1 Petero 5:9 - Testamenta Áre 1983 (Toaripi PNG)

⁹ Ualare la rofo ita sukaerereaia aea Diabolo la sukavuteaia, ipi e ore mearovaeka voa pepeita eve lea paumarehari, ere ta eve hehea ita usoso lei vovo roroa vovea.

1 Petero 5:9 Iomraidhean Croise

Luka 22:32

A—, ara a vei loki leitita, a araro sukaerereaita haiiri ave iri voa levi kaleiti vei; a araro tai ata kerorita lea mea, ave maraiosu la haiiri rofo leiti vei kureaia.

Ioane 16:33

Ara mea etau etau ero la moipea ipi e tairu ara voa ovai vei. Mearovaeka voa e haisora ia, a—, hailareva leitia, ara mearovaeka la ovi aieri la mea.

Aposetolo 14:22

Ereuka Iesu la sukaerereaita karu ve haiiri la lei rofo lei, areve o voa pepei vei erero kurea mō ōpe, Ereita haisora leita etau rauapo ve aru voa rororaita, ereita Ualare ve basileia voa lōri oropai roi.

1 Korinito 10:13

Ero vutea e mai kaiae leiti vei lōfeare soasoa la karu foromai sa ore leititore. Ualare are okofa; are ero toari, eve rofo la lei usoso leiti vei, ero vuteaita soa voa kaiae sa ero ovi aierai ave; are ero vuteaita soa voa safaukaita otiharo la ero miōri, ero lei rofo leitita ore.

Efeso 4:27

Peita oti Diabolo la levi miaraia.

Efeso 6:16

Soa foromai voa sukaerereaita haiiri la, laua feare, mai sa ovaia e Maealolo Vita ve a ita saita farisa la lea laua sa sasauka futaita ore leiti roi.

Kolose 2:5

Ipi ara maea sa e voa ára‐ita peita, a—, eite ara arahoha ita e voa farehoria pea vovea, aea ara hailareva ipi ara e metakao soi popōvi, Keriso la lula auke ita sukaerereaita mai la ofae la eavaipea.

1 Tesalonika 3:3

e karu aea mea hasiavaita etau sa lei lulalula levi ari vei. Ipi e elore maea ore kofa lōfeare hasiavaita soasoa ereitave makuri lei vovo roroaita mai ve itai aeata reha.

1 Timoteo 6:12

Sukaerereaita haiiri ve mare lareva haukaia; peita makuri la ovaia, a lea makuri la ovai vei Ualare sa aro isōpe, a aruru karu rauapo ve soso voa ave haiiri ve tava o lareva la moipe lea mea.

2 Timoteo 3:12

Eite ereve haiiri Keriso Iesu voa Ualare sa haikaeaita mai la leiti vei lea karu, ere hasiavaita mai ta sukaeai roi.

2 Timoteo 4:7

Ara mare lareva hauka hauka roroka lei, ara arave loreape oita soa ta roroka loita meha; ara sukaerereaita mai la kakeva lei la mea.

Heberu 11:33

Ere sukaereaiape lea vei, ere basileia hariaharia la ovi aieri aieri, karu la seseōvi tava haura miōri miōri, otoare etau la maravi maravi, liona ve ape sasauka,

Heberu 12:8

Atutemori foromai la oa‐ita sa erero toa satiriarai vovea; ero ta lōfeare leiti auke leitit’ oria, e susumori merava, e atutemori kofa kao.

Iakobo 4:7

Lea vei, e Ualare la mapi kakeva lei vovo roroava, a—, Diabolo la sukavuteaia, aea are ero kiripi soeai roi.

1 Petero 1:6

Lea vei e hailareva rovaea leitia, eite e haisora leita etau hariaharia ve hehea mea soa harua voa lei vovo la roroa.

1 Petero 2:21

Ipi lōfeare leiti vei Ualare sa ero isaiape, ipi Keriso ta hehea e vei leipe, aea mai ero lōri muia satiriarōpe, e ta areve mora la tai terai vei.

1 Petero 3:14

A—, e sa leita mai haura vei karu ero hasiavait’ oria, a—, e lareva ia. Lea karu la tore levi leitia, aeata haikavora levi leitia.

1 Petero 4:13

A—, e Keriso sa leitita hehea are ita fareho leipeta lea vei hailareva leitia; aite voa areve sosorusosoru pisiri voa muiaita lea soa e hailareva foromai rovaea kofa leiti roi.

Apokalupo 1:9

Arao, Ioane, eve paua, aea Iesu sa ereitaro isaita lea haisora aea basileia aea au morarita mai voa eve maeapavora vita, firu aea rare Patamoso voa fasi peiape, ipi Ualare ve o vei, aea ipi ara o Iesu vei itoro ape lea vei.

Apokalupo 6:11

Soka puta maea‐sea erero farafarapo la miōri, aeata ere soa taheka aea ta haiorai vei o erero omoipe, pepepe ereve maeapavora sarufa karu aea ereve paumarehari ita la erero feare paeai vei leitita lea karu ve rauapo la paea paea kekese leiti ao.

Apokalupo 7:14

Lei, ara tava o mō ōpe, Karu lareva e, ore vita eapo a reha. Aea are araro mō ōpe, Haisora rovaea la kiripi foreraipeta karu ere meha, ereve maea puta la ere Mamoe Mere ve ovo voa mauka lei maea‐sea loita meha.