2 Petero 1:1 - Testamenta Áre 1983 (Toaripi PNG)

¹ Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

2 Petero 1:1 Iomraidhean Croise

Mataio 10:2

Lea aposetolo karu twelve ve rare rare meha: omopa Simona, Petero rare aravōpe lea vita, aea areve marehari Anderea, aea Iakobo Sebede aeata areve marehari Ioane,

Mataio 4:18

Are Galilea ve Sitoi ve miri voa orapa vovo terōpe soa, are paua ita marehari ita la ofae eavōpe, Simona, Petero rare aravōpe lea vita aea areve marehari Anderea ita, ereuka loko la toaiape, ipi ereuka ekaka tapora karu eavia.

Luka 1:47

Aea arave ove araro lei makuri leita Ualare voa hailareva rovaea la leipea.

Luka 11:49

Lōfeare vei Ualare areve haiovoro ita o mō ōpe, Ara peroveta karu aeata aposetolo karu ita la erero tai itapi, ere lea karu hea la paea, hea ta hasiavai roi.

Ioane 1:42

Are arero Iesu tai lariōvi, Iesu arero fofoisa mō ōpe, A Simona, Iona ve atute; a rare Kefasi la aravai roi. (Kefasi aea Petero ve eite farakeka, Raepa Fave.)

Ioane 12:26

Karu aea arave tivi karu leitita, a—, are araro aitetaia, aea ara peita lea oti voa, arave tivi karu ta peava roi. Karu aea arave tivi la leitita, a—, arave Oa sa arero maeati roi.

Ioane 20:21

Soka Iesu erero ata mō ōpe, E foforoe tairu ovaia. Oa sa araro itapōpe lōfeare ara ero ta itapai roi.

Aposetolo 15:14

Simona sa ereitaro o mei roroka loi, Ualare omopa soa voa toruipi hariaharia la haikaeōpe, are ere voa areve rare aravaita karu firu ta ovai vei.

Roma 1:1

Arao Paulo, Iesu Keriso ve ovi fasaita sarufa, Ualare sa araro haikaea isa ovōpe areve aposetolo lei mea, areve Ovoro Lareva la itoro ari vei.

Roma 1:12

Lea o ve eite meha, ereitave sukaerereaita haiiri sa, eve aeata arave, elore elore lei haihahari leiti vei.

Roma 1:17

Ipi lea Ovoro Lareva voa Ualare sa karu la lei haura leita mai la pisiri muia vovea, lea mai ve oarehōva aeata sisa etau sukaerereaita haiiri reha; usoso Safu Buka voa mōri uka siseita o feare, Sukaerereaita haiiri sa Ualare ita lei haura leita lea karu ere makuri leiti roi.

1 Korinito 1:30

Ualare sa ero Iesu Keriso voa lei makuri ero lei roroa, aea Keriso Iesu voa haiore aea haura aea taivotaita mai aea makuri leita siahu ita la ereitaro miōri la roroa.

1 Korinito 15:9

Ipi ara aposetolo karu foromai voa seika kofa vita, rare aposetolo la aravai vei ara usoso kofa kao, ipi ara Ualare ve ekalesia la hasiavaiape eavia.

1 Korinito 9:1

Ara pisirikao lei meita karu kao ei? Ara aposetolo karu kao ei? Ara ereitave Papuvita Iesu ofae eavai kao ei? E sa Papuvita voa pepeita lea ve eite arave tivi kao ei?

2 Korinito 4:13

Elave sukaerereaita haiiri are usoso Safu Buka voa uka siseita mea o feare, Ara au sukaererea vovo meiape, aea o lōri moipe, ela ta sukaererea aeata lea vei moi vovea.

2 Korinito 5:21

Are iri kaiae ore auke lei meiape, a—, ipi Ualare sa arero lei ereita vei iri kaiae karu leipe, lōfeare vei ereita are voa Ualare ita haura leiti veia.

Galatia 2:8

Ipi Ualare ve siahu sa araro lei ara toru hariaharia karu ve aposetolo leipe reha, usoso are sa Petero la lei Iuda karu ve aposetolo leipe lōfeare.

Efeso 3:5

Evera taotao asease voa karu sa lea etau la lei ore leiti vei miarai kasirau, a—, faitora Ualare are Arahoha sa areve safu aposetolo aea peroveta karu ita la lea etau muiai roroka.

Efeso 4:11

Are ta meru etau rauapo karu la aioraiape; karu hea la lei ere aposetolo karu leiti vei; hea ta peroveta karu leiti vei; hea ta Ovoro Lareva la itoro ari vei; hea ta ekalesia la kiva karu aea satiriaraita papukaru leiti vei.

Efeso 4:5

Papuvita are farakeka; sukaerereaita haiiri ta farakeka; bapatiso ta farakeka.

Filipi 1:1

Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 1:29

Ero miaraita maeaforoe ve meru meha, Keriso la sukaerereaita lea sa haria kasirau, a—, are vei hehea ta lei vovo roroai vei.

Filipi 3:9

are ita topiari totoeai vei. Ara faitora arave elore leitita haura, Safu Mai la kakeva leitita lea mai haura kasirau; a—, Keriso la sukaerereai voa foreraita lea mai sa haura, Ualare sa ereita sukaerereaita lea vei ereitaro miaraita lea mai haura.

2 Timoteo 1:5

Ara a okofa ita sukaerereaita lea mai ta haikaeai, lea sukaerereaita mai ave ueri Loisi voa aea ave lou Eunike voa evera leiape; aea ara ore lea mai faitora a voa ta la leipea.

Tito 1:1

Paulo, Ualare ve fasaita sarufa aea Iesu Keriso ve aposetolo sa itapaita karoro meha. Ualare araro lei aposetolo leipe, are sa haikaea maravaita karu ve sukaerereaita haiiri la toari, aea areve haikaeaita mai la lei foreraita lea okofa la ere voa lei fafarapi,

Tito 1:4

Mea karoro Tito veia, arave atute kofa ereita sa sukaerereaita lea haiiri farakeka voa: Oa Ualare aea Keriso Iesu ereitaro fareōvi makuri leita Vita sa haiforoe leita meru aea tairu ita aro miarai peava.

Tito 2:13

Ereita lea Sare lareva la la taipea, lea mea ereitave Ualare rovaekapo aea ereitaro fareōvi makuri leita Vita, Iesu Keriso ita ve sosorusosoru pisiri lei forerai roi.

Iakobo 1:1

Iakobo, Ualare aea Papuvita Iesu Keriso ve sarufa vita ve karoro meha; mearovaeka foromai voa fafarapi pepeita toruipi‐ipi twelve veia; e foforoe reha.

1 Petero 1:1

Petero, Iesu Keriso ve aposetolo ve karoro meha; toa fafarapi Ponito aea Galatia aea Kapadokia aea Asia aea Bitunia voa oti haria karu fefeare lei pepeita lea karu veia.

1 Petero 1:7

Lea hehea ve ipi eve sukaerereaita haiiri ve okofa la seseōvi ore leiti vei. Gold are veverapaita etau, a—, karu gold la a voa ea hohorea seseōvaitore, areve lareva la ore leiti vei. Eve sukaerereaita haiiri gold ve lareva la sapatai, aea eve lea sukaerereaita haiiri la a feare voa ea seseōvi roroka leita lea mea, Iesu Keriso sa areve elore maea la pisiri muiaita soa voa ero maeati roi, aeata e sosorusosoru aea fari lareva la lōri ovai roi.

1 Petero 2:7

Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

2 Petero 1:4

Lōfeare voa are areve otoare etau meta‐meta aeata lareva‐lareva la ereitaro miōri la roroa, lea otoare meru voa e mearovaeka voa leitita haikakare maealolo ve saroroapaita etau voa safauka, Ualare sa leita mai feare lei vovo roroai veia.

Iuda 1:1

Iuda, Iesu Keriso ve fasaita sarufa, Iakobo ve marehari, sa itapaita karoro meha; Oa Ualare sa haikakare lei, erero haikaea isa, aea Iesu Keriso sa kiva lei roroaita lea karu veia.