1 Petero 3:7 - Testamenta Áre 1983 (Toaripi PNG)

⁷ Vita heaea e, lōfeare haiiri ita la leitia, eve uamori ita fareho pavaita mai la haisukafori kaea, erero taivotaia. Ipi ereve maea ve rofo eve rofo ita usoso kao, aeata ipi e fareho Ualare sa miaraita haiforoe leita meru la topiari ovaita lea vei, makuri leitita meru reha. E sa mai lōfeare leitita lea vei, e Ualare la loki leita lea mai la levi sukelapai roi.

1 Petero 3:7 Iomraidhean Croise

Mataio 18:19

Ara o aeata ero o la moi, E karu orakoria sa mearovaeka voa haiiri farakeka ita etau aea vei loki leiti oria, arave kauri voa peita Oa sa lea etau la leiti roi.

1 Korinito 7:3

Vita are laeaita mai ve eite areve ua voa leitia; ua ta laeaita mai ve eite areve vita voa leitia.

Efeso 3:6

Lea murufa haiiri ve eite meha, Ovoro Lareva sa lei toru hariaharia karu ere Iuda karu ita farehoria Ualare voa hasu maravi, ere maea farakeka voa toepi sisea, Ualare sa Iesu Keriso voa otoare ōpe etau la farehoria maravaita karu.

Efeso 4:30

Ualare ve Safu Arahoha Lareva la lei haiiri eae levi leitia; ipi lea Arahoha are Ualare sa sasarōpe rare peise e voa reha, soa are sa ero lei paparaea ero lei makuri leita lea sare voa.

Efeso 5:33

Soka e vita heaea eve elore elore ua la haikakare araia, eve haria maea la leita lōfeare, aea ua ta areve vita la taivotaia.

Efeso 6:18

Soa foromai voa Arahoha ita veveu lei loki taupi lei vovo roroava. Ovoako lei haiiri rofo ita Ualare ve karu vei loki poetapai auke ita lei vovo roroava.

Kolose 3:19

Vita heaea e, e eve elore elore uamori la haikakare araia, aea haiiri eokere ere vei levi leitia.

1 Tesalonika 4:4

E heavita farafarapo elore elore ua la safu mai ita, fari lareva ita laeai vei,

Tito 3:7

Lea vei areve haiforoe leita meru sa ereitaro lei haura leipe, ereita Ualare sa ōpe otoare etau la au tai vei, peita makuri reha.

Heberu 1:14

Soka aneru foromai ere eite Ualare ve tivi leitita arahoha, fareōvi makuri leiti vei karu la toarai vei itapaitore.

1 Petero 3:1

Lōfeare haiiri ita, e uamori eve elore elore vita heaea la mapi kakeva lei roroava; lōfeare voa Ovoro Lareva la sukaerereai auke leitita lea vita heaea, erero o moi auke ita voa ereve uamori sa leitita lea mai sa erero lei sukaerereai vei,