Filipi 1:1 - Testamenta Áre 1983 (Toaripi PNG)

¹ Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 1:1 Iomraidhean Croise

Mareko 13:34

Are usoso sariva leiti vei leita heavita aea feare, are areve uvi kiripi, areve sarufa karu la kiva leita siahu la miōri karu farafarapo ereve elore elore tivi ta miōri, utape kiva karu la ovoako leiti o ta moi roi.

Ioane 12:26

Karu aea arave tivi karu leitita, a—, are araro aitetaia, aea ara peita lea oti voa, arave tivi karu ta peava roi. Karu aea arave tivi la leitita, a—, arave Oa sa arero maeati roi.

Aposetolo 1:20

Ipi Salamo buka voa mea o uka la eaea, Areve uvi meara leitia, karu aea lōvoa levi pavaia. O aeata meha, Areve tivi oti karu haria la lei ovaia.

Aposetolo 20:28

E eve haria mai la kiva lei vovo roroava, aea Safu Arahoha Lareva sa e kiva leiti vei miarōpe lea momoe sitavu ta reha. Ualare ve ekalesia la mamoe kiva karu feare savuaia, areve elore ovo la tava vei miarōpe lea ekalesia.

Aposetolo 9:13

A—, Ananiasi tava o mō ōpe, Papuvita e, ara karu rauapo voa mea vita ve fari la mapai, are Ierusalema voa ave maso karu la leita lea maealolo.

Roma 1:1

Arao Paulo, Iesu Keriso ve ovi fasaita sarufa, Ualare sa araro haikaea isa ovōpe areve aposetolo lei mea, areve Ovoro Lareva la itoro ari vei.

Roma 1:7

Ualare sa haikakare leita aea safu karu leiti vei isōpe Roma karikara voa pepeipeta karu e, e foforoe lareva. Ualare, ereitave Oa aeata Papuvita Iesu Keriso voa foreraita maeaforoe ve meru aea tairu ita e ita lei pepeava.

1 Korinito 16:10

Timoteo forerai oria, arero maeafukapi kiva kofa leitia, ipi are ta ara feare, elaka Papuvita ve tivi lei vovea.

2 Korinito 1:1

Paulo, Keriso Iesu ve aposetolo, Ualare sa haikaeōpe lea vei, aeata ereitave marehari Timoteo ita sa ukaita karoro meha, Ualare ve ekalesia Korinito karikara voa, aeata Akaia voa pepeita Ualare ve lea karu foromai veia:

Galatia 1:10

Ara faitora karu la kurea ere sa araro maeati vei ei? Kakaeite kofa! Ualare sa araro maeatita, arave haiiri reha. Ara karu la lei hailareva leiti vei la elipea ei? Kakaeite! Lōfeare oria, ara Keriso ve fasaita sarufa levi leiti lare.

Galatia 3:26

Ipi e foromai Keriso Iesu ita fareho Ualare ve atutemori, e Keriso la sukaerereaita lea vei.

Galatia 3:28

Soka e Iuda karu ō Helene karu kao, e fasaita sarufa karu ō pisiri lei roroaita karu kao, e vita ō ua lōfeare faeafaea oita karu kasirau, a—, e foromaiapo Iesu Keriso voa farakeka.

Efeso 1:1

Paulo, Keriso Iesu ve aposetolo, Ualare sa araro haikaea ovōpe lea vei, arave karoro meha; Ualare ve karu Efeso voa, Keriso Iesu la sukaererea roroaita lea karu veia:

Efeso 1:15

Lea vei e sa Papuvita Iesu la sukaerereaita, aea e sa Ualare ve karu foromai la haikakare araita lea fari la mapōpe soa itiiti faitora,

Efeso 6:24

Haiforoe leita meru ereitave Papuvita Iesu Keriso la poetapai auke ita haikakare araita karu foromai ita lei peava.

Filipi 2:19

Ara Papuvita Iesu voa hai mō kaeaipea Timoteo ero tai soa haekao itapai vei la roi, ara eve fari la mapi ore lei, haiiri rofo lōfeare leiti vei.

Filipi 2:5

Keriso Iesu voa eaeiape mea haiiri e voa ta ovaia.

Filipi 3:12

Ara faitora lea etau la ovi roroka varo, araro lei ovava lei kekese loita varo, arave o lōfeare kao; a—, ara loreape serea ita ō vovea, lea etau la aite soa voa ovi arave elore vei, usoso Keriso Iesu sa araro ovi ara areve tivi karu lei mea vovea.

Filipi 3:3

Ara erero rare lōri aravaipeta ipi peritome karu kofa ereita meha. Ipi ereita Ualare la areve Arahoha ita maso toaita karu, aea Keriso Iesu voa hiva ō vovea. Ereita maeasarōva voa leitita peise la sesearai sore.

Filipi 3:8

Okofa, ara etau foromai la eite auke etau feare seseōvai, ipi etau larevaeiteapo meha, Keriso Iesu, arave Papuvita la ore leiti vei. Ipi are vei ara arave etau foromai la lei veverapi kalei la mea, ara lea etau la usoso roro feare seseōvi, ara Keriso la ovi

1 Tesalonika 1:1

Paulo aea Silasi aea Timoteo ita, ela oroisoria sa itapaita karoro meha; Oa Ualare aeata Papuvita Iesu Keriso ita voa topiari pepeita Tesalonika ekalesia firu veia. Haiforoe leita meru aea tairu ita e voa lei peava.

1 Tesalonika 2:2

Eite e ore kofa ela Filipi voa omopa hehea lei, elaro ivara eokere ita hasiavavota; a—, ereitave Ualare sa elaro lei maea karōva lei Ualare ve Ovoro Lareva la, sukavuteaita mai rauapo ve aru voa, ero itoro ari vei.

2 Tesalonika 1:1

Paulo aea Silasi aea Timoteo ita, ela oroisoria sa itapaita karoro meha; ereitave Oa Ualare aeata Papuvita Iesu Keriso ita voa topiari pepeita Tesalonika ekalesia firu veia:

2 Tesalonika 1:10

are sa kotita lea sare rovaea voa, aea are areve safu karu ve aru voa sosorusosoru lei, arero sukaerereaita karu foromai haihava ita lei arero taivotai roi. E ta lea karu ita farehoria kokorukai roi, ipi e elave itoro o la sukaerereaita eavia.

1 Timoteo 1:2

Papuvita la sukaerereaita haiiri voa arave atute kofa, Timoteo veia. Oa Ualare aea Papuvita Keriso Iesu ita sa haiforoe leita meru aea maeaforoe aea tairu ita la aro miarai peava.

1 Timoteo 3:8

Diakono ta lōfeare: ere ta haiiri sora karu, uri lakalaka karu kao; ma maealolo rauapo la loloita karu kao; moni la haikakare ita meita karu kao.

Tito 1:1

Paulo, Ualare ve fasaita sarufa aea Iesu Keriso ve aposetolo sa itapaita karoro meha. Ualare araro lei aposetolo leipe, are sa haikaea maravaita karu ve sukaerereaita haiiri la toari, aea areve haikaeaita mai la lei foreraita lea okofa la ere voa lei fafarapi,

Tito 1:7

Ipi ekalesia la lariōvaita karu rovaea are Ualare ve tivi la kiva leita karu, aea are kaiae auke ita meita lōfeare sa lareva. Are ivara eokere karu kao, heohea leita karu kao, ma maealolo la la’ la’ maeakakare leita karu kao, sosori muru karu kao, aea moni la haikakare araita karu kao.

Filemona 1:1

Paulo, Keriso Iesu ve dibura karu, auka ereitave marehari Timoteo ita ve karoro meha; elaka haikakare lei, tivi farehoria leita vita Filemona,

Heberu 13:23

E ore leitia ereitave marehari Timote dibura soa kalei foreraita meha. Soa haekao are koti forerai oria, ara ta are ita ero ofae eavai roi.

Iakobo 1:1

Iakobo, Ualare aea Papuvita Iesu Keriso ve sarufa vita ve karoro meha; mearovaeka foromai voa fafarapi pepeita toruipi‐ipi twelve veia; e foforoe reha.

1 Petero 2:25

Ipi e mamoe feare lō te sukava lō iti sukava leiape; a—, faitora e ata kerori, eve ove la kiva leita Vita, aeata ofae fofoisaita Vita tai foreraita meha.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

Iuda 1:1

Iuda, Iesu Keriso ve fasaita sarufa, Iakobo ve marehari, sa itapaita karoro meha; Oa Ualare sa haikakare lei, erero haikaea isa, aea Iesu Keriso sa kiva lei roroaita lea karu veia.

Apokalupo 1:1

Iesu Keriso sa muiōpe ovoro meha, Ualare sa arero miarōpe, forerai vei leita etau etau la areve sarufa karu la muiai vei. Keriso areve aneru la areve sarufa vita Ioane tai itapōpe lea o la arero omoi vei,

Apokalupo 1:20

A arave mai toare ve ére voa eavaita lea koru seven ve hohore ve eite aea lea a‐mopi sasoita gold etau seven ita ve eite meha: lea koru seven ere ekalesia firufiru seven ve aneru, aea lea a‐mopi sasoita etau seven ere lea ekalesia seven reha.

Apokalupo 19:10

Lea mea ara areve mora ipi voa soso oti havuopi iavōpe arero maso toai vei. A—, are araro mō ōpe, A lōfeare levi leitia. Ara ta sarufa vita aea, ao aeata Iesu ve ovoro la seseari roroaita lea paumarehari ita farehoria. Ualare la hiopi maso toaia; ipi Iesu ve okofa lei moita ovoro are peroveta o la lei oita arahoha reha.

Apokalupo 2:12

Peregamo voa peita ekalesia ve aneru la o mō ukaia: Tao itai itai marehaukaita soi mare ita lea Vita ve o meha,

Apokalupo 2:8

Semurana voa peita ekalesia ve aneru la o mō ukaia: Omopa kofa Vita aeata aite kofa Vita, opōpe, a—, makuri ata lei meita lea Vita ve o meha:

Apokalupo 22:9

A—, are araro mō ōpe, A lōfeare levi leitia. Ara ta sarufa vita aea, ao aeata ave paumarehari lea peroveta karu, aea mea buka ve o la kakeva leitita lea karu ita farehoria. Ualare la maso toaia.