2 Petero 2:4 - Testamenta Áre 1983 (Toaripi PNG)

⁴ Ualare lea kaiae leipe aneru la maeaforoe auke lei, erero opai karu ve oti voa toapi erero lea murumuru toru‐uta karera voa soa seseōvi tava miaraita Sare la tai vei sasauka laepepea.

2 Petero 2:4 Iomraidhean Croise

Mataio 25:41

Soka are areve mai ava voa pepeita lea karu la mō ari roi, Kaiae rare arita karu e, araro kiripi, Diabolo aea areve aneru ita vei kekese lei sasoita a voa teraia.

Mataio 8:29

Soka ereuka i rovaea ita mō isa moipe, Elaka a ita leati roi, Ualare ve Atute e? Elaka ve soa kofa areapo, a—, a elakaro lei hehea leiti vei koti mea ei?

Mareko 5:7

maea fi rovaea ita i mō isa moipe, A ara ita leati loi, Iesu, Koakoa‐eiteapo Ualare ve Atute e? Ara Ualare ve rare vei loki aro sukarai, a araro lei hehea levi leitia.

Luka 10:18

Lō mei are erero mō ōpe, Ara Satani oeia la ofae eavaita usoso kauri voa mavaita kevaro feare.

Luka 8:31

Ere Iesu la loki sukarōpe erero toru‐uta karera voa levi itapai vei.

Ioane 8:44

E eve oa Diabolo voa foreraita atutemori, aea e eve oa sa haikaeaita mai la e haihahari ita lei vovea. Oarehōva soa voa itiiti faitora karu la paeaita vita are reha, aea are okofa voa pei sore, ipi okofa areve iri voa eaei sore. Are o apeva la arita, areve omoita mai kofa reha; ipi are apeva vita kofa, aea apeva foromai ve oa.

Roma 11:21

Ualare lakai kofa, lea ve eite Iuda karu la maeaforoe auke leitita, a—, are ero ta maeaforoe levi leiti roi.

Roma 8:32

Are areve elore Atute la totōpo auke lei a—, ereita foromai vei arero au miarōpe. Are ereitaro etau foromai la lea Atute ita fareho levi miarai roi ei?

2 Petero 2:11

Eite aneru, mea apeva satiriaraita papukaru ve rofo aea siahu ita la sapataita lea aneru, ere Papuvita ve soso voa o kikifare ita erero havara paraeai sore.

2 Petero 2:5

Ualare ta evera soa ve karu la maeaforoe auke leipe; a—, Noa, mai haura la itoro ape lea vita, aeata areve maeapavora seven ita la Ualare sa fari lei makuri leipe, are arero taivotai auke ita roroaiape karu ve mearovaeka la ma taiva sa lei patei aierōpe lea mea.

2 Petero 2:9

Soka Ualare la taivotaita karu erero seseōvai vei vuteaita etau la sukaeaita lea mea, Papuvita erero fareōvi makuri leitita ore, aeata mai kaiae leita karu la fasi sasaukaita ore tetetete seseōvi tava miaraita lea Sare voa.

1 Ioane 3:8

A—, mai kaiae la leita lea karu, are Diabolo ve karu, ipi Diabolo omopa kofa soa itiiti faitora mai kaiae la lei vovea. Ualare ve Atute sa forerōpe eite Diabolo sa leita lea mai la saroroapai vei.

Iuda 1:13

Ere usoso ma seseaita aro‐aro fefeare, ereve maeamariti usoso ma soare fefeare lei pisiri muia vovea. Ere kerori kerori ōvovo roroaita kauri koru fefeare, faita muru ve mea‐uru ere vei kekese lei la eaea.

Iuda 1:6

Aea aneru hea ta reha; ere ereve tivi soa kofa voa haiiri usoso auke lei, ere sa pepeiape lea oti la kiripōpe. Kiripi, Ualare erero murumuru soa ve iri voa peita auri horou sa fasi, ere lōvoa popōvai roi pepepe lea sare rovaea ve seseōvi tava miaraita soa voa.

Apokalupo 20:10

Aea erero apeva vuteaiape lea Diabolo la sarita a aeata solifara ita ve sitoi voa toapōpe, animala ivara eokere aea lea apeva peroveta karu ita la omopa toapōpe lea sitoi voa. Lōvoa ere sare ita faita ita hehea lei vovo roroava roi.