1 Petero 4:11 - Testamenta Áre 1983 (Toaripi PNG)

¹¹ Karu farakeka aea itoro arita, a—, are Ualare ve ovoro la moia; karu aea toaraita tivi leitita, a—, are Ualare sa arero miaraita rofo ita toaraia. Lōfeare voa etau foromai Ualare la lei sosorusosoru leiti vei Iesu Keriso voa: sosorusosoru aea siahu ita areve, aea lōri lei pepe peava roi. Amene.

1 Petero 4:11 Iomraidhean Croise

Mataio 6:13

Vuteaita mea voa elaro levi lariōvaia, a—, maealolo voa elaro fareōvi lei makuri leitia.

Ioane 13:31

Soka Iudasi sa maria voa terōpe lea mea, Iesu mō ōpe, Faitora Karu ve Atute ve sosorusosoru pisiri muia, aea Ualare ve sosorusosoru ta are voa muiaita meha.

Aposetolo 7:38

Mea Mose ta Israela karu ita fareho leiape ere furuka merava voa taototori roroaiape lea mea; are lōvoa ereitave papa‐ita fareho lei, aea Sinai raepa voa are ita laua sukavōpe lea aneru ta fareho lei meiape. Are makuri ve o ta ovōpe ereitaro miarai vei.

Roma 11:36

Ipi etau foromai areve, are voa foreri aea are sa leiape. Sosorusosoru are voa lei peava! Amene.

Roma 12:3

Araro miarōpe lea meru vei, ara eve karu formai la o la moi, e maeamarōva lei, elore maea haiarori levi leitia; a—, haisukafori kaeaia, usoso Ualare sa ero lei sukaerereaita lōfeare.

Roma 16:27

Are haria haiore foromai leita lea Ualare vei sosorusosoru Iesu Keriso voa lei peava. Amene.

Roma 3:2

Lareva ve rovaea etau foromai voa. Omopa etau meha, Ualare areve o Iuda karu sa kiva leiti vei miaraiape.

1 Korinito 10:31

Lea ve ipi e larietau la larita, aea e ma la larita, aea e etau hariaharia la leitita, a—, e Ualare la lei sosorusosoru leitia.

1 Korinito 12:4

Maeaforoe sa miaraita meru rauapo mai hariaharia ia, a—, eite Arahoha are farakeka haria.

1 Korinito 3:10

Ualare sa araro miaraita meru lōfeare, ara maiore toare tivi vita feare, uvi ve ipi oti miavi kekese leipe, a—, karu haria sa areve arori voa la turaipea. Karu foromai ereve elore elore turaita mai la metakao seseōvaia.

1 Korinito 6:20

are ero tava vei itaea lei maravaiape. Soka e eve maea sa Ualare la lei sosorusosoru leitia.

2 Korinito 2:17

Ipi ela karu rauapo fefeare kao, Ualare ve o la ovi o haria ita kapekapeaita lea karu; a—, ipi Ualare sa elaro itapaita lea vei ela okofa ita areve omopa voa laua Keriso voa sukōvō vovea.

2 Korinito 9:13

Mea toaraita tivi voa eve mai la lei okofa la muiaipea, aeata karu rauapo sa Ualare la maeati roi, ere e arero kakeva lei Keriso ve Ovoro Lareva la seseara vovo roroaita lea vei; ere arero ta maeati roi eve lōfoa lōfoa lei miaraita meru ere vei aeata karu foromai vei.

Efeso 1:19

E mea ta ore leitia, areve siahu rovaeka aeata rofo rovaekapo ita leafeare sa ereita arero sukaerereaita karu voa tivi toara vovea.

Efeso 4:29

O maealolo eve ape poe voa levi mei foreraia; o lareva la moia, karu ve haiiri la lei ovava lei, mapaita karu la lei haiforoe leiti vei.

Efeso 5:20

Ereitave Papuvita Iesu Keriso ve rare la ovi etau foromai vei Ualare Oa la meavea maeati peava.

Efeso 6:10

Soka laua sarapaita o meha: Papuvita ve siahu voa siahu ovi, aea areve rofo rovaea soa voa rofo lei roroava.

Filipi 1:11

e Iesu sa lei foreraita haura ve fare foromai rauapo la tai roi, Ualare la lei sosorusosoru lei maeati vei.

Filipi 2:11

aea Iesu Keriso are Papuvita lea o ape foromai sa meimei, Ualare Oa la lei sosorusosoru leiti veia.

Kolose 4:6

Haiforoe o ita laua sukavai peava, aea sōlo feare sa eve o la lei tapare lei peava; lōfeare vei e tava o haura karu hariaharia la miaraita ore.

1 Tesalonika 2:4

a—, usoso Ualare sa ela Ovoro Lareva la itoro ari vei elaro haikaea ovōpe, lōfeare haiiri ita ela lea Ovoro la omoi vovea, karu la lei hailareva leiti vei kasirau, a—, elave haiiri la seseōvi ore leita lea Ualare la lei hailareva leiti vei.

1 Timoteo 1:17

Soasoa foromai voa peita King, opai auke ita, karu sa eavai auke lei, peita lea Ualare farakeka la maeati sosorusosoru ita lei peava. Amene.

1 Timoteo 6:16

are haria sa makuri lei pea vovea, karu sa haekao voa foreraita ore auke leitita lea ovava voa, karu sa ofae eavai auke leita, aea karu sa ofae ruri vei ore auke leitita lea Ualare. Maeatita o aea soa sarapai auke leitita basileia ve siahu are voa lei peava. Amene.

Tito 2:1

Soka ao, a satiriaraita o haura karu la lei ore leitia.

Tito 2:15

Lea etau foromai la omoia; siahu ita karu la kurea, o erere ita erero aria. Karu farakeka aea aro haiarara lei levi kōutoaia.

Heberu 13:7

Ero lariōvaipe lea karu la haikaeaia, Ualare ve o ero itoro ape lea karu. Ere sa leiape mai ereve opai ita la ore lei, ereve sukaererea vo roroaiape lea mai la ruruia vovo roroava.

Heberu 5:12

Soa foreri roroka e satiraraita papukaru leiti vei; eite haikaeaita mai kofa meha, karu aea sa Ualare ve ovoro ve oarehōva etau la ero ata satiriarai vei. E kō‐opu la hai areapo la kaeaipea; larietau kere la lari vei rofo kasirau.

Iakobo 1:19

Haikakare leita paumarehari e, mea la ore leitia, karu foromai o mapai vei utohoa lei vovo roroava, a—, o omoi vei aeata kitou leiti vei, lekaleka lei vovo roroava.

Iakobo 1:26

Karu aea areve haiiri mōfeare, are Ualare la maso toaita karu; a—, are areve ape sa o seseōvai auke ita moita, a—, are elore haiiri la apeva vuteaita, aea areve maso toaita mai ta eite kasirau.

1 Petero 2:12

Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

1 Petero 2:5

E ta kotia, makuri leitita fave fefeare lei, Arahoha ve maso uvi voa turi vipi, e safu maso tivi karu lei, Arahoha ve maso etau la Iesu Keriso vei Ualare voa omopa posaseai vei.

1 Petero 4:10

Ualare sa ero miaraita lea meru sa e elore elore toaraia, usoso Ualare ve haiforoe leita meru hariaharia la maravaita kiva karu lareva fefeare.

1 Petero 4:16

A—, karu aea, ipi are Keriso ve karu eavia, are haisora lei vovo meita, a—, are maeamariti levi leitia; a—, are lea rare vei Ualare la lei sosorusosoru leitia.

1 Petero 5:11

Siahu areve reha, pepe lōri peava. Amene.

Iuda 1:25

Ualare farakeka, ereitave Papuvita Iesu Keriso voa ereitaro lei makuri leita lea Ualare: sosorusosoru, maeati, rofo rovaekapo, aeata siahu ita la, evera kofa soa ve omopa voa, aea faitora, aeata aite soa voa arero miarai peava. Amene.