1 Petero 3:8 - Testamenta Áre 1983 (Toaripi PNG)

⁸ Soka sisa o meha: e karu foromai haiiri farakeka ita lei vovo roroava; e elore elore maeaforoe lei, elore elore paumarehari feare lei, haimafu ita haiiri‐ipi ita, haikakare arai peava.

1 Petero 3:8 Iomraidhean Croise

Mataio 18:33

Usoso ara aro maeaforoe loita lōfeare a ta ave lea maeapavora karu la maeaforoe lōfeare leiti vei lea sa haura.

Luka 10:33

A—, sariva lei meiape Samaria karu aea are eaeiape lea oti voa foreri, arero ofae eovi arero rapi maeaforoe lei,

Aposetolo 2:1

Pentekoste ve sare forerōpe soa ere foromai oti farakeka voa kokoruka aipepeiape.

Aposetolo 27:3

Aite sare voa ela Sidono karikara voa patei avōpe. Soka Iulio are Paulo la maeaforoe lei, arero paraea, are areve paumarehari tai kei ere arero toaraita mai leiti vei.

Aposetolo 28:7

Soka lea oti haekao voa, lea firu ve harofave vita ve mea sa eaeiape, areve rare Publio. Are elaro maeafukapi sare oroisoria elaro maeaforoe lei savuōpe.

Aposetolo 4:32

Soka lea sukaerereaita karu foromai farehoria haiiri farakeka aeata ove farakeka ita pepeiape. Ere voa karu farakeka aea areve maea ve etau vei areve elore etau o moi kasirau; a—, ere ereve etau foromai farehoria maravai vei kokorukaiape.

Roma 12:10

E elore elore usoso paumarehari feare haikakare lei vovo roroava; aea karu haria ve fari la lei moravai haikaeaia.

Roma 15:5

Soka lula auke haiiri lei haiiri la lei rofo leiti vei kureaita lea Ualare sa eve haiiri la lei farakeka leitia Keriso Iesu voa,

1 Korinito 1:10

Paumarehari e, ara Papuvita Iesu Keriso ve rare ita ero loki la leipea, e haiiri farakeka ita laua sukōvi, aea e voa faeafaea arita haiiri hai levi kaeaia; a—, e farehoria haiiri farakeka lei haiiri seseōvaita mai farakeka voa roroai vei.

1 Korinito 12:26

Toepi siseita etau farakeka aea hehea leitita, a—, toepi siseita etau foromai hehea are ita farehoria loita reha; aea toepi siseita etau aea ve fari moravaita, a—, toepi siseita etau foromai hailareva are ita farehoria loita reha.

Efeso 4:2

Haiiri‐ipi ita, haiiri mafu ita, kitou auke haiiri ita mea savori lei vovo roroava; haikakare lei elore elore moraria.

Efeso 4:31

Haiiri eokere aea kitou hehea, aea irifae aea heohea e voa fari mutatapaia, aea hasiavaita haiiri foromai ta reha.

Efeso 4:32

Elore elore maeaforoe lei, haiiri mafu ita elore elore kaiae la sasuka pepeava, usoso Ualare sa Keriso voa eve kaiae la sasukōpe lōfeare.

Filipi 2:3

E etau farakeka aea la faeafaea oita haiiri ita ō eite auke maeamarōva ita levi leitia; a—, e elore elore haiiri‐ipi lei, eve maeapavora karu sa eve lareva la sapataita lōfeare haiiri la ovaia.

Filipi 3:16

Etau farakeka ereita ore lei roroka leitita lea okofa feare la ovi lōri roroava.

Kolose 3:12

E Ualare ve karu; are ero haikakare lei areve elore vei ero haikaea maravōpe. Lea vei e mōfeare mai la puta feare mopaia: maeaforoe leita haiiri, haimafu, haiiri‐ipi, foroe hai, aeata mea savori kitou auke roroaita haiiri ta reha.

Heberu 13:1

Eve ekalesia paumarehari la haikakare lei vovo roroava.

Iakobo 2:13

Maeaforoe leiti auke leitita lea karu, arero seseōvi tava miaraita lea mea Ualare sa arero maeaforoe levi muiai roi. A—, maeaforoe sa seseōvi tava miaraita mai la sapataitore.

Iakobo 3:17

A—, arori voa fauka leitita haiovoro ve omopa peise ovava reha, aea aite tairu, aeata haimafu. Are karu sa moita loki o la utohoa mapi, maeaforoe leititore, aeata fare lareva lareva sa soa’ meitore. Are horahora leitita etau kasirau, aeata lohalai mai ta leiti sore.

Iakobo 5:11

Mapaia, haisora la haiiri rofo ita au morariape lea karu vei ereita o lareva aritore. E Iobu ve haiiri rofo ve fari la mapi ore kofa, aea Papuvita sa aite soa voa are vei leipe lea mai ta ofae eovi ore la leipea. Ipi Papuvita are haimafu rovaea aea maeaforoe foromai lei vovea.

1 Petero 1:22

E faitora okofa la kakeva lei, eve ove la lei ovava lei, aea harapaharapa auke ita elore elore haikakare leitita lea vei, liri ita toto ita a’ elore elore haikakare araia.

1 Petero 2:17

Karu foromai la taivotaia. Paumarehari la haikakare leitia. Ualare la tore leitia. Kaisara la taivotaia.

1 Petero 5:5

Lōfeare mai ita, heavita áre áre e, opasora‐sora karu la kakeva lei vovo roroava. E karu foromai eve maea la haiiri‐ipi vei mate si ve maea ovi aravaia, e elore elore toarai vei; ipi Safu Buka ve o meha: Ualare maeamarōva karu la sukavutea vovea, a—, are haiforoe leita meru haiiri‐ipi karu la miara vovea.

2 Petero 1:7

aea Ualare la taivotaita mai voa paumarehari la liri arita mai ta topiaraia; aea paumarehari la liri arita mai voa karu foromai ta toto aria.

1 Ioane 3:14

Ereita ore, ereita opai la kiripi orapi makuri voa foreri la roroa, ipi ereita sa paumarehari la haikakare lei roroaita lea vei. Haikakare leiti auke leitita lea karu are opai ve siahu voa meme la mea.