1 Petero 3:21 - Testamenta Áre 1983 (Toaripi PNG)

²¹ Lea ve peise bapatiso reha, ero faitora fareōvi makuri leita bapatiso; maeasarōva ve sirisiri la mauka fareovaita lea kao, a—, eve haiiri la lei ovava lei roroai vei Ualare ve soso voa, Iesu Keriso sa opi ata itoipe lea vei.

1 Petero 3:21 Iomraidhean Croise

Mareko 16:16

Sukaerereai aea bapatiso lei ovaita lea karu la lei makuri leiti roi; a—, sukaerereai auke leita lea karu la seseōvi kaiae tava erero miarai roi.

Aposetolo 2:38

Petero erero tava o mō ōpe, Haiiri keroria, ero foromai la Iesu Keriso ve rare voa bapatiso leitia, eve iri kaeai la felaukea mutapaita peise vei, aea Ualare sa Arahoha Lareva ero miarai roi.

Galatia 3:27

Ero bapatiso lei Keriso ita fareho lōri leipe, aea faitora ta e Keriso la puta feare mopi la roroa.

Aposetolo 22:16

Soka a lekōru la taipea? Itei, bapatiso ovaia, aea areve rare la isa, ave iri kaiae la ma sa uka sasukaia.

Efeso 5:26

are arero bapatiso ma aea omoita o ita sa lei ovava lei, arero lōri lei safu leiti vei,

1 Petero 1:3

Ereita ereitave Papuvita Iesu Keriso ve Oa Ualare la maeatia. Areve maeaforoe rovaea eavia, are ereitaro lei ata mi áre ari vei, are sa Iesu Keriso la opai voa ata moravōpe lea vei. Lōfeare voa ereita makuri áre ita au tai vovo la roroa,

1 Korinito 12:13

Lōfeare mai ita Arahoha farakeka sa ereitaro foromai la maea farakeka voa bapatiso leiape, Iuda karu varo, toru hariaharia karu varo, fasaita sarufa karu varo, au roroaita karu varo, a—, Arahoha farakeka ma feare ereitaro miōri lalape.

Kolose 2:12

Ipi e bapatiso leipe lea mea, ero Keriso feare lei, are ita viopi, aea are ita farehoria ta moravōpe, ipi eve sukaerereaita haiiri meha, Ualare sa lei, are Keriso la opai voa moravōpe lea vei.

Mataio 28:19

Lea vei teraia, torutoru karu foromai voa karu la lei ere ta satiriaraita karu leitia. Erero Oa ve rare aea Atute ve rare aea Safu Arahoha Lareva ve rare voa bapatiso leitia.

Heberu 9:24

Ipi Keriso are karu sa pisosipe safu oti, kauri oti kofa ve maea ruriaita ove feare safu oti voa oropai kao. Are kauri kofa voa oropi, aea Ualare ve omopa voa foreri ereita vei faitora laipea.

1 Timoteo 6:12

Sukaerereaita haiiri ve mare lareva haukaia; peita makuri la ovaia, a lea makuri la ovai vei Ualare sa aro isōpe, a aruru karu rauapo ve soso voa ave haiiri ve tava o lareva la moipe lea mea.

2 Korinito 7:1

Arave haikakare e, ereita lea otoare la ovi roroaita lea vei, ereita maeasarōva aea arahoha ita sirisiri leita etau foromai la elore elore voa fareōvi mutapi, Ualare la taivotei, safu mai lareva la kekese ita lei vovo roroava.

1 Korinito 4:6

Soka paumarehari e, ipi eve lareva vei ara mea etau la ukai elaka Apolosi ita vei, elaka ero satiriōri, e elakave mai la eovi ore leiti vei, e Safu Buka voa uka siseita o voa sesearai kofa leitia, e karu farakeka aea vei hiva o a’, karu aea la sukavuteai ave.

Aposetolo 16:33

Soka are ereukaro lea faita soa kofa voa lariōvi, ereukave teavi sape siaviri la ma uka uka, aea arero areve karu foromai ita la lea soa kofa voa bapatiso leipe.

Aposetolo 8:36

Soka ere isaiape lea mea, ere ma oti voa forerōpe. Foreri Etiopia karu mō ōpe, Ofae eavaia, ma meha. Araro bapatiso leiti vei o erere oita etau aea ia ei?

Roma 5:14

A—, opai ve siahu sa karu foromai la sapataiape, soa Adamu ve soa itiiti Mose ve soa voa; eite karu hea Adamu ve kaiae feare, Ualare ve o la kaeava ari kao, a—, erero ta opai sa sapataiape. Ereuka sa leiape mai voa forererōpe eite voa, Adamu are koti vei leipe lea vita ve maea ve ove feare la leipe.

Heberu 11:19

Ipi are hai mō kaeōpe, Ualare karu la opai voa ata moravaita ore, aeata Abrahama are Isako la opi ata itoita mai feare voa makuri lei ata ovōpe.

2 Korinito 1:12

Elave hiva ve ipi meha, aea leita mai la elave lea seseōvaita haiiri sa elaro lei okofa o ō vovea, ela mearovaeka voa aeata eve soso voa safu mai lareva ita aea Ualare sa miaraita haiiri ovava ita roroa vovea, maeasarōva ve haiore ita kao, a—, Ualare sa miaraita haiforoe ita voa.

1 Timoteo 1:5

A—, arave haisa moita lea o ve eite haikakare reha, sirisiri auke haiiri aea seseōvaita haiiri haura aea sukaerereai kofa leita haiiri ita sa lei foreraita lea haikakare.

Heberu 9:14

a—, Keriso ve ovo, peita Arahoha voa areve elore maea la Ualare voa omopa posaseōpe lea Vita ve ovo, kaiae auke Vita ve ovo siahu rovaea kofa ia, opaita tivi ve sirisiri voa eve haiiri la lei ovava lei, e makuri lei peita lea Ualare la maso toai vei.

Heberu 10:22

Lea vei ereita haiiri kofa ita, sukaerereaita haiiri foromai ita, Ualare tai hōiri forerai vei, ereitave haiiri la ma sa uka mai maealolo la kakeva leita haiiri la fari mutatapai vei, aea ereitave maea la ma ovava voa sukoi vei.

Heberu 13:18

Ela vei Ualare la loki lei peava, ipi elave seseōvaita haiiri ovava aea ela leita mai foromai voa haura la haikaeai vovea; ela lea etau voa horahora kasirau.

1 Petero 3:16

a—, haimafu ita Ualare la haikavora lei tava o lōri omoia. Eve haiiri la ovava kofa ita lei roroava, lea vei karu sa ero o maealolo a’, e Keriso voa lei roroaita lea mai lareva vei kaiae o ero omoita lea mea, ere maeamariti leiti roi.

Ioane 13:9

Simona Petero arero mō ōpe, Papuvita e, arave mora haria kasirau, a—, arave harofave aea arave mai oraka ta reha.

Aposetolo 8:37

Filipi mō ōpe, A ave haiiri foromai ita Iesu la sukaerereai oria, aro bapatiso leitita lea lareva. Lō mei are tava o mō ōpe, Arave sukaerereaita haiiri meha, Iesu Keriso are Ualare ve Atute.