2 Petero 1:3 - Testamenta Áre 1983 (Toaripi PNG)

³ Ualare ve siahu sa ereitaro etau foromai la miōri la roroa, ereita Ualare sa haikaeaita haiiri feare makuri lei roroai vei, areve elore sosorusosoru aea lareva‐eiteapo voa ereitaro isōpe lea Vita vei.

2 Petero 1:3 Iomraidhean Croise

Mataio 28:18

Iesu erero tai koti erero o mei mō ōpe, Siahu foromai kauri voa aea mearovaeka ita voa araro miōri mea.

Roma 8:32

Are areve elore Atute la totōpo auke lei a—, ereita foromai vei arero au miarōpe. Are ereitaro etau foromai la lea Atute ita fareho levi miarai roi ei?

Roma 9:24

Lea etau fefeare eite ereita meha; are ereitaro isa maravi la roroa, Iuda karu voa haria kasirau, a—, toru hariaharia voa ta reha.

1 Korinito 1:9

Ualare are okofa, aea are ero isōpe areve Atute, ereitave Papuvita Iesu Keriso ita maeapavora leiti vei.

2 Korinito 12:9

A—, are araro mō ōpe, Arave maeaforoe ve meru aro toarai vei usoso ia, ipi arave rofo rovaea lei vovea, a sa rofo auke leitita lea soasoa voa. Lea vei arave haikaeai rovaea ara arave rofo auke vei hiva hailareva ita ari vei, Keriso ve siahu sa ara voa forera pavai vei.

Efeso 4:1

Soka arao, Papuvita ve dibura karu, ero la kureaipea, ero isaita lea mai voa, lareva ita kerori vovo roroava.

Efeso 4:4

Ipi maea are farakeka, Arahoha ta farakeka; usoso e etau farakeka la au tai vovo roroai vei ero isōpe lōfeare.

Filipi 3:8

Okofa, ara etau foromai la eite auke etau feare seseōvai, ipi etau larevaeiteapo meha, Keriso Iesu, arave Papuvita la ore leiti vei. Ipi are vei ara arave etau foromai la lei veverapi kalei la mea, ara lea etau la usoso roro feare seseōvi, ara Keriso la ovi

Filipi 4:8

Paumarehari e, laua sarapaita o meha: okofa ita etau, taivotaita etau, haura ita etau, ovava ita etau, haiforoe leita etau, maeati o ita etau, o foroe lōvoa eaei oria, aeata arita o lareva lōvoa eaei oria, lōfeare etau foromai vei haikaeakaea aria.

Kolose 1:16

Ipi Ualare kauri voa aea mearovaeka voa siseita etau etau foromai la are voa pisosiape, ofae sa eavaita etau etau aea eavai auke etau etau, aea siahu ita karisu ve harofave papukaru ta reha. Ualare lea etau foromai la are voa aeata are vei pisosiape.

1 Tesalonika 2:12

e Ualare sa haikaeaita mai feare lei vovo roroai vei, areve sosorusosoru leita basileia voa forerai vei ero isaita lea Ualare.

1 Tesalonika 4:7

Ipi Ualare ereitaro uamori ita herei mai leiti vei isai kasirau, a—, safu mai la lareva ita leiti vei.

2 Tesalonika 2:14

Are ero isōpe ela sa ero Ovoro Lareva la itoro ōpe lea soa voa, e ta ereitave Papuvita Iesu Keriso ve sosorusosoru voa soa ovai vei.

1 Timoteo 4:8

Ipi maea rofo leiti vei haisa leitita taheka haria sa lareva, a—, Ualare sa haikaeaita mai la leiti vei etau foromai voa lareva lareva‐eiteapo, ipi are otoare lareva ia, mea faitora makuri vei, aea aite soa voa forerai vei leipeta makuri ta reha.

2 Timoteo 1:9

Are ereitaro fareōvi makuri lei, aea safu mai ita lei vovo roroai vei ereitaro isōpe, usoso ereita sa leita lea mai feare kao, a—, are sa haikaeaita lea haiiri vei, aea areve haiforoe leita meru feare. Mearovaeka forerai auke soa voa lea haiforoe leita meru are sa Keriso Iesu voa ereitaro everori miōri kekese leipe,

Heberu 1:3

Are Ualare ve sosorusosoru la lei haeaita Vita, aea Ualare ve opape ve ove kofa lei, are areve siahu ve o sa etau etau foromai la lei pepeitore. Are karu ve kaiae la fareōvi lei ovava lei roroka lei, are kauri arori ve Rofo Rovaekapo Ualare ve mai toare voa patei avōpe.

1 Petero 1:15

a—, ero isōpe lea Ualare sa safu voa meita lōfeare, e ta eve leita mai foromai voa safu lei, lei vovo roroava.

1 Petero 1:5

E Ualare la sukaerereaita lea vei, areve siahu sa ero kiva la leipea, tetete soa sarapaita soa voa pisiri muiai vei kekese lei vovo meita lea makuri leita soa la ovai vei.

1 Petero 2:21

Ipi lōfeare leiti vei Ualare sa ero isaiape, ipi Keriso ta hehea e vei leipe, aea mai ero lōri muia satiriarōpe, e ta areve mora la tai terai vei.

1 Petero 2:9

A—, e Ualare sa haikaea ovōpe toruipi karu, king voa forerōpe maso tivi karu, safu toruipi karu, Ualare ve karu kofa; ero haikaea ovōpe e murumuru kiripi, areve haihava leita ovava voa lei foreraia lea Ualare, are sa soa haria leita lea mai la e itoro ari vei.

1 Petero 3:9

Maealolo ve tava maealolo vei levi miaraia, aea o maealolo ve tava o maealolo levi moia; a—, ero o maealolo arita karu la tava o lareva la omoia. Ipi lōfeare mai leiti vei Ualare sa ero isa, ero o sa lei lareva leiti vei otoare ōpe.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.

2 Petero 1:10

Lea vei, paumarehari e, haiiri rofo foromai ita Ualare sa ero isa ero haikaea maravaita lea la lei okofa leiti vei, ipi e lōfeare leitita, a—, e safosafoa levi putoi roi.

2 Petero 1:2

E Ualare aea ereitave Papuvita Iesu la ore lei, aea lōfeare voa haiforoe leita meru aea tairu ita e voa rovaea kofa leitia.

2 Petero 1:5

Ipi lea etau kofa vei e haiiri rofo foromai leitia. Eve sukaerereaita haiiri voa leitita mai lareva la topiaraia; aea leitita mai lareva voa haiore ta topiaraia;

2 Petero 1:6

aea haiore voa haisukafori roroaita mai ta topiaraia; aea haisukafori roroaita mai voa lula auke haiiri rofo ta topiaraia; aea lula auke haiiri rofo voa Ualare la taivotaita mai ta topiaraia;

2 Petero 1:8

Ipi e lōfefeare etau etau sa eve haiiri voa siseita aea ere rovaea foromai leitita, a—, e eite auke maeapatoita karu levi leiti roi, e sa Papuvita Iesu Keriso la ore lei roroaita lea vei.

2 Petero 2:20

Ipi karu ere ereitave Papuvita aeata ereitaro lei makuri leita Vita Iesu Keriso la ore lei, mearovaeka ve sirisiri etau voa lōri safauka makuri leitita, a—, lea ve aite voa lea sirisiri etau sa erero ata feravi aieraita, a—, lea aite kofa mai ere vei maealolo kofa loita reha, omopa soa ve maealolo lōfeare kao.

2 Petero 3:18

A—, e ereitave Papuvita, ereitaro fareōvi makuri leita Vita, Iesu Keriso ve haiforoe leita meru aea haiore voa asi roroava. Are voa sosorusosoru leitia, faitora soa voa aeata lōri lei pepe peava. Amene.