Efeso 1:3 - Testamenta Áre 1983 (Toaripi PNG)

³ Ualare, ereitave Papuvita Iesu Keriso ve Oa la maeatia. Are Keriso voa Arahoha ve kauri voa siseita etau lareva foromai la maravi, ereitaro lei lareva lei la roroa.

Efeso 1:3 Iomraidhean Croise

Luka 2:28

Soka Simeona arero mai sa itapiovi Ualare la maeati mō ōpe,

Ioane 14:20

Lea sare voa e ore leiti roi ara Oa ve iri voa, aea e arave iri voa, aea ara ta eve iri voa.

Ioane 17:21

ere foromai farakeka lei puavai vei. Oa e, usoso a arave iri voa aea ara ta ave iri voa lei vovo meita, lōfeare ere ta elakave iri voa lei vovo roroai vei, a sa araro itapōpe, mearovaeka karu lea la lei sukaerereai vei.

Ioane 20:17

Iesu arero mō ōpe, Arave maea mai levi paeaia, ipi ara arave Oa tai pataia kao. A—, arave maraiosu tai isei erero o mō aria, Ara arave Oa aeata eve Oa, arave Ualare aeata eve Ualare ita tai patai vei la roi.

Roma 12:5

Ereita ta lōfeare; ereita rauapo, a—, Keriso voa maea farakeka lei, ereita foromai elore elore ve maea voa toepi siseita etau feare lei roroaitore.

Roma 15:6

e farehoria ape farakeka ita, Papuvita Iesu Keriso ve Oa Ualare la maeati o a’ sosorusosoru leiti veia.

1 Korinito 1:30

Ualare sa ero Iesu Keriso voa lei makuri ero lei roroa, aea Keriso Iesu voa haiore aea haura aea taivotaita mai aea makuri leita siahu ita la ereitaro miōri la roroa.

1 Korinito 12:12

Ipi Keriso are usoso maea farakeka feare, aea lea maea toepi siseita etau rauapo ia; are maea farakeka haria, eite areve toepi siseita firufiru rauapo.

2 Korinito 1:3

Ereita Ualare la maeatia; are ereitave Papuvita Iesu ve Oa, maeaforoe leita Oa, aea vovoroka kofa leita Ualare.

2 Korinito 11:31

Ualare, ereitave Papuvita Iesu Keriso ve Oa, lareva lei vovo meita lea Ualare, are ore ara apeva o aria kao.

2 Korinito 5:17

Lea vei karu aea Keriso voa peita, a—, arero lei áre lei meita vita are reha; lea evera etau veverapi kalei, etau foromai áre lei foreraita reha.

2 Korinito 5:21

Are iri kaiae ore auke lei meiape, a—, ipi Ualare sa arero lei ereita vei iri kaiae karu leipe, lōfeare vei ereita are voa Ualare ita haura leiti veia.

Galatia 3:9

Lōfeare vei sukaerereaita lea karu la sukaerereaita vita Abrahama ita farehoria lei lareva leiti o a’ roroaitore.

Efeso 1:10

Lea haiiri meha, soa kofa foreraita lea mea etau foromai, kauri etau aea mearovaeka etau ita la Keriso harofave Vita farakeka ve ora voa kokoruka aiperovai veia.

Efeso 1:17

ereitave Papuvita Iesu Keriso ve Ualare, sosorusosoru ita Oa sa ero lei haiovoro leita aea Ualare la muiaita Arahoha la ero miōri, e arero malasa kofa leiti veia.

Efeso 1:20

Lea siahu are Keriso voa muiōpe, are arero opai voa moravi, arero areve mai toare itai kauri voa lei avōpe lea soa voa.

Efeso 2:6

Are ereitaro Keriso ita moravi, ereitaro lei are ita kauri ve soa voa avi laipepea, Keriso Iesu voa.

Efeso 3:10

Ipi mea faitora soa voa Ualare ve haiovoro mai hariaharia rauapo la, kauri soasoa ve harofave karu, siahu karu ita la lei, ekalesia voa ofae eovi ore leiti veia.

Efeso 6:12

Ipi ereita maola maeasarōva ovo ita karu ita toai sore, a—, harofave soa ve siahu ita karisu hariaharia, aea mearovaeka ve murumuru ve lohio karu aea arori ve soasoa voa popōvi kaiae leitita arahoha rauapo ita ta reha.

Filipi 2:11

aea Iesu Keriso are Papuvita lea o ape foromai sa meimei, Ualare Oa la lei sosorusosoru leiti veia.

Heberu 8:5

Ere sa leitita lea maso tivi are usoso kauri voa leitita lea maso tivi ve ruruiaita ove ō sare ve ove ve etau feare. Usoso Mose are puta maso uvi la turai vei leipe lea mea, Ualare arero satiriōri mō ōpe, A kiva leitia, lea etau maeamaea usoso raepa voa aro muiaita lea ove feare erero lōfeare pisosia.

Heberu 9:23

Lōfeare mai ita kauri etau feare ve maea ruriaita lea ove etau la ovo sa lei ovava leiti vei haikaeaita mai reha. A—, lea kauri etau ve eite kofa la Ualare ve soso voa lei ovava leiti vei toaita maso etau lareva‐eiteapo sa leipe.

1 Petero 1:3

Ereita ereitave Papuvita Iesu Keriso ve Oa Ualare la maeatia. Areve maeaforoe rovaea eavia, are ereitaro lei ata mi áre ari vei, are sa Iesu Keriso la opai voa ata moravōpe lea vei. Lōfeare voa ereita makuri áre ita au tai vovo la roroa,