1 Petero 5:8 - Testamenta Áre 1983 (Toaripi PNG)

⁸ Haisukafori kaea, ovoako lei vovo roroava. Eve ote karu, Diabolo reha, huhururu oita liona feare, kerori kerori a’, are ore lei la’ haroavai vei leita lea karu la eli vovo la mea.

1 Petero 5:8 Iomraidhean Croise

Mataio 13:39

mere merava ere maealolo vita ve atutemori; erero tovuseōpe lea ote karu Diabolo reha; fare sarapaita soa mearovaeka ve kaleitita soa, aea fare sarapaita karu ere aneru.

Mataio 24:42

Lea vei, kiva leitia, ovoako leitia, ipi eve Papuvita forerai sare leasauka e lea la ore kasirau.

Mataio 25:41

Soka are areve mai ava voa pepeita lea karu la mō ari roi, Kaiae rare arita karu e, araro kiripi, Diabolo aea areve aneru ita vei kekese lei sasoita a voa teraia.

Mataio 4:1

Aite Safu Arahoha Iesu la furuka merava voa lariōvi kavōpe, Diabolo sa arero kaiae leiti vei kureai vei.

Mataio 4:11

Soka Diabolo arero kiripōpe reha. Aneru hea foreri arero toari pepeiape.

Mareko 4:15

Tovusea, otiharo voa sisapi siseiape mere ve eite karu, ere ovoro la mapaita lea mea, Satani utohoa foreri ereve iri voa tovuseaita lea ovoro la fareovaitore.

Luka 21:34

A—, e kiva kofa leitia, larietau rauapo aeata maeakakare leita ma la la’ la’, mea makuri ve haikavora leita etau ita sa eve haiiri la ovi aieri, lea sare ero tai hōvakao forerai ave.

Luka 21:36

Lea vei ovoako leitia, aea loki taupaia, e rofo lei mea forerai vei leita etau foromai la safaukai vei, aeata e Karu ve Atute ve omopa voa soi pavai vei.

Luka 22:31

Simona e, Simona e, mapaia, Satani are siahu ovai ero foromai la usoso uiti feare totoa seseōvai vei.

Ioane 8:44

E eve oa Diabolo voa foreraita atutemori, aea e eve oa sa haikaeaita mai la e haihahari ita lei vovea. Oarehōva soa voa itiiti faitora karu la paeaita vita are reha, aea are okofa voa pei sore, ipi okofa areve iri voa eaei sore. Are o apeva la arita, areve omoita mai kofa reha; ipi are apeva vita kofa, aea apeva foromai ve oa.

2 Korinito 2:11

Satani sa ereitaro ovi aierai ave; ipi ereita areve maeahahauhahau ore fae.

Efeso 4:27

Peita oti Diabolo la levi miaraia.

Efeso 6:11

E Ualare ve marehaukaita etau foromai la maravi eve maea voa mopaia, e Diabolo ve maeahahauhahau la sukavutea soi popōvai vei.

1 Timoteo 2:15

Eite, uamori sukaerereaita haiiri aea haikakare ita safu mai voa haisukafori lei vovo roroaita, a—, ere atutemori la epi epi erero ta fareōvi makuri lōri leiti roi.

1 Timoteo 2:9

Haikaeaita mai aeata meha, uamori areve maea la puta maeamarōva auke ita haisukafori mopaia, a—, tui pete toa, aea gold ita isave fare moupa ita, aea tava rovaea puta ita la mopi levi kokorukaia.

1 Timoteo 3:11

Uamori diakono ta lōfeare, ere haiiri sora uamori, ape meimei arita uamori kao, a—, haisukafori roroaita uamori, etau foromai voa mai kofa leita uamori.

1 Timoteo 3:2

Soka ekalesia la lariōvaita vita, are kaiae auke ita meita lareva reha; are ta ua farakeka ve vita, aeata haisukafori meita karu, haiore karu mai kofa la lei meita karu, karu la sasauka maeafukapaita karu, karu la satiriarai ore kofa leita karu.

2 Timoteo 4:17

A—, Papuvita araro tai pōvi araro lei rofo leitita, ara Ovoro Lareva foromai la itoro aria reha, toru hariaharia karu foromai sa mapai vei. Araro liona ve ape voa fareōvi makuri lei laipea.

Tito 1:8

A—, are karu la sasauka maeafukapaita karu, mai lareva la haikakare araita karu, haiiri metakao seseōvaita karu, areve leita mai haura, are Ualare la taivotaita karu, aeata haisukafori meita karu.

Tito 2:12

aea ereitaro mōfeare satiriarai vei, ereita Ualare auke lei roroaita mai aea mea mearovaeka sa haikaeaita haiiri la haiarara lei mutapi, ereita mea mearovaeka voa haisukafori, haura mai ita aea Ualare la taivotaita mai ita lei vovo roroai vei.

Tito 2:2

Opasora‐sora heavita la o mei ere haiovoro lei, haiiri sora aeata haisukafori leiti vei, ere sukaerereaita haiiri voa aea haikakare voa aea lula auke haiiri kere voa haiiri rofo ita roroai vei.

Tito 2:4

Ere uamori áre áre la lōri satiriōri ereve vita heaea aea ereve atutemori ita la haikakare arai vei;

Tito 2:6

Heavita áre áre ta lōfeare kureaia, ere haisukafori roroai vei.

Iakobo 4:7

Lea vei, e Ualare la mapi kakeva lei vovo roroava, a—, Diabolo la sukavuteaia, aea are ero kiripi soeai roi.

1 Petero 1:13

Lea vei eve haiiri ovoako lei, haisukafori roroava, aea Iesu Keriso areve elore maea la pisiri muiaita soa voa e sa ovai vei leipeta lea haiforoe leita meru la eve haiiri foromai ita au tai vovo roroava.

1 Petero 4:7

Soka etau foromai la soa sarapaita soa haekao forerai vei la leipea; lea vei haisukafori kaeaia, ovoako lei, Ualare la loki lei vovo roroava.

Apokalupo 12:10

Lea mea ara i‐ape rovaea kauri voa mō isōpe la mapōpe, Faitora ereitave Ualare ve makuri leita soa aea areve siahu aea areve basileia, aea areve lea Keriso ve harofave soa foreraita meha; ipi ereitave Ualare ve omopa voa sare ita faita ita ereitave paumarehari la havara paraea vovo meita lea vita la ipi voa toapi faukaita meha.

Apokalupo 12:12

Kauri foromai e, aea lōvoa pepeita karu e, hailareva leitia! A—, mearovaeka vei aea makaikara vei, ahai‐e! Ipi diabolo kitou rovaea ita ero tai fauka foreraita meha, ipi are ore areve soa harua loi.

Apokalupo 12:9

Soka lea eli rovaea, evera soa voa peiape lea ikaroa, Diabolo aeata Satani rare la aravōpe, mearovaeka foromai la apeva sa vuteaita lea vita la mearovaeka voa toapi faukōpe, aea areve aneru ta are ita farehoria toapi fafukōpe.

Apokalupo 20:10

Aea erero apeva vuteaiape lea Diabolo la sarita a aeata solifara ita ve sitoi voa toapōpe, animala ivara eokere aea lea apeva peroveta karu ita la omopa toapōpe lea sitoi voa. Lōvoa ere sare ita faita ita hehea lei vovo roroava roi.

Apokalupo 20:2

Are lea eli, evera soa voa peiape lea ikaroa, Diabolo aeata Satani rare la aravōpe lea eli la sukafori, arero sisoro 1,000 voa eaei vei fasōpe.