1 Petero 4:5 - Testamenta Áre 1983 (Toaripi PNG)

⁵ A—, ere makuri karu aea opai karu ita la seseōvi tava miōri kekese leita Ualare ve soso voa vavavai vei forera popōvai roi.

1 Petero 4:5 Iomraidhean Croise

Mataio 12:36

Ara ero omoi, karu sa omoita lea o merava foromai vei, ere seseōvi tava miaraita sare voa lea o ve eite seseōvi tava ovai roi.

Luka 16:2

Soka are arero isa mō ōpe, Ara a vei mapaia mea fari larelekōru? A sa kiva leita tivi ve o uka kekese leitia, ipi a etauroro la kiva leita tivi aite mai ta levi leiti roi.

Aposetolo 10:42

Ualare sa omoipe vita are reha, are sa makuri karu aea opai karu ita ve mai la seseōvi tava miarai vei, aea lea o la karu la itoro a’ okofa omoi vei are elaro haisa itapi la roroa meha.

Aposetolo 17:31

Ipi are sare farakeka mei kekese lei la eaea, lea sare voa are omoipe lea vita sa mearovaeka karu la mai haura ita seseōvai tava miarai roi. Are lea vita la opai voa moravōpe lea vei, are seseōvi tava miaraita soa lōfeare lei karu foromai la horahora auke ita muiaita reha.

Roma 14:9

Ipi Keriso mea vei opōpe aea ata makuri leipe, are sa opōpe karu ve, aea makuri leita karu ve Papuvita leiti vei.

2 Timoteo 4:1

Ualare ve soso voa aea Keriso Iesu ve soso voa, makuri karu aea opai karu ita la seseōvi tava miaraita lea Vita, aea are forerai vei leipeta aea are basileia harofave Vita leiti vei leipeta lea vei, ara aro kureai a mai mōfeare leiti vei,

Iakobo 5:9

Paumarehari e, o ruruku elore elore levi aria; lōfeare Ualare ta seseōvi tava ero levi miarai roi. Mapaia, seseōvi tava miaraita Papuvita utape voa soi laipea.