1 Petero 4:13 - Testamenta Áre 1983 (Toaripi PNG)

¹³ A—, e Keriso sa leitita hehea are ita fareho leipeta lea vei hailareva leitia; aite voa areve sosorusosoru pisiri voa muiaita lea soa e hailareva foromai rovaea kofa leiti roi.

1 Petero 4:13 Iomraidhean Croise

Mataio 16:27

Ipi Karu ve Atute areve Oa ve sosorusosoru areve aneru ita fareho koti vei la roi, aea lea soa are usoso ere lei roroaita lea mai vei lōfeare ve tava karu foromai la elore elore miarai roi.

Mataio 25:21

Areve papuvita arero mō ōpe, Lareva kofa reha, tivi haura leita sarufa lareva e; a etau fafareso voa mai haura lei vovea, ara aro etau rauapo ve tivi harofave vita leiti roi; ave papuvita ve hailareva leita soa voa oropaia.

Mataio 25:23

Areve papuvita arero ta mō ōpe, Lareva kofa reha, tivi haura leita sarufa lareva e, a etau fafareso voa mai haura lei vovea, ara aro etau rauapo ve tivi harofave vita ta leiti roi; ave papuvita ve hailareva leita soa voa oropaia.

Mataio 25:31

Karu ve Atute areve sosorusosoru ita, areve aneru foromai are ita farehoria foreraita lea mea, are areve sosorusosoru ve terona voa avi,

Mataio 25:34

Soka King areve mai toare voa pepeita karu la mō ari roi, Kotiria, arave Oa sa lei lareva leita karu e, mearovaeka la pisosipe soa voa e vei kekese leita basileia la ovaia.

Mataio 5:12

Haimeta leitia, hailareva foromai leitia, ipi eve kauri voa eaeipeta tava rovaea kofa; ipi ere eve soa ve omopa karu, lea peroveta karu ta lōfeare leiape.

Mareko 8:38

Ualare la kakeva auke leita aea mai kaiae leita mea taotao voa, ara vei aeata arave o vei maeamariti leita lea vita, Karu ve Atute ta are vei maeamariti aite leiti roi, are safu aneru lareva lareva ita fareho, areve Oa ve sosorusosoru ita kotita lea soa voa.

Luka 17:30

Karu ve Atute sa pisiri muiaita sare ta lōfeare leiti roi.

Aposetolo 16:25

A—, apisi soa feare, Paulo auka Silasi ita Ualare la loki lei, maeati fara feri feri, dibura karu ta ereukaro mapaiape soa,

Aposetolo 5:41

Aposetolo karu lea kaunsila ve kokorukai kiripi terōpe hailareva foromai ita, ipi ere Iesu ve rare vei hehea leipe lea vei.

Roma 5:3

Lea haria kao, a—, heafo ve soasoa voa ereita hailareva leititore, ipi ereita ore heafo ve soasoa voa karu lula auke haiiri rofo ovaita ore,

Roma 8:17

Ereita areve atutemori leitita, a—, ereita ta hasu, Ualare ve hasu Keriso ita farehoria maravaita karu; ipi ereita are ita fareho hehea leitita, a—, ereita are ita fareho sosorusosoru lōri leiti roi.

Roma 8:18

Arave seseōvaita haiiri meha, mea faitora soa ve haisora aea Ualare sa ereitaro muiai vei leita lea sosorusosoru ita farehoria topiari seseōvaita usoso kakaeite.

2 Korinito 1:5

Ipi ela Keriso ve hehea are ita fareho topiari rovaea leita lōfeare, ela ta rofo leiti vei kureaita siahu Keriso voa rovaea topiari lōri ovai.

2 Korinito 1:7

Elave haikaeaipeta haiiri e vei kere la leipea, ipi ela ore e elave lōfeare hehea leitita lea vei, e elaro lei rofo leiti vei kureaita lea siahu ta ovai roi.

2 Korinito 4:10

Soa foromai voa ela elave maea voa Iesu ve opai la ovi la roroa, lea vei Iesu ve makuri ta elave maea voa muiai vei.

2 Korinito 4:17

Ipi elave utohoa kaleipeta haisora seika sa elaro lei kekese la leipea, seseōvi ore auke lei peita sosorusosoru ve rovaeka kofa la aite soa voa ovai vei.

Filipi 3:10

Arave haikaeaita haiiri meha, Keriso la malasa lei, are opi ata itoipe siahu ta ore lei, areve hehea are ita fareho leiti vei, aea are opōpe lea mai feare voa ta opai vei.

Kolose 1:24

Ara faitora e vei leitita mea hehea voa hailareva la leipea, ipi arave maeasarōva voa leipeta mea hehea voa ara Keriso sa leipe hehea hohoi la lei kekese leiti vei la toaraipea, areve maea vei, eite ekalesia reha.

2 Timoteo 2:12

ereita rofo ita lei roroaita, a—, ereita are ita farehoria harofave lei roroava roi; ereita arero avoa ō vovo roroaita, a—, are ta ereitaro avoa ari roi;

1 Petero 1:13

Lea vei eve haiiri ovoako lei, haisukafori roroava, aea Iesu Keriso areve elore maea la pisiri muiaita soa voa e sa ovai vei leipeta lea haiforoe leita meru la eve haiiri foromai ita au tai vovo roroava.

1 Petero 2:21

Ipi lōfeare leiti vei Ualare sa ero isaiape, ipi Keriso ta hehea e vei leipe, aea mai ero lōri muia satiriarōpe, e ta areve mora la tai terai vei.

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.

Iuda 1:24

E safosafoa levi putoi vei ero kiva leita ore Ualare, aea ero maita maealolo auke ita maravi, areve sosorusosoru ve omopa voa hailareva ita ero vipaita ore leita lea Ualare,

Apokalupo 1:7

Ofae eavaia, are mea‐e voa forea la kotipea; ofae foromai arero fofoisai roi, aea arero sukafaropōpe lea karu ta reha; mearovaeka ve toruipi‐ipi karu foromai are vei fi savoi roi. Okofa ta reha. Amene.

Apokalupo 1:9

Arao, Ioane, eve paua, aea Iesu sa ereitaro isaita lea haisora aea basileia aea au morarita mai voa eve maeapavora vita, firu aea rare Patamoso voa fasi peiape, ipi Ualare ve o vei, aea ipi ara o Iesu vei itoro ape lea vei.