Filemona 1:17 - Testamenta Áre 1983 (Toaripi PNG)

¹⁷ A araro ave tivi maeapavora vita o ari haikaeaita, a—, arero ta araro feare maeafukapaia.

Filemona 1:17 Iomraidhean Croise

Mataio 10:40

Ero maeafukapaita lea karu araro ta maeafukapai roi, aea araro maeafukapaita lea karu, araro itapaita lea Ualare ta maeafukapai roi.

Mataio 18:5

Atute seika mōfeare la arave rare vei maeafukapaita lea karu, araro ta maeafukapai roi.

Mataio 25:40

Soka King tava o erero mō ari roi, Okofa ara ero o la moi, e arave mariosu titi, aite hahera la leiape, e araro ta lōri leiape reha.

Aposetolo 16:15

Arero areve uvi karu ita la bapatiso lei roroka leipe soa, are elaro loki mō leipe, Ara Papuvita la sukaerereaita, e lea okofa eve haiiri voa seseōvait’ oria, a—, kotiria arave uvi voa pavaia. Are elaro taupi lei lei ela kakeva leipe reha.

2 Korinito 8:23

Aeata ipi Tito vei, arave o meha: are arave maeapavora aea e vei ara ita tivi fareho leita vita; aea ipi elave maraiosu oraka vei, ereuka ekalesia sa itapaita karu, Keriso la lei sosorusosoru leiti vei.

Efeso 3:6

Lea murufa haiiri ve eite meha, Ovoro Lareva sa lei toru hariaharia karu ere Iuda karu ita farehoria Ualare voa hasu maravi, ere maea farakeka voa toepi sisea, Ualare sa Iesu Keriso voa otoare ōpe etau la farehoria maravaita karu.

Filipi 1:7

Ara e foromai vei hai lōri seseōvaita lea haura, ipi arave haiiri sa ero kaea vovea. Ara dibura voa peipeta soa aea ara kōto soa voa Ovoro Lareva vei o maealolo la sukavutea, arero okofa lei moita soa voa, e ara ita farehoria haiforoe ta la leipea.

1 Timoteo 6:2

Papukaru hea ere Keriso la sukaerereaita karu; a—, ereve o la levi sukavuteaia, ipi ere ta ekalesia karu eavia. A—, ere erero kakeva kofa leitia, ipi ere ereve tivi voa toaraita lea papukaru ere ta Keriso la sukaerereaita aeata haikakare sa leita karu eavia. A mea etau la satiriaraia aeata itoro aria.

Filemona 1:10

a—, ara arave mea atute, Onesimo vei aro loki la leipea. Ara araro fasi peita soa voa areve oa lei laipea.

Filemona 1:12

Ara arero aro tai ata la itapai, aea arave haiiri kofa are ita farehoria la terai reha.

Filemona 1:18

Are aro kaiae lei aea ave moni la ovait’ oria, a—, lea la miarai vita arave rare la ukaia.

Heberu 3:1

Lea vei, Ualare sa lei safu lei, kauri voa soa ovai vei isōpe paumarehari e, haiiri Iesu voa seseōvaia. Arero Ualare sa itapi are ereita sa sukaerereaita lea mai ve maso harofave vita leiti vei.

Heberu 3:14

Ipi ereita ve sukaerereai, soa oarehōva soa tetete aite kofa voa rofo kofa ita popōvait’ oria, ereita Iesu ita fareho leitita karu lei roroava roi.

Iakobo 2:5

Arave haikakare leita paumarehari e, mapaia. Ualare mea mearovaeka ve merava karu la haikaea maravi la roroa, ereve pisoso ereve sukaerereaita haiiri reha, aea ere basileia ta ovai, Ualare sa arero haikakare araita lea karu la miarai vei evera otoare ōpe basileia reha.

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

1 Ioane 1:3

Ela ofae eovi mapaiape lea O vei ela ero ta mei, e ta ela ita maeapavora lei, Oa ita aea areve Atute Iesu Keriso ita farehoria lei vovo roroai vei.