2 Petero 2:3 - Testamenta Áre 1983 (Toaripi PNG)

³ Ere sa etau rauapo maravai vei haikakare araita voa, ere o apeva sa ero kurea eve haiiri la lari roi; a—, erero seseōvi ere vei everori ōpe kaiae tava lekaleka levi leiti roi, aea erero saroroapaita soa ivutu auke ita la eaea.

2 Petero 2:3 Iomraidhean Croise

Mataio 23:14

Ahai‐e e vei, Safu Karoro ore karu aea Farisea karu, aiera‐aiera karu e! Ipi e ua vitōva vitōva ve etau maeamaea ta maravaita karu, aeata e veveu o si ita lohalai toaitore. Lōfeare vei kaiae ve tava rovaea‐rovaea‐eite ero aite miarai roi.

Luka 18:8

Ara ero o mō la auai, Are utohoa seseōvi tava miōri erero toarai roi. Etau farakeka, Karu ve Atute sa koti soa are arero sukaereraita karu la sukaeai roi ei?

Luka 20:20

Soka ere soa kofa vei arero ofae sa kiva lei, aea okofa harapi leita karu maeahahauhahau la itapōpe, ere areve laua la mapi ovi havara apeva arero paraea, gavana ve fasaita siahu voa arero miarai vei.

Luka 22:47

Are laua sukavaiape lea soa kofa voa karu sitavu forerōpe reha, Iudasi, twelve karu farakeka ereve omopa voa. Are Iesu la evera sisi vei haekao leipe.

Ioane 2:16

Aite are sua la itaea lei miaraita karu la mō ōpe, Erero maria voa maravi forera teraia; arave Oa ve uvi la lei, etau la itaea leita oti levi leitia.

Roma 16:18

Lōfeare karu ere ereitave Papuvita Keriso ve toaraita karu kao, ere ereve ére vei haria haikakare lei vovea. Ere o mafu, aea o lareva hahau‐hahau ita la maravi mei haiivavu karu la vuteaitore.

2 Korinito 2:17

Ipi ela karu rauapo fefeare kao, Ualare ve o la ovi o haria ita kapekapeaita lea karu; a—, ipi Ualare sa elaro itapaita lea vei ela okofa ita areve omopa voa laua Keriso voa sukōvō vovea.

1 Tesalonika 2:5

E ore ela saseseaita o la moi sore, aea Ualare sa elave okofa la muiaita ore, ela lohalai lei etau maravai vei murufa leiti sore.

1 Tesalonika 5:3

Karu o mō ari roi, Tairu aea lareva ita ve soa meha, a—, eite saroroapaita soa sa erero tai utohoa forerai roi, usoso ére ovaita ua sa avasa patei leitita hehea feare, aeata ere sa safaukaita ore levi leiti roi.

1 Timoteo 3:3

Are ma maealolo la’ la’ maeakakare leita karu kao, are sosori muru karu kao, a—, haimafu ita aea totoeaita la haikaea vo meita karu. Are moni la haikakare araita karu kao.

1 Timoteo 3:8

Diakono ta lōfeare: ere ta haiiri sora karu, uri lakalaka karu kao; ma maealolo rauapo la loloita karu kao; moni la haikakare ita meita karu kao.

1 Timoteo 6:5

aea maealolo seseōvaita haiiri, aea ere okofa la kiripaita lea vei, ereve o serea elore elore eite kasirau. Ere hai mō kaeaitore Ualare sa haikaeaita lea mai etau rauapo la maravaita mai reha.

Tito 1:11

Erero lei ere ape sasaukai vei; ipi ere tava moni la ovai vei satiriarai vei usoso auke leita lea etau la satiriōri, maiape karu hea ve haiiri la lei la lavukakaeaipea.

Tito 1:7

Ipi ekalesia la lariōvaita karu rovaea are Ualare ve tivi la kiva leita karu, aea are kaiae auke ita meita lōfeare sa lareva. Are ivara eokere karu kao, heohea leita karu kao, ma maealolo la la’ la’ maeakakare leita karu kao, sosori muru karu kao, aea moni la haikakare araita karu kao.

1 Petero 2:8

O aeata meha, Karu la lei safosafoaita fave, aeata lei putoita fave. Ere o la kakeva leiti auke leitita lea vei, ere safosafoa putoi vovea, ere vei Ualare sa kekese leita mai reha.

1 Petero 5:2

E voa roroaita Ualare ve mamoe sitavu la kiva lei vovo roroava, Ualare sa haikaeaita lōfeare; haiarara ita voa kao, a—, haiiri kakeva kofa ita voa; tava ovai vei kasirau, a—, ipi eve haiiri sa kaeaita lea vei;

2 Petero 1:16

Ipi ela ereitave Papuvita Iesu Keriso siahu ita foreraita soa ve o la ero omoipe lea vei, ela maeahahauhahau sa leipe apeva fari la seseari omoi kasirau; a—, ela arero areve basileia ve siahu ita la elave elore ofae sa etakofa eavōpe.

2 Petero 2:1

Apeva peroveta karu ere Israela karu ve aru voa foreraiape, aea lōfeare mai ita satiriaraita apeva papukaru e voa ta forerai roi. Ere saroapaita ovoro apeva murufakao satiriōri, aea erero itaea lei maravaita lea Papuvita la avoa a’, aea lōfeare saroroapaita soa elore maea voa utohoari lei forerai roi.

2 Petero 2:9

Soka Ualare la taivotaita karu erero seseōvai vei vuteaita etau la sukaeaita lea mea, Papuvita erero fareōvi makuri leitita ore, aeata mai kaiae leita karu la fasi sasaukaita ore tetetete seseōvi tava miaraita lea Sare voa.

Iuda 1:11

Ahai‐e ere vei! Ipi ere Kaino ve otiharo la tei la roroa, aeata ipi moni maravai vei ere Balaama ve kaiae voa haihahari ita lei, Kora sa Ualare la sukavuteaita mai ta lei elore maea la lōri saroroapaitore.

Iuda 1:15

karu foromai la seseōvi tava miarai vei, aea Ualare la taivotai auke leita lea karu la kaiae o ari vei, ere Ualare la sukavuteaita lea mai foromai vei, aea ere sa Ualare la arita lea o ivara eokere foromai vei.

Iuda 1:16

Ere o vituvitu oita karu, ere o poporu ō vovea; ere areve haiiri maealolo la haihahari ita lei vovea. Ere ereve elore maea o hiva rovaea a’ aea karu haria la lohalai lei maeatitore, ere haikaeaita etau etau la ere voa maravai vei.

Iuda 1:4

Ipi karu hea, erero seseōvi kaiae o evera ōpe, ere ereitave aru voa kekevari forera la roroa. Ere ereitave Ualare ve maeaforoe vei ōpe lea ovoro la toarōrisa, ere herei mai leiti vei, aea ere ereitave Harofave Vita farakeka, Papuvita Iesu Keriso la sukavutea avoa aritore.

Iuda 1:7

Sodoma aea Gomora aea ereukave hōiri karikara karikara ita ta haikaeaia. Ereve karu ta lōfeare, ere herei lei, mu eokere mai ta leiape ereve haiiri foromai ita, ereve kaiae ve tava ere futai auke a voa ovōpe, karu foromai la kureaita fari reha.