1 Petero 3:16 - Testamenta Áre 1983 (Toaripi PNG)

¹⁶ a—, haimafu ita Ualare la haikavora lei tava o lōri omoia. Eve haiiri la ovava kofa ita lei roroava, lea vei karu sa ero o maealolo a’, e Keriso voa lei roroaita lea mai lareva vei kaiae o ero omoita lea mea, ere maeamariti leiti roi.

1 Petero 3:16 Iomraidhean Croise

Mataio 5:11

Arave rare vei karu o maeamariti ero ari oria, aea ero hasiavai vei aitetai oria, aea havara apeva ero paraeai oria, lea mea e lareva ia.

Aposetolo 24:16

Lea vei, Ualare ve soso voa aeata karu ve omopa voa, ara kaiae ore auke haiiri la ovai vei, ara arave maea la kiva rofo ita lei vovea.

Aposetolo 28:22

A—, a sukaerereaita lea haiiri vei ela mapai haikaeai, ipi lea mai leitita firu karu vei, ela mea la ore, otioti foromai voa karu sa erero o maealolo ōvo vovea.

Roma 9:1

Ara Keriso voa okofa la moi, ara apeva o ari kao, Safu Arahoha ta ore arave haiiri kofa sa moita o meha,

2 Korinito 1:12

Elave hiva ve ipi meha, aea leita mai la elave lea seseōvaita haiiri sa elaro lei okofa o ō vovea, ela mearovaeka voa aeata eve soso voa safu mai lareva ita aea Ualare sa miaraita haiiri ovava ita roroa vovea, maeasarōva ve haiore ita kao, a—, Ualare sa miaraita haiforoe ita voa.

2 Korinito 4:2

Ela maeamariti lei arorisaita mai la mutapi, maeahahauhahau mai auke lei, ela Ualare ve o la apeva o ita kapekapeai sore. A—, okofa la o pisiri mei, ela Ualare ve soso voa elave mai lareva karu foromai ve seseōvaita haiiri voa lōri muia, ere sa elaro maeati vei.

1 Timoteo 1:19

sukaerereaita haiiri aea seseōvaita haiiri haura ita voa seseari kere ita meava. Karu hea lea haiiri la sukavutea, aea sukaerereaita lea ovoro voa ere usoso vavaea toharaita karu feare lei la roroa.

1 Timoteo 1:5

A—, arave haisa moita lea o ve eite haikakare reha, sirisiri auke haiiri aea seseōvaita haiiri haura aea sukaerereai kofa leita haiiri ita sa lei foreraita lea haikakare.

2 Timoteo 1:3

Ara usoso arave papa sa leiape mai feare, seseōvaita haiiri haura ita Ualare la maso toaia soasoa voa, ara faita ita sare ita aro haikaeaita lea meamea, ara Ualare la maeati vovea.

Tito 2:8

Lōfeare ave o sa haura kofa leitita lea vei, karu aro kaiae o arita ore auke lei, ereitaro sukavuteaita lea karu ere maeamariti leiti roi, ipi ere sa fari maealolo ereita vei fafarapaita ore auke leitita lea vei.

Heberu 13:18

Ela vei Ualare la loki lei peava, ipi elave seseōvaita haiiri ovava aea ela leita mai foromai voa haura la haikaeai vovea; ela lea etau voa horahora kasirau.

Heberu 9:14

a—, Keriso ve ovo, peita Arahoha voa areve elore maea la Ualare voa omopa posaseōpe lea Vita ve ovo, kaiae auke Vita ve ovo siahu rovaea kofa ia, opaita tivi ve sirisiri voa eve haiiri la lei ovava lei, e makuri lei peita lea Ualare la maso toai vei.

1 Petero 2:12

Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

1 Petero 2:15

Ipi Ualare sa haikaeaita haiiri meha, eve leita mai lareva sa maeakakare karu ve haiivavu o la lei poetapai vei.

1 Petero 2:19

E ipi auke ita ve haisora voa, Ualare la haikaea, lea haisora la au morarit’ oria, are ero lei lareva leiti roi.

1 Petero 3:21

Lea ve peise bapatiso reha, ero faitora fareōvi makuri leita bapatiso; maeasarōva ve sirisiri la mauka fareovaita lea kao, a—, eve haiiri la lei ovava lei roroai vei Ualare ve soso voa, Iesu Keriso sa opi ata itoipe lea vei.

1 Petero 4:4

Faitora karu haihava la leipea, ipi e ere ita topiari auke lei, ere ita havohu maeakakare leiti auke leitita lea vei; aeata ere ero o maealolo ō vovea.