1 Petero 4:19 - Testamenta Áre 1983 (Toaripi PNG)

¹⁹ Lea vei Ualare ve haiiri ita voa, hehea leitita lea karu ere ereve leita mai haura lōri lei, ereve ove la erero pisosi aea okofa leitita lea Ualare la miōri are sa kiva leiti vei.

1 Petero 4:19 Iomraidhean Croise

Luka 23:46

Lea mea Iesu i rovaea mō isōpe, Oa e, ara arave ove ave mai voa miavaita meha. Are lea o mei opōpe.

Aposetolo 7:59

Soka ere Setefana la toaiape lea mea are i mō isōpe, Papuvita Iesu e, arave ove la ovaia.

Roma 2:7

Karu hea haiiri lula auke ita mai lareva lei lei, Ualare voa sosorusosoru aea marase o aea peita makuri la eli vovea; lōfefeare karu la Ualare sa peita makuri miarai roi.

2 Timoteo 1:12

Lōfeare vei ara mea etau voa hehea ia, a—, eite ara maea karōva la leipea, ipi ara sa sukaerereaita lea Vita la ara ore, aeata ara ore kofa, ara areve mai voa miarōpe lea etau la are kiva leitita ore tetete lea Sare sa foreraita soa.

1 Petero 2:15

Ipi Ualare sa haikaeaita haiiri meha, eve leita mai lareva sa maeakakare karu ve haiivavu o la lei poetapai vei.

1 Petero 3:17

Ipi Ualare sa haikaeaita, a—, e mai haura leitita lea vei karu sa ero hasiavait’ oria, lōfeare voa e lareva ia; a—, mai kaiae ve tava vei hehea leitit’ oria, lōfeare lareva kao.

1 Petero 3:20

Lea ove sa ere evera soa Ualare la kaeava ape, Noa vavaea la pisosiape lea mea, aea Ualare erero au morari taiape. Lea vavaea voa karu fafareso, ere eight haria, ma voa erero fareōvi lei makuri leipe.