1 Petero 4:8 - Testamenta Áre 1983 (Toaripi PNG)

⁸ Etau rovaea kofa meha: e elore elore haihahari ita haikakare araia, ipi haikakare sa iri kaiae rauapo la aieraitore.

1 Petero 4:8 Iomraidhean Croise

1 Korinito 13:1

Ara karu ve uri, aeata aneru ve uri voa laua sukavaita, a—, haikakare leiti auke leitita, a—, ara toa tutururu oita auri feare, aea kakafare arita kopa loita reha.

1 Korinito 13:4

Haikakare kitou auke haiiri ita mea savori lei vovea, maeaforoe lei vovea; haikakare hilisi leiti sore; areve elore maea vei hiva ari sore, maeamarōva ta leiti sore;

Kolose 3:14

A—, lea etau foromai ve arori voa haikakare ta puta feare mopaia; lea leita mai foromai la toepi lei farakeka leita etau are reha.

1 Tesalonika 3:12

Papuvita sa ero lei, e elore elore vei aea karu foromai ita vei eve haikakare la lei asi rovaea leitia, usoso ela sa ero haikakare leitita feare.

2 Tesalonika 1:3

Paumarehari e, ela soa foromai Ualare la maeati vovea ipi e vei. Lōfeare leiti vei haura ia, ipi eve sukaerereaita haiiri topiari rovaea la leipea, aea e elore elore haikakare ta e foromai voa la fafarapaipea.

1 Timoteo 1:5

A—, arave haisa moita lea o ve eite haikakare reha, sirisiri auke haiiri aea seseōvaita haiiri haura aea sukaerereai kofa leita haiiri ita sa lei foreraita lea haikakare.

Heberu 13:1

Eve ekalesia paumarehari la haikakare lei vovo roroava.

Iakobo 5:12

A—, arave paumarehari e, etau rovaea meha: e otoare arita lea mea, okofa lei ari vei moita o farakeka ita levi topiari moia; kauri ō mearovaeka ō etau aea ve rare ita otoare levi aria. A—, eve a o ve eite a, aea eve kao o ve eite kao; lōfeare voa Ualare ero seseōvi kaiae o ero levi ari roi.

Iakobo 5:20

a—, mea etau lea karu la lei ore leitia, iri kaiae leita karu la lei areve leita mai kaiae la kiripi, ata lariōvi kotita lea karu, areve elore ove la opai voa fareōvi makuri leiti roi, aea iri kaiae rauapo ta aierai roi.

1 Petero 1:22

E faitora okofa la kakeva lei, eve ove la lei ovava lei, aea harapaharapa auke ita elore elore haikakare leitita lea vei, liri ita toto ita a’ elore elore haikakare araia.

3 Ioane 1:2

Haikakare leita marehari e, ara haikaeai rovaea etau foromai voa a lareva ita mei vei, aeata a maea lareva lei eka auke ita mei vei, usoso ave ove sa lareva ita peita lōfeare.