Filemona 1:6 - Testamenta Áre 1983 (Toaripi PNG)

⁶ Ara Ualare la loki lei, a ita fareho Keriso la sukaerereaita lea karu ere ta lōfeare vei ereita Keriso sa miōri maravaita lea etau foromai la ore leiti vei.

Filemona 1:6 Iomraidhean Croise

Mataio 25:16

Silva moni korukoru 5,000 la ovōpe lea vita, utohoa te, aea karu ita etau maeamaea itaea lei lei, aea 5,000 maea aeata maravi topiarōpe.

Mataio 5:16

Soka eve ovava karu foromai ve soso voa lōri haeaia; ipi ere eve leita mai lareva la ofae eovi, eve kauri voa peita Oa la maeati vei.

1 Korinito 14:25

aea areve murufa haiiri pisiri voa muia, are soso oti sosorokapi iavi, Ualare la maso toa, mō o ta a’ vavavai roi, Okofa Ualare eve aru voa laipea.

1 Korinito 16:9

ipi utape rovaea tivi leiti vei ara vei fapi laepea, eite sukavuteaita karu rauapo ta ia.

Filipi 4:8

Paumarehari e, laua sarapaita o meha: okofa ita etau, taivotaita etau, haura ita etau, ovava ita etau, haiforoe leita etau, maeati o ita etau, o foroe lōvoa eaei oria, aeata arita o lareva lōvoa eaei oria, lōfeare etau foromai vei haikaeakaea aria.

Kolose 1:9

Soka lea etau foromai vei ela eve fari la mapōpe lea sare voa itiiti faitora, ela e vei Ualare la loki lei lei poetapai sore. Ela arero loki are areve haikaeaita mai la areve Arahoha sa miaraita haiore aea haisesera ita sa ero lei ore foromai leiti veia.

Kolose 3:10

e karu áre la mopi roroka lei laepepea. Mea karu áre la arero pisosipe Ualare sa areve elore opape feare lei áre la leipea, ipi ero lei e Ualare la ore foromai leiti vei.

Tito 3:14

Ereitave karu la lei ere tivi lareva la malasa lei, haikaeaita etau maeamaea la lei lōri maravai roi, ere eite auke ita levi roroai vei.

Heberu 6:10

Ualare are eae leiti sore, e leiape lea etau aea areve rare la haikakare lei, e areve safu karu la toaraiape aeata toarai vovea, are lea la hai levi safai roi.

Iakobo 2:14

Arave paumarehari e, karu aea are sukaerereaita haiiri ita o la moita, a—, are lea haiiri ita etau aea la leiti auke leitita, a—, lōfeare mai ve eite leavoa? Lea sukaerereaita haiiri sa arero fareōvi makuri leitita ore ei?

Iakobo 2:17

Sukaerereaita haiiri ta lōfeare, are haria aea leita mai auke leitita, a—, are opi la eaea.

1 Petero 2:12

Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

1 Petero 3:1

Lōfeare haiiri ita, e uamori eve elore elore vita heaea la mapi kakeva lei roroava; lōfeare voa Ovoro Lareva la sukaerereai auke leitita lea vita heaea, erero o moi auke ita voa ereve uamori sa leitita lea mai sa erero lei sukaerereai vei,

1 Petero 3:16

a—, haimafu ita Ualare la haikavora lei tava o lōri omoia. Eve haiiri la ovava kofa ita lei roroava, lea vei karu sa ero o maealolo a’, e Keriso voa lei roroaita lea mai lareva vei kaiae o ero omoita lea mea, ere maeamariti leiti roi.

2 Petero 1:8

Ipi e lōfefeare etau etau sa eve haiiri voa siseita aea ere rovaea foromai leitita, a—, e eite auke maeapatoita karu levi leiti roi, e sa Papuvita Iesu Keriso la ore lei roroaita lea vei.