1 Petero 5:3 - Testamenta Áre 1983 (Toaripi PNG)

³ e sa erero kiva leiti vei miaraita lea karu voa papukaru mai feare levi leitia, a—, mai lareva la erero muiaia, ere ta lōri leiti vei.

1 Petero 5:3 Iomraidhean Croise

Ioane 13:15

Ipi ara sa loita lea mai ero satiriaraita meha, ara sa ero loita lea mai e ta lōri leiti vei.

Aposetolo 20:28

E eve haria mai la kiva lei vovo roroava, aea Safu Arahoha Lareva sa e kiva leiti vei miarōpe lea momoe sitavu ta reha. Ualare ve ekalesia la mamoe kiva karu feare savuaia, areve elore ovo la tava vei miarōpe lea ekalesia.

1 Korinito 11:11

Etau farakeka ereita Papuvita voa roroaita mai voa, ua are elore maea haria kasirau, avita ita farehoria, aea vita ita elore maea haria kasirau, a—, ua ita farehoria.

1 Korinito 3:5

Soka Apolosi eite leisa? aea Paulo eite leisa? Toaraita tivi karu reha, e sa ereuka vei sukaerereaipe lea karu oraka; Papuvita sa ereukaro miarōpe tivi farafarapo la leiape lōfefeare.

1 Korinito 3:9

Ipi ela Ualare ita fareho tivi leita karu, aea e Ualare sa poraita oti. E ta Ualare sa turaita uvi.

2 Korinito 1:24

Ela eve sukaerereaita haiiri ve papukoru kasirau; a—, ela e ita fareho tivi leititore, ero lei hailareva leiti vei; ipi e sukaererea kere lōri soi popōvai vei.

2 Korinito 4:5

Ipi elave itoro ve eite elore maea ve kao, a—, Iesu Keriso are Papuvita, aea ela Iesu voa eve tivi karu lei roroa.

Filipi 3:17

Paumarehari e, e farehoria arave leita mai la ruruiaia, aea elave mai feare lei vovo roroaita karu la ofae fofoisaia.

Filipi 4:9

E ara voa satiriōri aea maravi aea mapi mapi aeata ofae eavaiape lea etau la leitia; lōfeare voa tairu ve Ualare e ita farehoria lei peava roi.

1 Tesalonika 1:7

Lōfeare vei sukaerereaita karu foromai Makedonia voa aea Akaia voa eve leita lea mai la maea ruruiaita lareva reha.

2 Tesalonika 3:9

Eite ela siahu ia karu la lalasi lei elaro savuai vei; a—, ela lōfeare leiti kao ipi mai lareva ero muiai vei, e ta lōfeare mai leiti vei.

1 Timoteo 4:12

Karu farakeka aea aro heavita áre o a’, haiarara levi leitia. A—, o voa aeata leita mai voa aea haikakare voa, aea sukaerereaita haiiri voa aea ovava mai voa, meita mai kofa la a sa erero muia ere ta lōri leiti vei.

Tito 2:7

Ave elore leita mai voa lareva la muiaia, ere ta lōri leiti vei; ave satiriaraita o voa o kaiae auke ita, haiiri sora ita muiaia.

1 Petero 2:9

A—, e Ualare sa haikaea ovōpe toruipi karu, king voa forerōpe maso tivi karu, safu toruipi karu, Ualare ve karu kofa; ero haikaea ovōpe e murumuru kiripi, areve haihava leita ovava voa lei foreraia lea Ualare, are sa soa haria leita lea mai la e itoro ari vei.