1 Petero 5:5 - Testamenta Áre 1983 (Toaripi PNG)

⁵ Lōfeare mai ita, heavita áre áre e, opasora‐sora karu la kakeva lei vovo roroava. E karu foromai eve maea la haiiri‐ipi vei mate si ve maea ovi aravaia, e elore elore toarai vei; ipi Safu Buka ve o meha: Ualare maeamarōva karu la sukavutea vovea, a—, are haiforoe leita meru haiiri‐ipi karu la miara vovea.

1 Petero 5:5 Iomraidhean Croise

Luka 22:26

A—, e voa lōfeare levi leitia; a—, e voa rovaeka kofa vita karu áre usoso aitehahaera feare leitia, aea harofave vita ta tivi leita sarufa feare leitia.

Roma 12:10

E elore elore usoso paumarehari feare haikakare lei vovo roroava; aea karu haria ve fari la lei moravai haikaeaia.

Roma 13:14

A—, e Papuvita Iesu Keriso puta feare mopaia, maeasarōva sa haikaeaita lea etau vei hai levi kaeaia.

Efeso 5:21

E Keriso la taivotaita lea vei, e elore elore kakeva lei pepeava.

Filipi 2:3

E etau farakeka aea la faeafaea oita haiiri ita ō eite auke maeamarōva ita levi leitia; a—, e elore elore haiiri‐ipi lei, eve maeapavora karu sa eve lareva la sapataita lōfeare haiiri la ovaia.

Kolose 3:12

E Ualare ve karu; are ero haikakare lei areve elore vei ero haikaea maravōpe. Lea vei e mōfeare mai la puta feare mopaia: maeaforoe leita haiiri, haimafu, haiiri‐ipi, foroe hai, aeata mea savori kitou auke roroaita haiiri ta reha.

1 Timoteo 5:1

Omopa sora karu la o kere levi moia, a—, arero oa feare kureaia. Aite karu la usoso maraiosu fefeare leitia,

Heberu 13:17

Ero kiva leita harofave karu la mapi, aea ereve o la kakeva lei vovo roroava. Ere haiorai auke ita eve ove la kiva lei vovea, ipi ere aite soa ereve tivi ve fari Ualare la omoi roi. E sa erero mapi kakeva leitit’ oria, ere ta ereve tivi hailareva ita leiti roi; a—, lōfeare auke leitit’ oria, ere haieae ita leiti roi, aeata lōfeare mai sa ero levi toarai roi.

Iakobo 4:6

A—, are haiforoe leita meru rovaea maea aea ta topiari miara vovea. Usoso Safu Buka voa uka siseita mea o fefeare, Ualare maeamarōva karu la sukavutea vovea, a—, are haiforoe leita meru haiiri‐ipi karu la miara vovea.

1 Petero 3:8

Soka sisa o meha: e karu foromai haiiri farakeka ita lei vovo roroava; e elore elore maeaforoe lei, elore elore paumarehari feare lei, haimafu ita haiiri‐ipi ita, haikakare arai peava.

1 Petero 4:1

Soka ipi Keriso hehea sarōva voa leipe lea vei, e ta haiiri seseōvi are ita usoso lei, eve haiiri rofo leitia. Ipi maeasarōva voa hehea leitita lea karu are mai kaiae la kiripaita reha.

1 Petero 4:5

A—, ere makuri karu aea opai karu ita la seseōvi tava miōri kekese leita Ualare ve soso voa vavavai vei forera popōvai roi.