1 Petero 3:9 - Testamenta Áre 1983 (Toaripi PNG)

⁹ Maealolo ve tava maealolo vei levi miaraia, aea o maealolo ve tava o maealolo levi moia; a—, ero o maealolo arita karu la tava o lareva la omoia. Ipi lōfeare mai leiti vei Ualare sa ero isa, ero o sa lei lareva leiti vei otoare ōpe.

1 Petero 3:9 Iomraidhean Croise

Mataio 19:29

O aeata meha, uvi ei, a—, maraiosu ei, a—, uarosu ei, a—, oa ei, a—, lou ei, a—, atutemori ei, a—, hasu ei, arave rare vei kiripaita lea karu, tava 100 soa maravi, aeata peita makuri ta ovai roi.

Mataio 25:34

Soka King areve mai toare voa pepeita karu la mō ari roi, Kotiria, arave Oa sa lei lareva leita karu e, mearovaeka la pisosipe soa voa e vei kekese leita basileia la ovaia.

Mataio 5:39

A—, ara ero o la moi, Aro hasiavaita karu la levi sukavuteaia; a—, aro heva toare voa toaita lea vita, heva itai ta eakoa arero muiaia.

Mataio 5:44

A—, ara ero o la moi, Ave ote karu la haikakare lei vovo meava, aea aro hasiavai vei aitetai vo meita lea karu vei ta Ualare la loki leitia.

Mareko 10:17

Soka are otiharo voa maea lei terai vei leipe soa, karu aea arero tai soea vo koti, areve omopa voa sukakoka avi, arero lalasi mō leipe, Satiriaraita vita lareva e, ara etau etau lekōru la lei peita makuri aite ovai vei?

Luka 10:25

Soka Safu Karoro ore vita farakeka Iesu la seseōvai vei itei mō ōpe, Satiriaraita Papuvita e, ara lekōru la lei, peita makuri la ovai vei.

Luka 18:18

Soka lohio karu aea arero lalasi lei mō ōpe, Satiriaraita vita lareva e, ara etau etau lekōru la lei peita makuri la aite ovai vei?

Roma 12:14

Ero haisora leiti vei aitetaita lea karu la o sa lei lareva leitia; karu la o lareva ae peava, aea o maealolo levi aria.

Roma 12:17

Karu sa leita maealolo vei, a tava maealolo levi miaraia. Karu foromai ve omopa voa leita mai lareva la haikaea peava.

Roma 8:28

Ereita mōfeare ore, Ualare la haikakare leita karu, are haikaea isa maravaita lea karu vei, are etau foromai tivi farehoria leititore lareva la lei forerai vei.

Roma 8:30

Ualare sa haikaea maravōpe lea karu la are isōpe. Erero isa are erero are ita lei haura leipe; aea are haura leipe lea karu la lei, ere are ita fareho sosorusosoru leiti vei.

Galatia 3:14

Keriso lōfeare leipe ipi Ualare sa Abrahama la o lareva ōpe otoare la toru hariaharia karu ta miarai vei Keriso Iesu voa, aea ereita ta Ualare la sukaerereaita lea vei lea otoare Arahoha la ovai vei.

Efeso 4:32

Elore elore maeaforoe lei, haiiri mafu ita elore elore kaiae la sasuka pepeava, usoso Ualare sa Keriso voa eve kaiae la sasukōpe lōfeare.

1 Tesalonika 5:15

E kiva leitia, mai maealolo vei tava maealolo la karu farakeka aea sa levi miaraia, a—, mai lareva la leiti vei haikaeaia, eve elore elore karu vei aeata karu foromai vei.

Heberu 12:17

E ore, lea ve aite voa are areve oa sa moi o lareva la ovai vei haikaeōpe, a—, arero au sukavuteōpe; eite are ovororo sisapi, aeata are leipe lea etau la lei mai haria leiti vei elipe, a—, sukaeai kasirau.

Heberu 6:14

mō ōpe, Ara aro etakofa lei lareva leita siahu sa aro lei lareva leiti roi, aea aro lei totavi, ave meavumōla la lei rauapo kofa leiti roi.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.