Efeso 2:3 - Testamenta Áre 1983 (Toaripi PNG)

³ Eite ela foromai ta ere fefeare evera soa voa, aea maeasarōva sa haikaeaita mai, sarōva aeata haiiri ita sa haikaeaita lea etau la leiape. Ualare voa foreraita kaiae ve tava ela vei taiape, usoso lea karu hariaharia vei ta lōfefeare.

Efeso 2:3 Iomraidhean Croise

Mareko 4:19

a—, mearovaeka ve haikavora etau hariaharia, aea pisoso etau ve maeahahauhahau, aea etau maeamaea la haikakare araita sa karu ve iri voa foreri, ovoro la aieri mekeke lei, fare lōfeare levi tai roi.

Ioane 1:13

Lea karu ovo sa lei mi ari kao, aea karu sa haikaea lei mi ari kao, aea sarōva sa haikaea lei mi ari kao; a—, erero Ualare ve haikaeai voa mi ape.

Ioane 8:44

E eve oa Diabolo voa foreraita atutemori, aea e eve oa sa haikaeaita mai la e haihahari ita lei vovea. Oarehōva soa voa itiiti faitora karu la paeaita vita are reha, aea are okofa voa pei sore, ipi okofa areve iri voa eaei sore. Are o apeva la arita, areve omoita mai kofa reha; ipi are apeva vita kofa, aea apeva foromai ve oa.

Aposetolo 14:16

Evera taotao ve soa, are torutoru karu foromai la paparaeaiape, ere ereve elore elore haikaeaita mai la leiti vei.

Roma 1:24

Lea vei Ualare sa erero paraea, ere haikaeaita herei mai leiti vei erero kiripōpe, ere elore elore maea la maeamariti mai leiti vei.

Roma 11:30

E evera soa Ualare la kakeva auke lei roroaiape, a—, faitora Iuda karu ve kaeava vei e Ualare ve maeaforoe la sukaeaita meha;

Roma 13:14

A—, e Papuvita Iesu Keriso puta feare mopaia, maeasarōva sa haikaeaita lea etau vei hai levi kaeaia.

Roma 2:14

Toru hariaharia karu ere Mose ve Safu Mai kasirau; a—, ere ereve haria haiiri sa safu mai la leitita, a—, ere ereve elore maea sa Safu Mai la muiaita reha; eite ukōpe Safu O ere vei kasirau.

Roma 5:10

Omopa soa ereita Ualare ve ote karu lei roroaiape, a—, are areve Atute ve opai sa ereita ita lei totoeōpe. Faitora soa ereita are ita totoea roroka lei, ereita makuri ta ovai roi Keriso ve lea makuri voa.

Roma 5:9

Areve ovo sa ereitaro lei, ereita Ualare ita haura lei la roroa; etau aeata meha, are sa Ualare ve kitou voa ereitaro fareōvi lei makuri leiti roi.

Roma 6:12

Soka iri kaiae sa eve opaita maea voa harofave siahu levi leitia, eve sarōva sa haikaeaita mai la kakeva leiti vei.

Roma 7:18

Ara ore arave iri voa, lea ve eite arave sarōva maea, mai lareva pei sore. Lareva la leiti haikaeaita lea mai arave iri voa pea vovea, a—, lea lareva la leiti vei ara usoso kao.

Roma 9:22

Ualare sa leipe mai ta lōfeare. Are areve kitou, aea areve siahu ita la pisiri muiai vei haikaeōpe. Lea vei are erero kitou lei, saroroapai vei kekese leipe lea etau ita la au morariape.

1 Korinito 4:7

Ero moravi e arori karu leiti vei leisa leipe? E maravi roroita etau voa Ualare sa miarai auke etau aea larelekōru? E hiva aipeta ipi levea, etau ero miarai auke ovitao?

2 Korinito 7:1

Arave haikakare e, ereita lea otoare la ovi roroaita lea vei, ereita maeasarōva aea arahoha ita sirisiri leita etau foromai la elore elore voa fareōvi mutapi, Ualare la taivotei, safu mai lareva la kekese ita lei vovo roroava.

Galatia 3:22

A—, Safu Karoro voa o mōfeare etau foromai kaiae ve siahu ve ora voa sasauka laisisea; lea vei Ualare sa Iesu Keriso la sukaerereaita lea karu la areve otoare etau miaraita ore.

Efeso 2:2

Lea soa voa e mea mearovaeka ve leita mai maealolo la lei vovo roroaiape; e miruru voa peita siahu ve harofave vita la kakeva leiape, Ualare sa haikaeaita mai la sukavuteaita karu ve harofave arahoha reha.

Efeso 4:22

E evera haikaeaiape haiiri, e sa leiape mai ita la fari mutatapaia; lōfeare mai maealolo leita ipi are maeahahauhahau la liri aritore.

Kolose 1:21

E ta reha, evera soa voa e Ualare voa áre‐ita pepea, areve ote karu leiape ipi eve haiiri aea eve leita mai ita ve maealolo vei.

1 Tesalonika 4:13

Soka paumarehari e, elave haiiri meha e opaita karu vei haveva levi leiti vei, aeata e haiiri eae ta levi leiti vei, usoso Keriso la taita haiiri auke ita roroaita lea karu fefeare.

1 Tesalonika 5:6

Soka ereita ivutu levi iroropaia, maria voa roroaita karu fefeare; a—, ereita ovoako lei, haiiri ovava ita lei vovo roroava.

1 Timoteo 6:9

Moni rauapo la haikaeaita lea karu vuteaita mai voa, aeata fitōva voa, aea sarōva sa haikaeaita maeakakare etau voa, aea hasiavaita etau voa oaitore, aea lea mai sa karu la lei ma isoseai feare lei saroroapi veverapaitore.

Tito 3:3

Ipi ereita ta evera soa voa maeakakare lei, kaeava a’, aeata karu sa ereitaro apeva vuteaiape; ereita haikaeaita mai maealolo aea hailareva leita etau hariaharia voa malasa lei, hasiavaita haiiri ita aea hilisi ita, karu sa ereitaro kaifa lei, ereita ta elore elore kaifa lei pepeiape.

1 Petero 1:14

Ualare la mapi kakeva leitita atutemori feare leitia. E evera haihaveva ita haikakare maealolo la leiape lea mai feare levi leitia;

2 Petero 2:14

Ere herei leiti vei uamori la ofae koko fofoisa vovea, aeata leitita kaiae poetapai sore. Ere rofo auke karu la lei kaiae leiti vei kurea vovea. Ere etau maravai vei liri arita mai malasa kofa. Ere Ualare ve o maealolo ve iri voa la roroa.

2 Petero 2:18

Ere maeakakare o merava ita hiva a’, mai kaiae leita karu ve aru voa safauka makuri áre leipeta lea karu la ere maeasarōva sa haikakare leita mai maealolo ita voa kaiae leiti vei kurea vovea.

1 Ioane 2:16

Ipi mearovaeka ve etau foromai, maeasarōva sa haikakare leitita, aea karu sa eovi liri arita aeata karu sa maravi hiva arita lea etau etau, ere Oa voa forerai sore, a—, mearovaeka voa forera vovea.

1 Ioane 2:8

Etau farakeka, ara faitora ero ukaipeta mea o are áre, ipi lea o ve okofa la Keriso voa aeata e voa la eavaipea, ipi murumuru soea veverapi, aea ovava kofa la haeaipea.