2 Petero 1:4 - Testamenta Áre 1983 (Toaripi PNG)

⁴ Lōfeare voa are areve otoare etau meta‐meta aeata lareva‐lareva la ereitaro miōri la roroa, lea otoare meru voa e mearovaeka voa leitita haikakare maealolo ve saroroapaita etau voa safauka, Ualare sa leita mai feare lei vovo roroai veia.

2 Petero 1:4 Iomraidhean Croise

Roma 9:4

Ere Israela karu, Ualare sa erero maravōpe areve atutemori leiti vei; Ualare ve sosorusosoru ta ereve, areve otoare hariaharia ta ereve, areve Safu ta ereve; maso toaita mai kofa ereve; aeata erero lei lareva leita otoare ta ereve.

2 Korinito 1:20

Ipi Ualare ve otoare foromai are voa A o la moitore. Lea vei ereita Amene o are voa moi vovea, Ualare la lei sosorusosoru leiti vei.

2 Korinito 3:18

Ereita foromai aierai auke leita soso feare ita, Papuvita ve sosorusosoru la ma‐ove voa feare kevaro fei, ereitaro toarōrisa lea ove kofa feare lei forera la roroa, sosorusosoru aea voa pōvi pepepe sosorusosoru aea voa, Papuvita ve Arahoha sa leita mai lōfeare.

2 Korinito 6:17

Lea vei Papuvita o mō la auai, E ereve aru voa kiripi pisiri foreri, mai haria firu karu leitia. Sisiri etau farakeka la mai opa sa levi mopaia, aea ara ero maeafukapi,

Galatia 3:16

Soka Ualare areve otoare Abrahama aea areve meavo ita vei ōpe. Lea o mōfeare kao, Meavusu ita, karu rauapo vei omoita o feare, a—, farakeka sa haria, Ave meavo ita vei, lea ve eite Keriso.

Galatia 6:8

Mere areve maeasarōva vei vipaita lea karu, areve sarōva voa saroroapaita fare la aite sarapai roi; a—, mere Arahoha vei vipaita lea karu, Arahoha voa peita makuri ve fare la aite sarapai roi.

Efeso 4:13

tetete ereita foromai totoea sukaerereaita mai farakeka la ovi roroka lei, aea Ualare ve Atute la ore kofa leita soa ta foreri, karu sora lei, Keriso ve rovaea kofa soa feare lōri leiti roi.

Kolose 3:10

e karu áre la mopi roroka lei laepepea. Mea karu áre la arero pisosipe Ualare sa areve elore opape feare lei áre la leipea, ipi ero lei e Ualare la ore foromai leiti vei.

Heberu 12:10

Ipi ere ereitaro sare farafarapo voa toa satiriaraiape, ere haikaeaiape lōfefeare; a—, Ualare sa ereitaro lei lareva leiti vei ereitaro toa satiriaraitore, ereitaro lei usoso are feare lei safu leiti vei.

Heberu 9:15

Lea vei are sa Ualare, karu ita la lei totoeaita otoare áre la lei arita Vita; are areve opai voa siahu ia evera otoare ve soa voa safu la miroapaiape lea karu la opai voa fareōvi lei makuri leiti vei. Lōfeare voa Ualare sa isaita lea karu ere peita hasu la ovaita ore, usoso Ualare sa arita lea otoare feare.

Iakobo 1:27

Ualare Oa ve omopa voa ovava ita kaiae auke ita maso toa vovo meita mai meha: haieae ita roroaita oa auke atutemori aea ua lelesi lelesi ita la maeaforoe lei toarai vei, aea areve elore maea la mearovaeka ve kaiae voa, kaiae auke ita kiva lei vovo mei vei.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

2 Petero 3:13

A—, usoso Ualare ve lea otoare feare, ereita kauri áre aea mearovaeka áre la la taipea; mai haura lei roroaita karu sa lōvoa popōvai roi.

2 Petero 3:9

Papuvita sa otoare ōpe lea etau la leiti vei lekaleka leiti sore, usoso karu hea sa seseōvaita lea lekaleka feare; a—, are ero au morari vovea, ipi are haikaeai kao karu farakeka aea la saroroapai vei; a—, are haikaeai karu foromai ere haiiri kerori, ereve kaiae la kiripai vei.

1 Ioane 2:25

Are ereitaro miarai vei otoare ōpe etau meha, soa sarapai auke peita makuri reha.

1 Ioane 3:2

Haikakare leita paumarehari e, ereita faitora Ualare ve atutemori, a—, ereita aite mai leafeare roroava roi, lea etau ereita haiiri ovava leitia kao. Ereita mea la haria ore, Keriso sa pisiri lei foreraita soa, ereita areve soso feare leiti roi, ipi ereita areve soso kofa la ofae eavai roi.