōva aeata maita maealolo auke aea lōfeare etau auke ita, arero areve elore vei omopa posasea ovai veia.

Efeso 6:24

Haiforoe leita meru ereitave Papuvita Iesu Keriso la poetapai auke ita haikakare araita karu foromai ita lei peava.

Filipi 1:16

Lōfeare karu ere araro haiforoe lei itoro aritore; ere ore araro mōvoa itapi laipea ara Ovoro Lareva ve okofa la muiai vei.

Filipi 1:6

Ara ore kofa loita meha, tivi lareva e voa fapōpe lea Ualare sa lea la ata lei lei, tetete are lea tivi la lei roroka leiti roi Keriso Iesu ve sare voa.

Filipi 2:16

ipi e makuri ve o la eve mai sa ovi muiaita lea vei. E lōfeare leitit’ oria, ara e vei hiva arita ore Keriso ve sare voa, ipi ara auraka auea loreape ari kao, a—, arave tivi heafo eite ia.

1 Tesalonika 3:13

Lōfeare vei are eve haiiri foromai la lei rofo leiti roi, aea e ereitave Oa Ualare ve omopa voa safu mai lareva voa kaiae auke ita lei vovo roroava roi, ereitave Papuvita Iesu, areve safu karu foromai ita kotita lea mea.

1 Tesalonika 5:21

a—, etau foromai la seseōvi okofa la ore leitia. Etau lareva la mai kere paeaia;

1 Tesalonika 5:23

Tairu ve Ualare, are kofa sa ero lei areve karu leiti vei, aea eve arahoha ove ita maea ita maeamakora la kiva lei, e kaiae auke leiti roi, ereitave Papuvita Iesu Keriso sa kotita soa voa.

1 Ioane 4:1

Arave haikakare paumarehari e, arahoha ita karu foromaiapo la levi sukaerereaia, a—, erero foromaiapo la seseōvi ore leitia, ere Ualare voa foreraita varo. Ipi lohalai peroveta karu rauapo mearovaeka voa foreri la roroa.

Apokalupo 2:2

Ara ave tivi aea ave heafo aea ave lula auke haiiri rofo ita la ore fae. A kaiae karu la sukavutea ereve elore elore maea la aposetolo rare aravaita, a—, eite ere lōfeare auke leita lea karu la seseōvi, ere apeva karu lea la eovi ore loi.