2 Petero 3:2 - Testamenta Áre 1983 (Toaripi PNG)

² E safu peroveta karu sa evera moiape lea o, aea ereitave Papuvita, ereitaro lei makuri leita lea Vita ve o, eve aposetolo karu ve ape sa, e leiti vei moiape lea o la ata lei haikaeai vei.

2 Petero 3:2 Iomraidhean Croise

Luka 1:70

usoso areve o evera soa pepeiape areve lea safu peroveta karu ve ape sa moiape lea o fefeare;

Luka 24:27

Soa Mose ve buka voa tetetete peroveta karu ve buka foromai voa, are vei uka siseiape o foromai ve eite are ereukaro satiriaraiape.

Luka 24:44

Soka are erero mō ōpe, Ara ero moia o meha, ara e ita fareho peia lea soa voa, Mose ve aea peroveta karu ve Safu Buka voa aeata Salamo voa ara vei uka siseita o foromai la lei o kofa ita kekese leiti roi.

Aposetolo 10:43

Peroveta karu foromai ta are vei o mō mei moiape, Arero sukaerereaita lea karu foromai ve iri kaiae areve rare voa felaukea mutapai roi.

Aposetolo 28:23

Soka ere Paulo ita otoare sare kekese lei, ere karu rauapo lea sare voa arero sukaeai vei are peiape lea uvi voa foreraiape, aea are soa miori soa meafautu soa Ualare ve basileia vei erero okofa o mei mei, aea o Iesu vei Mose ve Safu Buka voa aeata peroveta karu ve buka hariaharia voa ovi erero kureaiape.

Aposetolo 3:18

Eite Ualare sa lei, peroveta karu foromai ve ape sa evera moiape, areve Keriso hehea leiti lea o lōri okofa lei kekese leitia reha.

Aposetolo 3:21

Arero kauri sa maeafukapi, are lōvoa peava pepepe etau foromai ata áre leiti lea soa, usoso Ualare sa lei areve peroveta sarufa karu ve ape sa moiape lea o feare.

Galatia 6:2

Eve karu aea heafo leitit’ oria, arero toaraia, aea Keriso sa haisa moita o la kakeva lōri leitia.

Efeso 2:20

Ero ta topiari laepepea, aposetolo karu aea peroveta karu ve arori voa usoso ipi uvi oti ve arori voa turi moravaita fefeare, lea ve arori lalave fave Keriso Iesu are kofa reha.

Efeso 3:5

Evera taotao asease voa karu sa lea etau la lei ore leiti vei miarai kasirau, a—, faitora Ualare are Arahoha sa areve safu aposetolo aea peroveta karu ita la lea etau muiai roroka.

1 Timoteo 6:14

ara aro hai sa moita mea o la maealolo auke ita aea maeamariti o auke ita kakeva kofa leitia, soa tetete ereitave Papuvita Iesu Keriso sa foreraita soa voa.

2 Petero 2:21

Ere haura ve otiharo la ore auke leitita lea taheka lareva ia; a—, arero ore leitita lea ve aite voa erero miaraita safu o la kiripi ata kerorita lea lareva kasirau kofa.

2 Petero 3:15

E haiiri mōfeare seseōvaia, Papuvita sa au morarita lea mai, fareōvi makuri leitita maeaforoe ve mai reha; elave haikakare leita marehari Paulo, arero miarōpe lea haiovoro voa, e vei ukōpe karoro ta lōfeare.

2 Petero 3:16

Areve karoro foromai voa are mea etau vei o lōfefeare ukaiape. Are ukaiape o hea ve eite la ore leiti vei heafo ia, aea haihaveva aea horahora karu ere lea o la mavitoa eite kaiae ita moi vovea, ere Safu Buka ve o hea la leitita lea mai feare. Lōfeare voa ere ereve elore maea la lei saroroapa vovea.

1 Ioane 4:6

A—, ereita Ualare ve karu, Ualare la ore leita lea karu sa ereitaro mapaitore. Ualare la ore auke leitita lea karu ereitaro mapai sore. Lōfeare mai voa ereita okofa ve Arahoha aea kaiae ve arahoha ita ve eite la seseōvi ore leititore.

Iuda 1:17

A—, haikakare paumarehari e, ereitave Papuvita Iesu Keriso ve aposetolo karu sa moiape lea o la haikaeaia.

Apokalupo 19:10

Lea mea ara areve mora ipi voa soso oti havuopi iavōpe arero maso toai vei. A—, are araro mō ōpe, A lōfeare levi leitia. Ara ta sarufa vita aea, ao aeata Iesu ve ovoro la seseari roroaita lea paumarehari ita farehoria. Ualare la hiopi maso toaia; ipi Iesu ve okofa lei moita ovoro are peroveta o la lei oita arahoha reha.