2 Petero 2:2 - Testamenta Áre 1983 (Toaripi PNG)

² A—, karu rauapo ereve safu la miroapaita mai voa roroava roi; aea ipi ere leita lea mai vei karu sa okofa ve otiharo la kaiae o ari roi.

2 Petero 2:2 Iomraidhean Croise

Mataio 22:16

Aea ere ereve satiriaraita karu, Heroda ve firu karu hea ita la Iesu tai itapi mō ōpe, Satiriaraita papuvita e, ela ore a okofa vita, aea Ualare sa haikaeaita mai la okofa ita la satiriara vovea, a karu sa aro leita mai ve eite la seseōvai sore, aeata a karu ve soso o ari sore.

Mataio 24:24

Ipi apeva Keriso rauapo aeata apeva peroveta karu rauapo forerai roi. Ere peise etau maeamaea aea haihava leita mai rauapo ita la muiai roi, ipi ere leitita ore lei leiti oria, a—, ere Ualare sa haikaea maravaita lea karu la apeva vuteai vei.

Mataio 7:14

A—, makuri soa voa teraita otiape are koko aeata otiharo ta tero; lōvoa oropi teraita karu ere fafareso reha.

Mareko 12:14

Itapi ere arero tai koti foreri mō ōpe, Satiriaraita Papuvita e, ela ore a okofa vita, aea a karu ve soso o ari sore; ipi a karu ve leita mai ve eite la seseōvai auke lei, Ualare sa haikaeaita mai la okofa ita satiriara vovea. Takis moni Kaisara la miaraita haura ei, ō haura kao ei? Ereita miarai roi ei, ō levi miarai roi ei?

Mareko 13:22

Ipi apeva Keriso rauapo aeata apeva peroveta karu rauapo forerai roi. Ere peise etau maeamaea aea haihava leita mai rauapo ita la muiai roi, ipi ere leita ore leitita, a—, ere Ualare sa haikaea maravaita lea karu la apeva vuteai vei.

Ioane 14:6

Iesu arero mō ōpe, Otiharo aeata okofa aeata makuri eite ara meha. Ara voa terai auke leitita lea karu farakeka Oa tai levi forerai roi.

Aposetolo 13:10

mō ōpe, Diabolo ve atute, haura etau foromai la kaifa leita vita e, a apeva aea maeahahauhahau foromai ita so kofa oita vita; a Papuvita ve otiharo haura la lei kaiae leiti vei levi kiripai roi ei?

Aposetolo 14:2

A—, o kakeva leiti auke Iuda karu hea ere toruipi haria karu ve haiiri la kurea maealolo lei, ere Iesu la sukaerereaita karu la sukavuteai vei.

Aposetolo 16:17

Are Paulo elaro ita la aitetei isa mōri moiape, Mea karu Koakoaeite Ualare ve tivi karu, ere makuri ve otiharo la itoro arita karu.

Aposetolo 18:26

Soka are o sunako voa itoro ape karōva ita ape. A—, Perisika auka Akuila ita arero mapi, ereuka arero ereukave uvi voa lariōvi, te Ualare ve otiharo haura kofa arero satiriarōpe reha.

Aposetolo 19:9

Ipi karu hea sa ōvafae kere lei, kaeava a’, makuri ve otiharo vei kokorukaita karu ve omopa voa o maealolo ōpe. Lea vei Paulo erero kiripi, Iesu la sukaerereaita karu la are ita fareōvi, aea saresare foromai Turano ve satiriaraita uvi voa o elore elore mei sukavaiape.

Aposetolo 22:4

Ara mea otiharo voa roroaita karu la haisora leiti vei aitetaiape tetete erero ta paeaiape, erero vita ita uamori ita ta fasi dibura uvi sasaukaiape.

Aposetolo 24:14

Ara mea la aro faitora la vavavai, ere sa kaiae o aipeta mai ara elave papa ve Ualare la maso tivi lei mea vovea, ipi ara ta Safu Buka voa aeata peroveta buka voa uka siseita lea o foromai la sukaererea vovea.

Roma 2:24

O mō uka laisisea, Ualare ve rare vei toru hariaharia karu sa maeamariti o moi vovea ipi eve mai vei.

1 Timoteo 5:14

Lea vei ara haikaeai ua áre ua lelesi lelesi ere vita laea, atutemori epi ereve lea uvi karu la kiva leiti vei; lōfeare vei ereitave ote karu havara paraeai vei uta levi sukaeai roi.

Tito 2:5

ere haisukafori ita, uamori ve mai kofa haura lei roroai vei; ereve uvi la kiva lei, aeata maeaforoe ita, ereve elore elore vita heaea la kakeva lei, lei vovo roroai vei, Ualare ve o la lei kaiae levi leiti vei.

Tito 2:8

Lōfeare ave o sa haura kofa leitita lea vei, karu aro kaiae o arita ore auke lei, ereitaro sukavuteaita lea karu ere maeamariti leiti roi, ipi ere sa fari maealolo ereita vei fafarapaita ore auke leitita lea vei.

1 Petero 2:12

Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

2 Petero 2:12

A—, mea apeva satiriaraita papukaru haiiri auke lei, ere usoso fara animala fefeare, fitōva sa feravi, savai vei epi roroaita lea animala; ere haihaveva leita lea etau la area sa vutea aritore. Erero fara animala fefeare saroroapai roi,

2 Petero 2:15

Ere otiharo haura la kiripi, otiharo sa veverapi, ere Balaama Beoro, kaiae ve tava la ovai vei haikakare leipe lea vita ve otiharo la tei la roroa.

2 Petero 2:18

Ere maeakakare o merava ita hiva a’, mai kaiae leita karu ve aru voa safauka makuri áre leipeta lea karu la ere maeasarōva sa haikakare leita mai maealolo ita voa kaiae leiti vei kurea vovea.

2 Petero 2:21

Ere haura ve otiharo la ore auke leitita lea taheka lareva ia; a—, arero ore leitita lea ve aite voa erero miaraita safu o la kiripi ata kerorita lea lareva kasirau kofa.

2 Petero 2:7

A—, are mai haura leipe lea vita, Lota la haria fareōvi makuri leipe. Lea Lota are karu sa leiape herei mai vei haieae rovaea leiape.

Iuda 1:10

A—, mea karu ere ore auke leita lea etau la o maealolo la ō vovea, aea usoso fara animala sa ore leita mai feare, ere sa ore leita lea etau voa erero elore maea lei saroroapaitore.

Iuda 1:15

karu foromai la seseōvi tava miarai vei, aea Ualare la taivotai auke leita lea karu la kaiae o ari vei, ere Ualare la sukavuteaita lea mai foromai vei, aea ere sa Ualare la arita lea o ivara eokere foromai vei.

Iuda 1:4

Ipi karu hea, erero seseōvi kaiae o evera ōpe, ere ereitave aru voa kekevari forera la roroa. Ere ereitave Ualare ve maeaforoe vei ōpe lea ovoro la toarōrisa, ere herei mai leiti vei, aea ere ereitave Harofave Vita farakeka, Papuvita Iesu Keriso la sukavutea avoa aritore.

Iuda 1:7

Sodoma aea Gomora aea ereukave hōiri karikara karikara ita ta haikaeaia. Ereve karu ta lōfeare, ere herei lei, mu eokere mai ta leiape ereve haiiri foromai ita, ereve kaiae ve tava ere futai auke a voa ovōpe, karu foromai la kureaita fari reha.

Apokalupo 12:9

Soka lea eli rovaea, evera soa voa peiape lea ikaroa, Diabolo aeata Satani rare la aravōpe, mearovaeka foromai la apeva sa vuteaita lea vita la mearovaeka voa toapi faukōpe, aea areve aneru ta are ita farehoria toapi fafukōpe.

Apokalupo 13:14

mearovaeka voa pepeita karu la apeva sa vutea, erero ta haisa o mei marehaukaita soi sa suka sarapi, a—, makuri ata leipe lea animala ve ove etau la ere sa pisosi vei.

Apokalupo 13:8

Aea paea opōpe Mamoe Mere ve makuri buka voa ereve rare mearovaeka ve oarehōva soa ve omopa voa ukai auke lei mearovaeka voa roroaita lea karu foromaiapo sa lea animala la maso toai roi.