1 Petero 5:1 - Testamenta Áre 1983 (Toaripi PNG)

¹ Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

1 Petero 5:1 Iomraidhean Croise

Luka 24:48

Lea etau la ore lei o kofa moita karu e reha.

Aposetolo 1:22

soa Ioane sa arero bapatiso leipe soa itiiti arero ereita voa fareōvi pataia lea sare voa.

Aposetolo 1:8

A—, Arahoha Lareva sa ero tai foreraita lea mea e siahu ovi, aea e ara vei vavavi itoro ari roi, Ierusalema voa aeata Iudea, Samaria ita ve soa foromai voa, aeata tetetete mearovaeka ve itua‐tao itua‐tao voa.

Aposetolo 11:30

Ere lōri lei lei, ereve moni kekese lei ovi Banabasi auka Saulo ita ve mai voa miōri itapōpe, ekalesia opasora‐sora la miarai vei.

Aposetolo 14:23

Soka ereuka ekalesia karu firu farafarapo voa opasora‐sora vipi kekese lei, Ualare la loki o ita, larietau avoha leita soa ita, erero ere sukaerereaita lea Papuvita ve mai voa lōri miavōpe.

Aposetolo 15:4

Ere Ierusalema voa forerōpe lea mea, ekalesia karu aea aposetolo aea opasora‐sora karu ita erero maeafukapōpe, Soka ere Ualare sa ereuka ita leiape lea etau foromai la omoipe.

Aposetolo 15:6

Soka aposetolo karu aea opasora‐sora karu ita lea o la seseōvai vei kokorukōpe.

Aposetolo 2:32

Mea Iesu la Ualare sa opai voa lei itoia meha; lea etau vei ore lei vavavaita karu ela foromai meha.

Aposetolo 20:17

Paulo Mileto voa pōvi, are Efeso voa meu karu itapi, ekalesia ve opasorasora la arero tai koti vei isōpe.

Aposetolo 20:28

E eve haria mai la kiva lei vovo roroava, aea Safu Arahoha Lareva sa e kiva leiti vei miarōpe lea momoe sitavu ta reha. Ualare ve ekalesia la mamoe kiva karu feare savuaia, areve elore ovo la tava vei miarōpe lea ekalesia.

Aposetolo 21:18

Lea aite sare voa Paulo ela ita Iakobo tai te oropōpe, ekalesia opasora‐sora karu foromai ta lōvoa kokoruka aipepeiape.

Aposetolo 3:15

E makuri voa lariōvaita vita kofa, Ualare sa opai voa moravaia lea vita la lei paeaita; lea etau la ore lei okofa moita karu ela la roroa meha.

2 Korinito 5:1

Ipi ereita ore, ereitave harotōvu, mea mearovaeka ve maea la fareovaita lea mea, Ualare are kofa sa pisosita uvi aeata ia ereita vei, peita uvi reha kauri voa.

2 Korinito 5:8

Ela haiiri rofo lei vovea, a—, elave haiiri rovaea elave mea maea la kiripi te Papuvita ita pavai vei.

Filipi 1:19

ipi ara ore mea etau voa araro lei paraea ara makuri leita soa la ovai roi, eve loki o vei aea ipi Iesu Keriso ve Arahoha sa araro toaraita eavia.

1 Timoteo 5:1

Omopa sora karu la o kere levi moia, a—, arero oa feare kureaia. Aite karu la usoso maraiosu fefeare leitia,

1 Timoteo 5:19

Okofa la ore lei moita karu orakoria ō oroisoria auke leitita, a—, omopa sora karu la paraeaita lea havara la levi mapaia.

2 Timoteo 4:8

Faitora haura leita mai vei topaita lea kekeva la ara vei kekese lei la eaea; Papuvita, seseōvaita Vita haura sa lea kekeva lea Sare kofa voa araro miōri topai roi; aea araro haria kasirau, a—, are sa foreraita soa la haikakare lei tai vovo roroaita lea karu foromai vei ta reha.

Tito 1:5

Ara aro Kerete voa kiripōpe ve ipi meha: a roroka auke etau la lei haura leiti vei, aea usoso ara aro moipe o feare opasora‐sora tivi karu la karikara haroharo foromai voa lei vipai vei.

Filemona 1:9

a—, ipi ave lea haikakare vei, ara aro loki la leipea. Eite arao, Paulo, oasora, aea faitora Keriso Iesu vei dibura lei meita,

Heberu 12:1

Soka ereitaro ore lei fofoisaita karu sitavu mea‐e rovaeka feare, ereitaro eakoa toepi lei vovo roroaita lea vei, ereita ereitaro pasou leita lea etau foromai la, aea ereitaro pasaea fasaita lea iri kaiae la felaukea mutapi, aea ereitave omopa voa vipi muiaita lea loreape soa voa haiiri kere ita oroaia.

1 Petero 1:12

Ualare lea peroveta karu la lei ore leiape, ere omoiape lea o ve eite ereve elore lareva vei kasirau, a—, e vei. Kauri voa itapōpe Safu Arahoha sa lei Ovoro Lareva ero itoro ape lea karu ve ape voa e faitora lea o ve eite la mapi ore lei la roroa meha. Eite aneru ere lea etau la ofae eovi ore leiti vei haikaeai rovaea kofa.

1 Petero 1:7

Lea hehea ve ipi eve sukaerereaita haiiri ve okofa la seseōvi ore leiti vei. Gold are veverapaita etau, a—, karu gold la a voa ea hohorea seseōvaitore, areve lareva la ore leiti vei. Eve sukaerereaita haiiri gold ve lareva la sapatai, aea eve lea sukaerereaita haiiri la a feare voa ea seseōvi roroka leita lea mea, Iesu Keriso sa areve elore maea la pisiri muiaita soa voa ero maeati roi, aeata e sosorusosoru aea fari lareva la lōri ovai roi.

1 Petero 4:13

A—, e Keriso sa leitita hehea are ita fareho leipeta lea vei hailareva leitia; aite voa areve sosorusosoru pisiri voa muiaita lea soa e hailareva foromai rovaea kofa leiti roi.

1 Petero 5:4

Mamoe kiva harofave Vita la lei pisiri voa muiaita lea mea, e fefeopai auke leita makuri ve kekeva la ovai roi.

1 Ioane 3:2

Haikakare leita paumarehari e, ereita faitora Ualare ve atutemori, a—, ereita aite mai leafeare roroava roi, lea etau ereita haiiri ovava leitia kao. Ereita mea la haria ore, Keriso sa pisiri lei foreraita soa, ereita areve soso feare leiti roi, ipi ereita areve soso kofa la ofae eavai roi.

2 Ioane 1:1

Ara ekalesia opasora vita sa itapaita karoro meha, Ualare sa haikaea ovaita uasora‐apo aeata areve atutemori ita veia. Ara aro okofa ita haikakare lei meitore, aea ara haria kasirau, a—, ovoro okofa la ore leitita lea karu foromai ta reha,

3 Ioane 1:1

Ara ekalesia opasora vita sa itapaita karoro meha, haikakare leita Gaio veia, ara okofa ita aro haikakare leititore.

Apokalupo 1:9

Arao, Ioane, eve paua, aea Iesu sa ereitaro isaita lea haisora aea basileia aea au morarita mai voa eve maeapavora vita, firu aea rare Patamoso voa fasi peiape, ipi Ualare ve o vei, aea ipi ara o Iesu vei itoro ape lea vei.