1 Petero 4:1 - Testamenta Áre 1983 (Toaripi PNG)

¹ Soka ipi Keriso hehea sarōva voa leipe lea vei, e ta haiiri seseōvi are ita usoso lei, eve haiiri rofo leitia. Ipi maeasarōva voa hehea leitita lea karu are mai kaiae la kiripaita reha.

1 Petero 4:1 Iomraidhean Croise

Mareko 3:3

Are mai hōru sisapōpe vita la mō ōpe, A itei aru voa pavaia.

Roma 6:11

E ta lōfeare, e hai mō kaeaia, e kaiae voa opi kaleipe, a—, Keriso vei e makuri Ualare voa lei vovo la roroa.

Roma 6:2

Kakaeite kofa! Kaiae leita mai vei ereita opai feare lei, ereita are voa leafeare makuri lei roroava roi?

Roma 6:7

Ipi karu opaita lea mea, arero iri kaiae ve siahu voa paraea fareovaita reha.

Galatia 2:20

Araro Keriso ita satauro sa paeōpe, aea makuri ata leita lea karu ara kao, a—, Keriso reha, arave iri voa makuri lei vovo meita lea Vita, aea ara maeasarōva voa leita lea makuri, ara Ualare ve Atute la sukaerereaita haiiri voa makuri lei vovo mea vovea, araro haikakare lei, areve maea la ara vei au miarōpe lea Vita voa.

Galatia 5:24

Keriso Iesu ve karu firu ere ereve maeasarōva ve haihahari aea haikaeaita mai maealolo ita la satauro voa vitaita feare lei lōri paea kaleita reha.

Efeso 6:13

Lea vei Ualare ve marehaukaita etau foromai la mai paeaia, e sare maealolo voa erero sukelapi, etau foromai kekese lei lōri soi pepei veia.

Filipi 2:5

Keriso Iesu voa eaeiape mea haiiri e voa ta ovaia.

Heberu 12:3

Iesu la haikaeaia, aea are iri kaiae karu sa arero sukavutea hasiavōpe soa la au moraripe lea mai ta seseōvaia. Lōfeare leitita, a—, e haisora lei haiiri ve rofo levi sisapai roi.

Heberu 4:10

Ipi Ualare ve haioraita soa voa oropaita lea karu areve tivi kiripi haioraitore, usoso Ualare sa areve tivi la kiripi haiorōpe lōfeare.

1 Petero 2:21

Ipi lōfeare leiti vei Ualare sa ero isaiape, ipi Keriso ta hehea e vei leipe, aea mai ero lōri muia satiriarōpe, e ta areve mora la tai terai vei.

1 Petero 3:18

Ipi Keriso soa farakeka haria iri kaiae foromai la fari mutatapai vei opōpe; mai haura Vita haura auke karu vei, ipi ero Ualare tai lariōvai vei. Areve sarōva voa arero paeōpe, a—, arahoha voa are makuri lei meiape.