1 Petero 5:2 - Testamenta Áre 1983 (Toaripi PNG)

² E voa roroaita Ualare ve mamoe sitavu la kiva lei vovo roroava, Ualare sa haikaeaita lōfeare; haiarara ita voa kao, a—, haiiri kakeva kofa ita voa; tava ovai vei kasirau, a—, ipi eve haiiri sa kaeaita lea vei;

1 Petero 5:2 Iomraidhean Croise

Luka 12:32

Mamoe firu seika e, tore levi leitia! ipi eve Oa sa haikaeaita haiiri basileia la ero miarai vei.

Aposetolo 20:29

Ara ore ara maea lei teraita soa ve aite voa, furuka ave ivara eokere eve aru voa forerai roi, aea ere mamoe la maeaforoe levi leiti roi.

Aposetolo 21:13

A—, are tava o mō ōpe, E fi a’ arave haiiri la lei tofai vei leipeta ipi levea? Ipi ara haiiri kekese loi, Papuvita Iesu ve rare vei fasai vei lea haria kao, a—, Ierusalema voa opaita ta reha.

Roma 1:15

Lea vei ara haiiri rovaea ia, e Roma voa pepeita karu ve omopa voa Ovoro Lareva ta itoro ari vei.

1 Korinito 9:7

Maola vei teraita, areve elore maea tava la miaraita karu leisa? Vine oti la poraita aea areve fare la lari auke leitita karu leisa? Mamoe sitavu la kiva lei, kō‐opu la lari auke leitita karu leisa?

1 Timoteo 3:3

Are ma maealolo la’ la’ maeakakare leita karu kao, are sosori muru karu kao, a—, haimafu ita aea totoeaita la haikaea vo meita karu. Are moni la haikakare araita karu kao.

1 Timoteo 3:8

Diakono ta lōfeare: ere ta haiiri sora karu, uri lakalaka karu kao; ma maealolo rauapo la loloita karu kao; moni la haikakare ita meita karu kao.

Tito 1:11

Erero lei ere ape sasaukai vei; ipi ere tava moni la ovai vei satiriarai vei usoso auke leita lea etau la satiriōri, maiape karu hea ve haiiri la lei la lavukakaeaipea.

Tito 1:7

Ipi ekalesia la lariōvaita karu rovaea are Ualare ve tivi la kiva leita karu, aea are kaiae auke ita meita lōfeare sa lareva. Are ivara eokere karu kao, heohea leita karu kao, ma maealolo la la’ la’ maeakakare leita karu kao, sosori muru karu kao, aea moni la haikakare araita karu kao.

Tito 2:14

Are areve maea la ereita vei miarōpe, kaiae foromai voa ereitaro fari maravi, lei ovava lei, ereitaro lei areve elore karu kofa lei roroai vei, ereita haihahari ita mai lareva la leiti vei.

Tito 3:1

Karu la lei haikaeaia, ere karikara papukaru aea gavana ve siahu karu ita la mapi kakeva leiti vei, aeata kekese ita popōvi tivi lareva foromai la leiti vei.

Filemona 1:14

A—, ara ave haiiri ore auke ita etau aea la levi leiti roi, ipi ave maeaforoe vei haisa moita feare levi leiti vei, a—, ave elore haiiri sa haikaeaita eavia.

Heberu 12:15

E kiva metakao leitia, eve karu aea Ualare ve haiforoe leita meru la ovai vei mai muia harua leiti ave. Lōri leitit’ oria, haiiri eokere ve likilea ve haiauru e voa foreri, eve karu rauapo la lei maealolo leiti ave.

2 Petero 2:3

Ere sa etau rauapo maravai vei haikakare araita voa, ere o apeva sa ero kurea eve haiiri la lari roi; a—, erero seseōvi ere vei everori ōpe kaiae tava lekaleka levi leiti roi, aea erero saroroapaita soa ivutu auke ita la eaea.