1 Petero 4:10 - Testamenta Áre 1983 (Toaripi PNG)

¹⁰ Ualare sa ero miaraita lea meru sa e elore elore toaraia, usoso Ualare ve haiforoe leita meru hariaharia la maravaita kiva karu lareva fefeare.

1 Petero 4:10 Iomraidhean Croise

Mataio 20:28

Ipi Karu ve Atute karu areve sarufa leiti vei koti kao, a—, are karu ve sarufa leiti vei, aea areve makuri la karu rauapo la paraeaita tava vei miarai vei.

Mataio 24:14

Soka basileia ve mea Ovoro Lareva mearovaeka foromai voa itoro ari roi, toruipi‐ipi karu foromai la lei ore leiti vei; aite soa sarapaita soa lōri forerai roi.

Mataio 24:21

Ipi lea soa voa haisora rovaea kofa leiti roi; lōfeare haisora evera leiti kasirau soa mearovaeka ve oarehōva soa itiiti faitora, aea lōfeare soa ata levi forerai roi peava roi.

Mataio 24:45

Soka etauroro la kiva leita aeata haiore ita leitita sarufa leisa? Areve papuvita sa arero lei areve uvi ve tivi harofave vita leiti vei aea tivi irave ve larietau soa kofa voa miarai vei lōfeare vita leisa?

Mataio 25:17

Moni korukoru 2,000 maravōpe lea vita ta lōfeare, are 2,000 maea aeata maravi topiarōpe.

Mataio 25:44

Soka ere ta tava o arero mō ari roi, Papuvita e, ela aro eroa ita, aea kavōre‐tolo ita, aea oti haria karu lei, aea paseare ita, aea eka ita, aea dibura uvi voa sasauka lōri meiape la ofae leasauka eovi, aro maeaforoe leiti auke leipe?

Mareko 10:45

Ipi Karu ve Atute, are kofa, karu areve sarufa leiti vei koti kao, a—, are karu ve sarufa leiti vei, aea areve makuri la karu rauapo la paraeaita tava vei miarai vei.

Luka 12:42

Lō mei Papuvita mō ōpe, Etauroro la kiva leitita sarufa haiiri kakeva aeata haiore ita leitita lea karu leisa? Areve papuvita sa arero lei, areve uvi ve tivi harofave sarufa vita leiti roi, uvi karu ve larietau la soa kofa voa miarai vei.

Luka 19:13

Soka are areve sarufa karu ten la isa, aea gold moni koru farafarapo erero farafarapo la miōri mō ōpe, Mea moni la ovi itaea leita tivi la lei lei tetete ara ata kotita soa.

Luka 8:3

aea Ioana, Heroda ve uvi karu ve harofave vita Kusa ve ua, aeata Susana. Uamori rauapo ta reha, ere ereve ovi roroaiape etau hea la miōri, Iesu areve satiriaraita karu ita la lōfeare toaraiape.

Roma 15:25

A—, mea faitora soa ara Ualare ve karu la toari Ierusalema voa sariva lei patai vei la roi.

Roma 15:27

Ere maeaforoe lōfeare haikaeai; eite ereve abitorea, ipi toru hariaharia karu ere luda karu ve Arahoha etau la ovaita, a—, ere abitorea vei lōri lei, maeasarōva etau voa luda karu la toari aiorai vei.

1 Korinito 15:10

A—, ipi Ualare ve maeaforoe ve meru eavia, ara faitora meipeta mea mai la lei la mea; aea are araro leipe lea maeaforoe eite auke ita leiti kasirau, ipi tivi voa ara sa erero foromai la sapatai; a—, eite ara kao, a—, Ualare ve maeaforoe ara ita fareho lei vovo meipeta lea vei.

1 Korinito 3:10

Ualare sa araro miaraita meru lōfeare, ara maiore toare tivi vita feare, uvi ve ipi oti miavi kekese leipe, a—, karu haria sa areve arori voa la turaipea. Karu foromai ereve elore elore turaita mai la metakao seseōvaia.

1 Korinito 4:7

Ero moravi e arori karu leiti vei leisa leipe? E maravi roroita etau voa Ualare sa miarai auke etau aea larelekōru? E hiva aipeta ipi levea, etau ero miarai auke ovitao?

2 Korinito 6:1

Ela Ualare ita fareho tivi lei, ero loki la leipea, e areve haiforoe leita meru la auraka levi ovaia.

2 Korinito 9:1

Iudea voa pepeita Ualare ve karu la toaraita meru vei, ara o aeata ata ukaita eite kofa kao.

Efeso 3:8

Ara Ualare ve karu foromai voa eite auke kofa lei meiape. A—, Ualare maeaforoe lei meru araro miarōpe, ara toruipi hariaharia karu ve omopa voa karu sa muti ore auke lei, Keriso ve lea pisoso etau rauapo la itoro ari vei,

Efeso 4:11

Are ta meru etau rauapo karu la aioraiape; karu hea la lei ere aposetolo karu leiti vei; hea ta peroveta karu leiti vei; hea ta Ovoro Lareva la itoro ari vei; hea ta ekalesia la kiva karu aea satiriaraita papukaru leiti vei.

2 Timoteo 1:18

Are Papuvita ve maeaforoe ta sukaeai vei lea Sare voa. Are sa araro Efeso voa toaraiape lea mai la a eapo foromai ore kofa.

Tito 1:7

Ipi ekalesia la lariōvaita karu rovaea are Ualare ve tivi la kiva leita karu, aea are kaiae auke ita meita lōfeare sa lareva. Are ivara eokere karu kao, heohea leita karu kao, ma maealolo la la’ la’ maeakakare leita karu kao, sosori muru karu kao, aea moni la haikakare araita karu kao.

Heberu 6:10

Ualare are eae leiti sore, e leiape lea etau aea areve rare la haikakare lei, e areve safu karu la toaraiape aeata toarai vovea, are lea la hai levi safai roi.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.

1 Petero 5:12

Ara mea karoro harua la mei Silasi ve mai sa ukaita meha. Are ereitave marehari kofa, arave haiiri reha. Ara haikaeai ero kurea lei rofo leiti vei, aeata ero o mō la moi, Ualare ve haiforoe leita meru kofa meha; are voa kere pavaia.