2 Petero 2:9 - Testamenta Áre 1983 (Toaripi PNG)

⁹ Soka Ualare la taivotaita karu erero seseōvai vei vuteaita etau la sukaeaita lea mea, Papuvita erero fareōvi makuri leitita ore, aeata mai kaiae leita karu la fasi sasaukaita ore tetetete seseōvi tava miaraita lea Sare voa.

2 Petero 2:9 Iomraidhean Croise

Mataio 10:15

Okofa ara ero o la moi, seseōvi tava miaraita lea sare voa Sodoma aea Gomora kaiae ve tava pasoa ovai roi, a—, lea karikara kaiae ve tava pasou rovaea ovai roi.

Mataio 6:13

Vuteaita mea voa elaro levi lariōvaia, a—, maealolo voa elaro fareōvi lei makuri leitia.

Roma 2:5

A—, a ōvafae kere eavia, a kitou la a vei toea miava vovea, miavi miavi kitou rovaea ve sare voa, Ualare sa seseōvi tava miaraita mai haura la pisiri voa muiaita lea soa.

1 Korinito 10:13

Ero vutea e mai kaiae leiti vei lōfeare soasoa la karu foromai sa ore leititore. Ualare are okofa; are ero toari, eve rofo la lei usoso leiti vei, ero vuteaita soa voa kaiae sa ero ovi aierai ave; are ero vuteaita soa voa safaukaita otiharo la ero miōri, ero lei rofo leitita ore.

2 Timoteo 3:12

Eite ereve haiiri Keriso Iesu voa Ualare sa haikaeaita mai la leiti vei lea karu, ere hasiavaita mai ta sukaeai roi.

Tito 2:14

Are areve maea la ereita vei miarōpe, kaiae foromai voa ereitaro fari maravi, lei ovava lei, ereitaro lei areve elore karu kofa lei roroai vei, ereita haihahari ita mai lareva la leiti vei.

2 Petero 2:4

Ualare lea kaiae leipe aneru la maeaforoe auke lei, erero opai karu ve oti voa toapi erero lea murumuru toru‐uta karera voa soa seseōvi tava miaraita Sare la tai vei sasauka laepepea.

2 Petero 3:7

A—, mea faitora siseipeta kauri mearovaeka ita Ualare ve o sa kiva lei laisisea, a sa sa’ haroavi kaleiti vei seseōvi tava miaraita sare voa, Ualare la taivotai auke lei roroaita karu la saroroapaita lea soa voa.

Iuda 1:6

Aea aneru hea ta reha; ere ereve tivi soa kofa voa haiiri usoso auke lei, ere sa pepeiape lea oti la kiripōpe. Kiripi, Ualare erero murumuru soa ve iri voa peita auri horou sa fasi, ere lōvoa popōvai roi pepepe lea sare rovaea ve seseōvi tava miaraita soa voa.

Apokalupo 3:10

Ipi ara aro haisa moipe, a lulalula auke haiiri rofo ita mei vei lea o la mapi kakeva lei meita lea vei, mearovaeka foromai la seseōvaita ora voa, mearovaeka voa pepeita karu la seseōvi ore leiti vei, lea ora voa ara ta aro kiva lei, lei makuri leiti roi.