1 Petero 4:18 - Testamenta Áre 1983 (Toaripi PNG)

¹⁸ Mai haura leitita karu makuri ovai vei heafo leitit’ oria, Ualare la taivotai auke lei kaiae leita lea karu leafeare leiti roi ei?

1 Petero 4:18 Iomraidhean Croise

Luka 15:1

Soka takis fareovaita karu aea iri kaiae leita karu foromai areve o la mapai vei arero heōhea roroaiape.

Luka 23:31

Ipi ere mōfeare mai tola ve makuri soa voa leitita, a—, ere tola hahoro soa voa lekōru la leiti roi?

Aposetolo 14:22

Ereuka Iesu la sukaerereaita karu ve haiiri la lei rofo lei, areve o voa pepei vei erero kurea mō ōpe, Ereita haisora leita etau rauapo ve aru voa rororaita, ereita Ualare ve basileia voa lōri oropai roi.

Aposetolo 27:24

Paulo e, tore levi leitia; a Kaisara ve omopa voa foreri pavai roi; aea mapaia, Ualare aro maeaforoe leitita lea vei, are a ita farehoria sariva leipeta mea karu foromai ve makuri ta kiva leiti roi.

Aposetolo 27:31

A—, Paulo maola kapena vita aea maola karu ita la mō ōpe, Lea karu sa vavaea voa pavai auke leitita, a—, ero lei makuri levi leiti roi.

Roma 1:18

Ualare ve kitou kauri voa fauka pisiri muia vovea, karu sa leita kaiae aea Ualare la sukavuteaita lea mai foromai vei. Ere ereve kaiae sa okofa la sasauka vovea.

Roma 5:6

Ereita rofo auke leiape lea soa kofa voa, Keriso sa Ualare la sukavuteaita lea karu vei opōpe.

Roma 5:8

A—, Ualare are ereitaro haikakare rovaea la mōfeare muia, ereita kaiae lei vovo roroaiape lea soa kofa voa Keriso ereita vei opōpe.

1 Korinito 10:12

Lōfeare vei areve haiiri sa seseōvi are soi kere peipeta lea karu kiva leitia, are putoi ave.

1 Timoteo 1:9

Lea ve eite, safu mai ve ipi haura karu vei kasirau, a—, safu miroapaita karu, aea kaeava karu vei, Ualare la tore auke lei kaiae lei roroaita karu vei, mai maealolo karu vei, safu haveva karu vei, oa‐ita aea lou‐ita la paeaita karu vei, karu la paeaita karu vei,

Heberu 4:1

Soka areve haioraita oti voa oropai vei arita lea otoare Ualare sa ereitaro ta ō vovea. A—, ereitave tore meha, e karu hea lōvoa forerai auke leiti ave.

Iakobo 5:6

E haura karu la seseōvi kaiae o a’ paea ōpe, ere tava ivara lei ero sukavuteai sore.

1 Petero 5:8

Haisukafori kaea, ovoako lei vovo roroava. Eve ote karu, Diabolo reha, huhururu oita liona feare, kerori kerori a’, are ore lei la’ haroavai vei leita lea karu la eli vovo la mea.

2 Petero 3:7

A—, mea faitora siseipeta kauri mearovaeka ita Ualare ve o sa kiva lei laisisea, a sa sa’ haroavi kaleiti vei seseōvi tava miaraita sare voa, Ualare la taivotai auke lei roroaita karu la saroroapaita lea soa voa.

Iuda 1:15

karu foromai la seseōvi tava miarai vei, aea Ualare la taivotai auke leita lea karu la kaiae o ari vei, ere Ualare la sukavuteaita lea mai foromai vei, aea ere sa Ualare la arita lea o ivara eokere foromai vei.